रोमी 12:3 - पश्चिम तामाङ3 तलेपङ्सम् ङत न्हङ्बे अनुग्रह ग्यम्से ङ एङ्यीमा जम्मतनो पङ्ब, एङ्यीमा र्हङ्चे र्हङ्त म्हेन्थोब बीम य्हक्को ङ्हच्छ्यङ् थम्हेनो, तर पर्मेस्वर्चे एङ्यीमात न्हङ्जेत्पे बीस्वास्की नाप् अनुसार र्हङ् खतेब मुब, एङ्यीमाचे र्हङ्की बारेरी होसीयार्ले म्हेनो। အခန်းကိုကြည့်ပါ။ |
रोमी 12:3
47 ပူးပေါင်းရင်းမြစ်များ
ङइ बीस्वासी र्होमा, चु रहस्यइ तम् गी: एङ्यीमाचे स्येखइ पङ्बे सेम् ङल मुब। हुजु एङ्यीमाचे स्येज्यी पङ्सम् एङ्यीमाचे र्हङ्की लागीरी घमन्ड स्य्हेङ्स्ये अरे। चु रहस्य चोतेब मुब- ख्रीस्ट्री खतोबे यहुदी अय्हीन्बे जम्मनो म्हीमाचे बीस्वास् अस्य्हेङ्गदे सम्मकीनो डेत् डेत् इस्राएलीमाकी सेम् कोङ्स्ये मुब।
तर देरे ङ खतेब मुब हुजु पर्मेस्वर्की अनुग्रह ग्यम्से मुब, ओसेम् थेङ्चे ङत न्हङ्जेत्पे अनुग्रह खेर अय्हर्। ङचे ल्हो-ल्हो जम्मनो प्रेरीत्माचे बीम् य्हक्को लक् स्य्हेङ्ज्यी। तर हुजु जम्मनो लक्मा ङचे र्हङ्चेनो स्य्हेङ्बल अय्हीन्, ङतेङ् स्य्हुजेत्पे पर्मेस्वर्की अनुग्रह ग्यम्से स्य्हेङ्बल य्हीन्ब।
चु अनुग्रहचे ङ्य्हङ्त पर्मेस्वर्त सेम्री अङ्यीबे लक्तेङ् जम्बुलीङ्की स्हेःत म्होइज्यीम् थेङ्त तङ्न अलबे लक् स्य्हेङ्ब पीत्प लोप्प। ओसेम् चु अनुग्रहचे जम्बुलीङ्री र्हङ्चे र्हङ्त दुल्ज्यीम् ठीक् न्याय स्य्हेङ्बतेङ् पर्मेस्वर्त सेम्री ङ्यीबे ब्यबहार् स्य्हेङ्ज्यीम् ब्रब लोप्प।
प्रचार स्य्हेङ्बे बर्दान् यङ्बलचे पर्मेस्वर्की फ्रोइ प्रचार स्य्हेङ्थो:ब, सेव स्य्हेङ्ब पङ्बलचे पर्मेस्वर्चे न्हङ्जेत्पे सक्ती ग्यम्से स्य्हेङ्थो:ब। होलेनो जम्म तम्री येसु ख्रीस्ट् ग्यम्से पर्मेस्वरलनो तोप्प तखइ। ओसेम् थेङ्तनो खेम पङ्लेनो महीमातेङ् सक्ती तखइ! आमेन्।
होलेनो ब्योन् अमकोलमातेङ् छमे अमकोलमा मन्डलीइ एल्डर्माकी तम् ङ्येन्ज्यीम् ब्रथोब। ओसेम् एङ्यीमा जम्मचेनो नम्र तज्यीम् गीःचे गीःकी स्य्हप्तो स्य्हेङ्थोब। तलेपङ्सम् धर्म छ्येःचे चोले पङ्ब, “पर्मेस्वर्चे घमन्डी म्हीमाकी बीरोद् स्य्हेङ्जेत्प, तर नम्र म्हीमात अनुग्रह स्य्हेङ्जेत्प।”
ကြော်ငြာတွေ