रोमी 13:2 - पश्‍चिम तामाङ

² खल्‍चे पङ्‌लेनो सासक्‍माकी बीरोद् स्‍य्‍हेङ्‌ज्‍यी पङ्‌सम् थेचे पर्‌मेस्‍वर्‌चे कुल्‍जेत्‍पे तम्‍तनो बीरोद् स्‍य्‍हेङ्‌ब, ओसेम् चोले बीरोद् स्‍य्‍हेङ्‌बलमाचे सजाय यङ्‌स्‍ये मुब।

रोमी 13:2 ပူးပေါင်းရင်းမြစ်များ

मत्‍ती 23:13

“धीक्‍कार एङ्‌यी धर्‌म लोप्‍पोन्‍मातेङ् फरीसीमा! एङ्‍यीमा कपटीमा य्‍हीन्‍ब। तलेपङ्‍सम् एङ्‍यीमाचे म्‍हीमाइ ङ्‍होन्‍सङ् स्‍वर्‌गइ य्‍हुल्‍की म्रप् दुङ्‍बल मुब। एङ्‍यीमा र्‌हङएनो न्‍हङ्‌री अवङ् ओसेम् न्‍हङ्‌री वङ्‌ब म्‍हइबलमातएनो वङ्‍अपुङ्।

मर्‌कुस् 12:40

थेङ्‍यीमाचे र्‌हेम्‍बो स्‍यीबे अमकोलमाइ दीम्‍नम् ब्‍येन्‍ब, ओसेम् ङोन्‍बे लागीरी र्‌हीङ्‌बे प्रार्‌थना स्‍य्‍हेङ्‌ब। होतेबमाचे झेन् य्‍हक्‍को ङ्‍हच्‍छ्‍यङ् सजाय यङ्‍स्‍ये मुब।”

लुका 20:47

थेङ्‍यीमाचे र्‌हेम्‍बो स्‍यीबे अमकोलमाइ दीम्‍नम् ब्‍येन्‍ब। ओसेम् र्‌हङ्‌त ज्‍यब ङोन्‍बे लागीरी प्रार्‌थना र्‌हीङ्‌नले स्‍य्‍हेङ्‌ब। थेङ्‍यीमाचेमी य्‍हक्‍को अज्‍यबे सजाय यङ्‌स्‍ये मुब।”

रोमी 13:1

जम्‍मनो म्‍हीमा य्‍हुल्‍की सासक्‍माकी अधीन्‍री टीथोब, तलेपङ्‍सम् पर्‌मेस्‍वर्‌की थुः बीम खल्‍चेएनो सासन् स्‍य्‍हेङ् अखम्। जम्‍मनो सासक्‍मात पर्‌मेस्‍वर्‌चेनो हुजु ग्‍लारी थेन्‍जेत्‍पल य्‍हीन्‍ब।

रोमी 13:3

तलेपङ्‌सम् सासक्‍मा ग्‍यम्‍सेमी ज्‍यबे लक् स्‍य्‍हेङ्‌बलमा अय्‍हीन् तर अज्‍यबे लक् स्‍य्‍हेङ्‌बलमा लोङ्‌थोब। ता एङ्‌यीमा सासक्‍मा ग्‍यम्‍से अलोङ्‌बे सेम् लब? होले पङ्‌सम् एङ्‌यीमाचे ज्‍यबे लक् स्‍य्‍हेङो, थेङ्‌यीमाचे एङ्‌यीमात तोप्‍स्‍ये मुब।

रोमी 13:5

होत्‍तज्‍यीम् सजाय अयङ्‍बे लागीरीकीनो अय्‍हीन्, तर र्‌हङ्‌की बीबेक्‍की लागीरीएनो एङ्‍यीमाचे सासक्‍माकी अधीन्‍री टीनोथोब।

रोमी 9:19

खल्‍चे पङ्‌लेनो ङत पङ्‍ल, “होले पङ्‌सम् पर्‌मेस्‍वर्‌चे तले म्‍हीत दोस् ल्‍हइदीजेत्‍प? तलेपङ्‌सम् थेङ्‍की थुःत खल्‍चे र्‌होद्‍प खम्‍ब स्‍यीम्?”

तीतस 3:1

सरकारतेङ् सरकारी म्‍हीमाइ अधीन्‍री टीज्‍यीम् थेङ्‍यीमाचे कुल्‍बल ङ्‌येन्‍थोब, ओसेम् जम्‍मनो ज्‍यबे लक् स्‍य्‍हेङ्‌बरी छ्‍येज्‍यीम् टीथोब पङ्‍बे तम् बीस्‍वासीमात व्‍हल् लपीनो।

याकुब 3:1

ङइ बीस्‍वासी र्‌होमा, एङ्‍यीमा न्‍हङ्‌री लोप्‍पोन्‍मा य्‍हक्‍को थतउ। तलेपङ्‍सम् एङ्‍यीमाचे स्‍ये:बलनो मुब, ङ्‌यीमा लोप्‍पीन्‍बलमाकी न्‍याय झेन् य्‍हक्‍को कोङ्‍नले तस्‍ये मुब।

१ पत्रुस 2:13

प्रभुइ लागीरी म्‍हीमाकी सासन्‍की अधीन्‍री टीउ। ग्‍यल्‍बोइ अधीन्‍री टीउ, थेतेङ् गोदोब्‍न्‍हङ्‍री ङ्‍हच्‍छ्‍यङ् अधीकार् तब।