रोमी 13:12 - पश्‍चिम तामाङ

¹² म्‍हुन् गल्‍ब म्‍हइज्‍यी, दीन् खब म्‍हइज्‍यी। होत्‍तज्‍यीम् ङ्‌य्‍हमाङ्‍चे म्‍हुन्‍दुङ्‌री स्‍य्‍हेङ्‌बे अज्‍यबे लक्‍मा पीत्‍ज्‍यीम्, य्‍हल्‍री ज्‍यबे लक्‍मा स्‍य्‍हेङ्‌बरी स्‍यीपइमा र्‌हङ्‌ले टोप् तज्‍यीम् टीइ।

रोमी 13:12 ပူးပေါင်းရင်းမြစ်များ

रोमी 13:14

तर एङ्‌यीमा प्रभु येसु ख्रीस्‍ट् र्‌हङ्‍ब तज्‍यीम् ब्रउ। ओसेम् एङ्‌यीमाकी ल्‍हीःकी पापी स्‍वभाब् अनुसार् लक् स्‍य्‍हेङ्‌बे सेम्‍त ख्‍लागो।

१ कोरीन्‍थी 10:11

थेङ्‍यीमात तबे चु तम्‍मा ङ्‍य्‍हङ्‍मात नुमनइ लागीरीतेङ् ङ्‍य्‍हङ्‍मात होसीयार् तनलबे लागीरी ब्रीबल य्‍हीन्‍ब। तलेपङ्‍सम् देरेम् चु जम्‍बुलीङ् बेबे बेलो खबल मुब।

१ कोरीन्‍थी 7:29

बीस्‍वासी र्‌होमा, ङ एङ्‍यीमात पङ्‍ब, बेलो य्‍हक्‍को अरे, ओसेम् देरे य्‍हङ्‍से म्रीङ् मुबलमा म्रीङ् अरेबलमा र्‌हङ्‍ब तज्‍यीम् टीउ।

२ कोरीन्‍थी 10:4

तलेपङ्‍सम् ङ्‌यीमाचे बङ्‍ब छेत्‍परी थोःबे हतीयार्‌मामी जम्‍बुलीङ्‍ल अय्‍हीन्, तर चुमामी पर्‌मेवस्‍वर्‌चे न्‍हङ्‍जेत्‍पे सक्‍तीसाली हतीयार्‌मा य्‍हीन्‍ब। चु हतीयार्‌मामी सैतान्‍की सक्‍तीतेङ् भ्‍य्‍हुकी तम्‍मात नास् लब खम्‍बे पर्‌मेस्‍वर्‌की सक्‍ती य्‍हीन्‍ब।

२ कोरीन्‍थी 6:7

देमेन्‍की सम्‍तर्‌चे ओसेम् पर्‌मेस्‍वर्‌की सक्‍तीचेनो ङ्‌यीमा थेङ्‌की योक्‍पोमा य्‍हीन्‍ब बी ङोन्‍ज्‍यी। ङ्‍यीमातेङ मुबे धार्‌मीक्‍तानो छेत्‍पतेङ् र्‌हङ्‍त जोगइतीबे लागीरी केत्‌तेङ ल्‍होम् यारी थोःबे हतीयार् य्‍हीन्‍ब।

एफीसी 4:22

होत्‍तज्‍यीम् एङ्‍यीमाचे ङोन्‍ग्‍यम्‍की पाप् स्‍वभाब्‍मा अनुसार् सोबे एङ्‌यीमाकी पुरानो जीवन् सोब पीत्‍लाको। एङ्‌यीमाकी हुजु ङोन्‍ग्‍यम्‍की जीवन्‍मी अज्‍यबे सेम्‍चे म्‍हेन्‍बे लुबे तम्‍माचे न्‍होङ्‍टीब मुबल।

एफीसी 5:11

म्‍हुन्‍दुङ्‍की अतबे लक्‍मा स्‍य्‍हेङ्‌ज्‍यीम् ब्रबे म्‍हीमातेङ् एङ्‌यीमा डीःज्‍यीम् थब्रउ। तर हुजु लक्‍मा अज्‍यब य्‍हीन्‍ब बी ङोन्‍पीनो।

एफीसी 5:8

तलेपङ्‍सम् तीख्‍यप् एङ्‍यीमा म्‍हुन्‍दुङ्‍री मुबल, तर देरेम् प्रभुइ म्‍हीमा तबल तज्‍यीम् एङ्‍यीमा य्‍हल्‍री मुब। होत्‍तज्‍यीम् एङ्‍यीमा य्‍हल्‍री ब्रबे म्‍हीमा र्‌हङ्‍ब तज्‍यीम् ब्रउ।

हीब्रु 10:25

गदे म्‍हीमालमी सङ्‍गतीरी अङ्‍यीबे बानी तब, तर ङ्‍हय्‍ङ्‍माचेमी तीच्‍छङ् र्‌हुब् तब पीत्‍प अत। एङ्‍यीमाचेमी प्रभुइ दीन् ज्‍यदङ् खटीबल म्रङ्‌बल तज्‍यीम् गीःचे गीःत झेन् आर् पीनो।

हीब्रु 12:1

ङ्‍य्‍हङ्‍माकी कोरोरो चोत्‍ते य्‍हक्‍को दङबोइ साक्षीमा मुब। होत्‍तज्‍यीम् ङ्‍य्‍हङ्‍मात खबे जम्‍मनो बाधमातेङ् ङ्‍य्‍हङमात सजीलोलेनो उन्‍नलबे पाप्‍मात ख्‍लाके, ओसेम् ङ्‍य्‍हङ्‍माकी ङोन्‍री मुबे छ्‍योङ्‍थोबे ग्‍यम्‍री धैर्‌य लज्‍यीम् छ्‌योङ्‍के।

याकुब 1:21

होत्‍तज्‍यीम् एङ्‍यीमाचे स्‍य्‍हेङ्‌बे जम्‍मनो दुस्‍ट तम्‍मातेङ् एङ्‍यीमाचे स्‍य्‍हेङ्‌बे दुस्‍ट लक्‍मा ख्‍लाथोब, ओसेम् पर्‌मेस्‍वर्‌चे एङ्‌यीमाइ सेम्‍री थेन्‍जेत्‍पे फ्रोइत नम्र तज्‍यीम् स्‍वीकार स्‍य्‍हेङो, तलेपङ्‍सम् हुजु फ्रोइचेनो एङ्‌यीमा थर्‌ब खम्‍ब।

याकुब 5:8

होलेनो एङ्‌यीमाएनो धैर्‌य लज्‍यीम् टीउ, ओसेम् प्रभुरी भरोसा कोङनले थेनो, तलेपङ्‌सम् प्रभु ब्‍योन्‍युबे दीन् ज्‍यदङ् खटीबल मुब।

१ पत्रुस 2:1

होत्‍तज्‍यीम् एङ्‍यीमाचे जम्‍मनो अज्‍यबे ब्‍यबहार्‌मा, र्‌होत लुब, छल्-कपट स्‍य्‍हेङ्‍ब, ओसेम् स्‍हेर्‌बतेङ् नीन्‍द स्‍हेङ्‌ब पीतो।

१ पत्रुस 4:7

जम्‍बुलीङ्‌की जम्‍मनो स्‍हेमा बेबे बेलो ज्‍यतङ् खबल मुब। होलेतज्‍यीम् एङ्‍यीमा प्रार्‌थनाकी लागीरी सेम् दुल्‍ज्‍यीम् चोङ्‍ले टीउ।

२ पत्रुस 3:11

जम्‍मनो स्‍हेमा चोले नास् स्‍य्‍हेङ्‍स्‍ये तबल तज्‍यीम् एङ्‍यीमाचे र्‌हङ् खतेबे म्‍ही तथोब? एङ्‍यीमा पबीत्रतेङ् पर्‌मेस्‍वर्‌त सेम्‍री ङ्‌यीबे लक् स्‍य्‍हेङ्‌ज्‍यीम् ब्रबे म्‍ही तथोब।

२ पत्रुस 3:9

र्‌हङ्‌चे स्‍य्‍हेङ्‍जेत्‍पे बाचा टोप् लबरी प्रभुचे गेःजेत्‍प बी डेत्‍डेत् म्‍हीमाचे पङ्‌लेनो थेङ् गेःअजेत, बरु एङ्‍यीमान्‍हङ्‍री खलेएनो नास् अतखइ, तर जम्‍मचेनो र्‌हङ्‍की पाप्की पस्‍चताप स्‍य्‍हेङ्‌खइ पङ्‍बे थुः थेङ्‌ल मुबल तज्‍यीम् थेङ्‍चे एङ्‍यीमात ब्रेन्‍जेत्‍टीब मुब।

१ युहन्‍ना 2:18

म्‍होइबे कोलमा, चु ज्‍युःकी बेलो य्‍हीन्‍ब। ख्रीस्‍ट्‍की बीरोधी खटीब बी एङ्‍यीमाचे थ्‍येःबल मुब, ख्रीस्‍ट्‍की य्‍हक्‍को बीरोधीमा खज्‍यीन्‍बल मुब। चु ग्‍यम्सेनो चु ज्‍युःकी बेलो य्‍हीन्‍ब बी स्‍येःब।

प्रकास 1:3

चु छ्‌येःकी अगम्‍बानीइ फ्रोइमा र्‌होत खेत्‍पीन्‍बलमा, ओसेम् ज्‍यनले ङ्‌येन्‍बतेङ् हुजु अनुसार् ब्रबलमा जम्‍मनो मोलम् यङ्‍बलमा य्‍हीन्‍ब। तलेपङ्‍सम् चु तम्‍मा ग्‍योनेनो तस्‍ये मुब।

प्रकास 22:10

ओसेम् थेचे ङत चोले पङ्‍ज्‍यी, “चु छ्‍येःकी अगम्‍बानीइ तम्‍मात छुम्‍ज्‍यीम् थथेनो, तलेपङ्‍सम् चु जम्‍मनो तम्‍मा तस्‍येकी बेलो ज्‍यदङ् मुब।