रोमी 13:1 - पश्‍चिम तामाङ

¹ जम्‍मनो म्‍हीमा य्‍हुल्‍की सासक्‍माकी अधीन्‍री टीथोब, तलेपङ्‍सम् पर्‌मेस्‍वर्‌की थुः बीम खल्‍चेएनो सासन् स्‍य्‍हेङ् अखम्। जम्‍मनो सासक्‍मात पर्‌मेस्‍वर्‌चेनो हुजु ग्‍लारी थेन्‍जेत्‍पल य्‍हीन्‍ब।

रोमी 13:1 ပူးပေါင်းရင်းမြစ်များ

मत्‍ती 6:13

ङ्‍यीमात परीक्षरी दोःन थलजेतो, तर ङ्‍यीमात सैतान् ग्‍यम्‍से जोगइतीजेतो। [तलेपङ्‍सम् य्‍हुल्‍तेङ् सक्‍ती ओसेम् महीमा खेम पङ्‌लेनो थेङ्‍लनो य्‍हीन्‍ब, आमेन्।’]

युहन्‍ना 19:11

ओसेम् येसुचे सुङ्‌जेत्‍ज्‍यी, “पर्‌मेस्‍वर्‌चे अन्‍हङ्‍बल य्‍हीन्‍सम् थेङ्‌ल ङइ जोरी तइ हकएनो अतस्‍येल। होत्‍तज्‍यीम् ङत थेङ्‌की यारी सोप्‍तीपीन्‍बलचे य्‍हक्‍को ङ्‍हच्‍छ्‍यङ् पाप स्‍य्‍हेङ्‌बल मुब।”

प्रेरीत् 2:41

हुजु लीप्‍चे य्‍हक्‍को म्‍हीमाचे थेचे पङ्‍बे तम्‍त बीस्‍वास् लज्‍यीम् बप्‍तीस्‍मा कीन्‍ज्‍यी। हुजु दीन्‍कुनो थेङ्‍यीमातेङ् हजार सोम्‍गदे म्‍हीमा कप्‍ज्‍यी।

रोमी 12:21

दुस्‍टचे एङ्‍यीमात थडापुङो, तर ज्‍यब स्‍य्‍हेङ्‌ज्‍यीम् दुस्‍टत डागो।

रोमी 13:2

खल्‍चे पङ्‌लेनो सासक्‍माकी बीरोद् स्‍य्‍हेङ्‌ज्‍यी पङ्‌सम् थेचे पर्‌मेस्‍वर्‌चे कुल्‍जेत्‍पे तम्‍तनो बीरोद् स्‍य्‍हेङ्‌ब, ओसेम् चोले बीरोद् स्‍य्‍हेङ्‌बलमाचे सजाय यङ्‌स्‍ये मुब।

एफीसी 5:21

एङ्‍यीमा ख्रीस्‍ट्‍त स्‍य्‍हेस लबे म्‍हीमा तबल तज्‍यीम् गीःचे गीःकी अधीन्‍री टीउ।

१ तीमोथी 2:2

ओसेम् ङ्‍य्‍हङ्‍मा अलोङ्‍नले सान्‍तीरी ब्रज्‍यीम् पर्‌मेस्‍वर्‌त सेम्‍री ङ्‌यीबतेङ् पबीत्र जीवन सोब खम्‍खइ बी ग्‍यल्‍बोमातेङ् ङ्‍हच्‍छ्‍यङ् पद्‍री मुबलमाकी लागीरी प्रार्‌थना स्‍य्‍हेङो।

तीतस 3:1

सरकारतेङ् सरकारी म्‍हीमाइ अधीन्‍री टीज्‍यीम् थेङ्‍यीमाचे कुल्‍बल ङ्‌येन्‍थोब, ओसेम् जम्‍मनो ज्‍यबे लक् स्‍य्‍हेङ्‌बरी छ्‍येज्‍यीम् टीथोब पङ्‍बे तम् बीस्‍वासीमात व्‍हल् लपीनो।

यहुदा 1:8

होलेनो चु भ्‍युकी तम् लोप्‍पे लोप्‍पोन्‍माचे म्रङ्‌बे म्‍हङ्‍चे लज्‍यीम् र्‌हङ्‍की ल्‍हीःत असुद्‍द तनलब, थेङ्‍यीमाचे प्रभुइ अधीकार्‌त अङ्‌येन्‍ब, ओसेम् स्‍वर्‌गइ स्‍वर्‌गदुत्‍माकी नीन्‍द स्‍य्‍हेङ्‌ब।

प्रकास 1:5

बीस्‍वास्‍योग्‍य साक्षी ओसेम् स्‍यीब ग्‍यम्‍से सोबलमान्‍हङ्‍री जम्‍मन्‍हङ्‍री ङोन्‍ग्‍यम् सोजेत्‍पल, ओसेम् जम्‍बुलीङ्‌की ग्‍यल्‍बोमाकी ग्‍यल्‍बो येसु ख्रीस्‍ट् ग्‍यम्‍से एङ्‍यीमात अनुग्रहतेङ् सान्‍ती। येसु ख्रीस्‍ट्‍चे ङ्‍य्‍हङ्‍मात म्‍होइजेत्‍प ओसेम् र्‌हङ्‍की काचे ङ्‍य्‍हङ्‍मात ङ्‍य्‍हङ्‍माकी पाप्‍मा ग्‍यम्‍से फेःपीन्‍जेत्‍पल मुब।

प्रकास 17:14

थेङ्‍यीमाचे थुमाकी बीरुद्‍दरी छेत्‍स्‍ये मुब, ओसेम् थुमा थेङ्‍यीमातेङ् डाजेत्‍स्‍ये मुब, तलेपङ्‍सम् थेङ् जम्‍मनो प्रभुमाकी प्रभु ओसेम् जम्‍मनो ग्‍यल्‍बोमाकी ग्‍यल्‍बो य्‍हीन्‍ब। थेङ्‍तेङ् बक्‍च्‍य मुबलमामी ङ्‌होत्‍जेत्‍पल, दम्‍जेत्‍पल ओसेम् बीस्‍वास् स्‍य्‍हेङ्‌स्‍यीनो टीबलमा य्‍हीन्‍ब।”

प्रकास 19:16

थेङ्‍की न्‍हम्‍जतेङ् स्‍हुःरी “ग्‍यल्‍बोमाकी ग्‍यल्‍बो ओसेम् प्रभुमाकी प्रभु” पङ्‍बे छेन् ब्रीबल मुबल।