रोमी 12:5 - पश्‍चिम तामाङ

⁵ होलेनो ङ्‌य्‍हङ्‌मा य्‍हक्‍को तलेएनो ख्रीस्‍ट्‌री ल्‍हीः गी:नो य्‍हीन्‍ब, ओसेम् ङ्‌य्‍हङ्‌मा जम्‍मतनो गीःत गीः तोब।

रोमी 12:5 ပူးပေါင်းရင်းမြစ်များ

युहन्‍ना 17:11

देरेम् ङ जम्‍बुलीङ्‌री य्‍हक्‍को अटी, थेङ्‍यीमाम् चु जम्‍बुलीङ्‍रीनो टीब। तर ङ थेङ्‌ज खटीब। पबीत्र अप, थेङ्‍तेङ् ङ गीः तब र्‌हङ्‌ले थेङ्‍यीमाएनो गीः तखइ पङ्‍ज्‍यीम् ङत न्‍हङ्‍जेत्‍पे थेङ्‌की छेन्‍की सक्‍तीचे थेङ्‌यीमात जोगइतीजेतो।

रोमी 12:4

ङ्‍य्‍हङ्‍की ल्‍हीःरी य्‍हक्‍को अङ्‍गमा मुलेएनो हुजु अङ्‌गमाल र्‌हङ् र्‌हङ्‌की लक् तब।

१ कोरीन्‍थी 10:17

गेङ् गीःनो य्‍हीन्‍ब, ङ्‍य्‍हङ्‍मा य्‍हक्‍को मुलेएनो ल्‍हीः गीःनो य्‍हीन्‍ब, तलेपङ्‍सम् ङ्‍य्‍हङ्मा जम्‍मचेनो गेङ् गीः ग्‍यम्सेनो जुज्‍यीम् चबल मुब।

१ कोरीन्‍थी 10:33

जम्‍मनो म्‍हीमाचे थर्‌ब यङ्‍खइ पङ्‍ज्‍यीम् ङचेएनो ङचे स्‍य्‍हेङ्‌बे जम्‍मनो लक्‍मारी जम्‍मनो म्‍हीमात तङ्‍नलब म्‍हइब, ङ र्‌हङ्‌ल अय्‍हीन् तर जम्‍मलनो ज्‍यब तखइ पङ्‍बे सेम् थोःज्‍यीम् लक् स्‍य्‍हेङ्‍ब।

१ कोरीन्‍थी 12:20

होत्‍तज्‍यीम् अङ्‍गमा य्‍हक्‍को मुब, तर ल्‍हीःमी गीःकीनो मुब।

१ कोरीन्‍थी 6:15

एङ्‌यीमाकी ल्‍हीः ख्रीस्‍ट्‍की ल्‍हीःकी अङ्‍गमा य्‍हीन्‍ब पङ्‍बे तम् एङ्‍यीमाचे अस्‍ये? होले पङ्‌सम् ता ङचे ख्रीस्‍ट्‍की अङ्‍गत बेस्‍यइ अङ्‍ग तनलब? चोतेब खेमेएनो अतखइ!

एफीसी 1:23

मन्‍डली ख्रीस्‍ट्‍की ल्‍हीः य्‍हीन्‍ब, मन्‍डलीत थेङ्‌चेनो प्‍लीङ्‍नलजेत्‍प ओसेम् थेङ्‌चेनो मन्‍डलीत पुरा तनलजेत्‍प।

एफीसी 4:12

ख्रीस्‍टचेनो पर्‌मेस्‍वर्‌की म्‍हीमा जम्‍मतनो थेङ्‌की लक् स्‍य्‍हेङ्‌बतेङ् ख्रीस्‍ट्‍की ल्‍हीः मन्‍डलीत बीस्‍वास्‍री कोङ्‍न लबे जीम्‍मा न्‍हङ्‍जेत्‍ज्‍यी।

एफीसी 4:25

होत्‍तज्‍यीम् भ्‍यु पङ्‍ब पीत्‍ज्‍यीम् जम्‍मचेनो गीःचे गीःतेङ् देमेन्‍की तम् पङो, तलेपङ्‍सम् ङ्‍य्‍हङ्‍मा जम्‍मनो ख्रीस्‍ट्‍की ल्‍हीःरी मुबे अङ्‍गमा य्‍हीन्‍ब।

एफीसी 5:23

तलेपङ्‍सम् ख्रीस्‍ट् मन्‍डलीइ क्र य्‍हीन्‍ब, होलेनो र्‌हेम्‍बो म्रीङ्‍की क्र य्‍हीन्‍ब। ओसेम् र्‌हङ्‍की ल्‍हीः मन्‍डलीत मुक्‍ती न्‍हङ्‍बलेएनो ख्रीस्‍ट् र्‌हङ्‌नो य्‍हीन्‍ब।

एफीसी 5:30

तलेपङ्‍सम् ङ्‍य्‍हङ्‍मा थेङ्‌की ल्‍हीःकी अङ्‍गमा य्‍हीन्‍ब।

कलस्‍सी 1:24

देरेम् ङ एङ्‌यीमाकी लागीरी दुख नाथोलएनो तङ्‍ब, तलेपङ्‍सम् ख्रीस्‍ट्‍चे थेङ्‍की ल्‍हीः मन्‍डलीइ लागीरी खले दुखमा नाजेत्‍ज्‍यी, होलेनो ङएनो मन्‍डलीइ लागीरी नाथोस्‍येकी दुखमा ङइ ल्‍हीःरी नाज्‍यीम् टोप् तनलबरी र्‌हो लब।

कलस्‍सी 2:19

होतेबे म्‍हीमामी क्रतेङ् बक्‍च्‍य अटीनले फेःज्‍यीम् टीबल तब, हुजु क्रमी ख्रीस्‍ट् य्‍हीन्‍ब। तलेपङ्‍सम् ख्रीस्‍ट्‍चेनो ल्‍हीःकी जम्‍मनो अङ्‍गमात थेङ्‍री थुत्‍जेत्‍प, ओसेम् थेङ् ग्‍यम्‍से तज्‍यीम्‍नो ल्‍हीः बङ्‍ज्‍येन् तस्‍ये मुब ओसेम् पर्‌मेस्‍वर्‌की थुः अनुसार् छर्‌बोर्‌स्‍ये मुब।