रोमी 12:9 - पश्‍चिम तामाङ

⁹ एङ्‍यीमाचे म्‍हीमात सुङ् ग्‍यम्‍सेकीनो अय्‍हीन् सेम् य्‍हङ्‌सेनो म्‍होइगो। दुस्‍ट लक्‍री सेम् अपीन्‍नले ज्‍यबे लक्‍री सेम् पीन्‍स्‍यीनो टीउ।

रोमी 12:9 ပူးပေါင်းရင်းမြစ်များ

मत्‍ती 26:49

ओसेम् यहुदा सर्-सर् येसुइज ङ्‌यीज्‍यीम्, “लस्‍सो, लोप्‍पोन्” पङ्‍ज्‍यीम् थेङ्‌की ग्रम्‍बरी च्‍योक्‍ज्‍यी।

युहन्‍ना 12:6

थेचे प्रङ्‌नमात म्‍होइबल तज्‍यीम् चोले पङ्‍बल अय्‍हीन्, तर थे य्‍हो तज्‍यीम् चोले पङ्‍बल मुबल। टङइ गल्‍द थेचे नाब मुबल, ओसेम् थेचे हुजु गल्‍द ग्‍यम्‍से टङ य्‍हो लब मुबल।

प्रेरीत् 11:23

बारनाबास एन्‍टीओखीया दोखब बीसेम् पर्‌मेस्‍वर्‌चे म्‍हीमात मोलम् न्‍हङ्‌बल म्रङ्‌ज्‍यीम् य्‍हक्‍को तङ्‌ज्‍यी। ओसेम् थेङ्‌यीमात खेम पङ्‌लेनो सेम् य्‍हङ्‌सेनो प्रभुत बीस्‍वास् लज्‍यीम् टीउ पङ्‍ज्‍यीम् आर् पीन्‍ज्‍यी।

२ कोरीन्‍थी 6:6

ङ्‌यीमाचे र्‌हङ्‍की चोखो सेम्‍चे, ज्ञान्‍चे, नापे सक्‍तीचे, दयचे, ओसेम् ङ्‌यीमातेङ् स्‍य्‍हुबे पबीत्र आत्‍माचे, ङ्‍यीमाकी देमेन्‍की म्‍होइबचे,

२ कोरीन्‍थी 8:8

ङचे चु एङ्‍यीमाचे स्‍य्‍हेङ्‍नोथोःब बी कुल्‍बल अय्‍हीन्। तर ल्‍हो-ल्‍होमाचे य्‍हक्‍को र्‌हो लबे सेम् लज्‍यीम् पीन्‍ब र्‌हङ्‌ले एङ्‌यीमाचेएनो पीन्‍ज्‍यी पङ्‌सम् एङ्‍यीमाचे ल्‍हो-ल्‍होत स्‍य्‍हेङ्‌बे म्‍होइब देमेन् य्‍हीन्‍ब बी ङोन्‍बरी ङचे चु तम् ब्रीबल य्‍हीन्‍ब।

१ थेस्‍लोनीकी 2:3

ङ्‌यीमाचे लोप्‍पे तम् न्‍ह भ्‍युले य्‍हीन्‍ब, न्‍ह असुद्‍द तखइ बी य्‍हीन्‍ब, न्‍ह लुपरी य्‍हीन्‍ब।

१ थेस्‍लोनीकी 5:15

खल्‍चे पङ्‌लेनो अज्‍यब स्‍य्‍हेङ्‍सम् एङ्‌यीमाकी गुङ्‍री खल्‍चेएनो खीत् थफागो। तर एङ्‍यीमाचे खेम पङ्‌लेनो गीःचे गीःत ओसेम् जम्‍मतनो ज्‍यब स्‍य्‍हेङ्‌बे सेम् थोःगो।

१ थेस्‍लोनीकी 5:21

तर जम्‍मनो तम् ज्‍यनले छोत् च्‍यागो, ओसेम् ज्‍यबे तम्‍तमी थेनो।

१ तीमोथी 1:5

ङ्‍य्‍हङ्‍चे लोप्‍पे चु तम्‍की उदेस्‍यमी चोखो सेम्‍तेङ् ज्‍यबे लो ओसेम् देमेन्‍की बीस्‍वास् ग्‍यम्‍से डोङ्‌बे म्‍होइबत छर्‌नलब य्‍हीन्‍ब।

हीब्रु 1:9

थेङ्‍चे धार्‌मीक्‍तात म्‍होइजेत्‍पल मुब, ओसेम् अधर्‌मत अखोजेत्‍पल मुब। होत्‍तज्‍यीम्, ओ पर्‌मेस्‍वर्, थेङ्‌की पर्‌मेस्‍वर्‌चे थेङ्‌की जोरी तङ्‍बइ छ्‍युकु युपीन्‍जेतज्‍यीम्, थेङ्‌की र्‌होमात बीम य्‍हक्‍को ङ्‍हच्‍छ्‌यङ् स्‍य्‍हेस थेङ्‍त न्‍हङ्‌जेत्‍पल मुब।”

हीब्रु 12:14

जम्‍मनो म्‍हीमातेङ् थुन्‍ज्‍यीम् टीबरी ओसेम् पबीत्र जीवन् सोबरी बङ् लउ, तलेपङ्‍सम् पबीत्र अतसम् खल्‍चेएनो प्रभुत म्रङ्‌ब खम्‍स्‍ये अरे।

याकुब 3:17

तर पर्‌मेस्‍वर् ग्‍यम्‍से यङ्‍बे बुद्‍दी ङोन्‍नो सुद्‍द तब, सान्‍तीरी टीब, र्‌होकी तम्‍तेङ् डीःब ओसेम् थुन्‍ज्‍यीम् टीब। चोतेबे बुद्‍दी दयचे प्‍लीङ्‍बल तब ओसेम् ज्‍यबे लक्‍मा स्‍य्‍हेङ्‌ब, बेख्‍लेतेङ् कपटी अत

१ पत्रुस 1:22

देरेम् एङ्‍यीमाचे देमेन्‍की फ्रोइत ङ्‌येन्‍ज्‍यीम् र्‌हङ्‍की सेम् सुद्‍द स्‍य्‍हेङ्‍बल मुब, ओसेम् र्‌हङ्‍की बीस्‍वासी र्‌होमात देमेन्‍ले म्‍होइगो, एङ्‍यीमाचे गीःचे गीःत सेम्‍न्‍हङ् य्‍हङ्‌सेनो म्‍होइगो।

१ पत्रुस 4:8

जम्‍मन्‍हङ्‍री ङ्‍हच्‍छ्‍यङ् तम्‍मी र्‌हङ्‍की सेम् य्‍हङ्‌सेनो गीःचे गीःत म्‍होइज्‍यीम् टीब य्‍हीन्‍ब, तलेपङ्‍सम् म्‍होइबचे य्‍हक्‍को पापमा गप्‍प।