रोमी 13:8 - पश्‍चिम तामाङ

⁸ गी:चे गी:त म्‍होइब बीम खल्‍तेङनो ल्‍हो-ल्‍हो तइ तम्‍रीएनो छ्‍या अतखइ, तलेपङ्‌सम् ल्‍हो-ल्‍होत म्‍होइबलचे पर्‌मेस्‍वर्‌की नीयम्‍त ङ्‌येन्‍बल तब।

रोमी 13:8 ပူးပေါင်းရင်းမြစ်များ

मत्‍ती 7:12

“ल्‍हो-ल्‍हो म्‍हीमाचे एङ्‌यीमाकी लागीरी ता स्‍य्‍हेङ्पीन्‍खइ म्‍हेन्‍ज्‍यी, होलेनो एङ्‌यीमाचेएनो ल्‍हो-ल्‍हो म्‍हीमात स्‍य्‍हेङो। तलेपङ्‍सम् चुनो पर्‌मेस्‍वर्‌की नीयम्तेङ् अगम्‍बक्‍तमाचे लोप्‍पे तम्‍मा य्‍हीन्‍ब।

युहन्‍ना 13:34

देरेम् ङ एङ्‌यीमात छार् अर्‌ती गी कुल्‍ब, एङ्‍यीमा गीःचे गीःत म्‍होइगो। ङचे एङ्‌यीमात म्‍होइब र्‌हङ्‌लेनो, एङ्‌यीमाचेएनो गीःचे गीःत म्‍होइगो।

रोमी 13:10

म्‍होइबलचे खीम्‍सेत अज्‍यब अस्‍य्‍हेङ्। होत्‍तज्‍यीम् म्‍होइबनो पर्‌मेस्‍वर्‌की नीयम्‍री मुबे जम्‍मनो आज्ञामा टोप लब य्‍हीन्‍ब।

रोमी 13:7

एङ्‍यीमाचे फाथोबलमात फागो। तीरो फाथोबलत तीरो फागो, भन्‍सार फाथोबलत भन्‍सार फागो, ओसेम् स्‍य्‍हु लथोबलमात स्‍य्‍हु लउ ओसेम् स्‍य्‍हेस स्‍य्‍हेङ्‌थोबलत स्‍य्‍हेस स्‍य्‍हेङो।

गलाती 5:14

तलेपङ्‍सम् मोसाचे ब्रीबे जम्‍मनो नीयम्, “एचे र्‌हङ्‍की खीम्‍सेत र्‌हङ्‍त र्‌हङ्‌लेनो म्‍होइगो” पङ्‌बे अर्‌ती गीःरीनो पुरा तब।

कलस्‍सी 3:14

म्‍होइबमी चु जम्‍मा तम्‍मा बीम य्‍हक्‍को ङ्‌हच्‍छयङ्‍ य्‍हीन्‍ब, तलेपङ्‍सम् म्‍होइबचेनो जम्‍मतनो गीः तनलज्‍यीम् थुन्‍नले थेन्‍ब।

१ तीमोथी 1:5

ङ्‍य्‍हङ्‍चे लोप्‍पे चु तम्‍की उदेस्‍यमी चोखो सेम्‍तेङ् ज्‍यबे लो ओसेम् देमेन्‍की बीस्‍वास् ग्‍यम्‍से डोङ्‌बे म्‍होइबत छर्‌नलब य्‍हीन्‍ब।

याकुब 2:8

धर्‌म छ्‍ये:री यङ्‍बे, “र्‌हङ्‍की खीम्‍सेत र्‌हङ्‍त र्‌हङ्‌लेनो म्‍होइगो” पङ्‍बे पर्‌मेस्‍वर्‌की य्‍हुल्‍की नीयम्‍त एङ्‍यीमाचे ङ्‍येन्‍ज्‍यी पङ्‌सम् ज्‍यब स्‍य्‍हेङ्‌ब।

१ युहन्‍ना 3:10

पर्‌मेस्‍वर्‌की ज जमे खल ओसेम् सैतान्‍की ज जमे खल बी चु ग्‍यम्सेनो स्‍येःब खल पङ्‌लेनो धर्‌मीक्‍तरी अब्रबलमा, र्‌हङ्‍की बीस्‍वासी र्‌होमात अम्‍होइबलमा पर्‌मेस्‍वर्‌की ज जमे अय्‍हीन्।