15 तङ्बलमातेङ् तङो, क्राबलमातेङ् क्राको।
परमप्रभुचे थेत ङ्हच्छ्यङ् दय स्य्हेङ्जेत्पल थ्येःज्यीम् थेइ म्हेम्हेमातेङ् खीम्सेमा जम्मनो थेतेङ् तङ्ज्यी।
ओसेम् अले स्यीबल तज्यीम् मार्थतेङ् मरीयमत आर् पीन्बरी य्हक्को यहुदी म्हीमा लीङ्स ग्यम्से हुजुरी खबल मुबल।
बारनाबास एन्टीओखीया दोखब बीसेम् पर्मेस्वर्चे म्हीमात मोलम् न्हङ्बल म्रङ्ज्यीम् य्हक्को तङ्ज्यी। ओसेम् थेङ्यीमात खेम पङ्लेनो सेम् य्हङ्सेनो प्रभुत बीस्वास् लज्यीम् टीउ पङ्ज्यीम् आर् पीन्ज्यी।
अङ्ग गीःचे दुख यङ्ज्यी पङ्सम् ल्हीःकी जम्मनो अङ्गमाचे दुख यङ्ब। ओसेम् अङ्ग गीःचे स्य्हेस यङ्ज्यी पङ्सम् ल्हीःकी जम्मनो अङ्गमा तङ्ब।
खल पङ्लेनो बीस्वास्री अकोङ्बल म्रङज्यी पङ्सम् थेइ लागीरी ङइ सेम्एनो नब, ओसेम् खल्चे पङ्लेनो गीःत पाप् स्य्हेङनलज्यी पङ्सम् ङइ सेम् दुखचे क्रोब।
होत्तज्यीम् ङ खबतेङ् ङत तङ्न लबे म्हीमा ग्यम्सेनो ङइ सेम् अनखइ पङ्ज्यीम् ङचे हुजु चीठी ब्रीज्यी। तलेपङ्सम् ङइ सेम् तङ्बतेङ् एङ्यीमएनो जम्मनो तङ्ब पङ्बे तम्री ङत पक्क बीस्वास् मुब।
थेल एङ्यीमा जम्मत खतु लबे य्हक्को सेम् मुब। एङ्यीमाचे थे नबल थ्येःज्यी रो पङ्ज्यीम् थे य्हक्को छेर्बल मुब।
होत्तज्यीम् ङ थेत एङ्यीमाज दोःज्यीम् पीत्खबरी य्हक्को तङ्बल मुब, थेत देबेएनो म्रङ्ज्यीम् एङ्यीमाएनो तङ्स्ये मुब। ओसेम् ङइ छेर्बएनो म्हबोर्स्ये मुब।
जेल्री मुबलमात एङयीमाचे र्हङएनो थेङ्यीमातेङ् बक्च्य जेल्री मुबल र्हङ्ब म्हेन्ज्यीम् व्हल् लउ। दु:ख यङ्बलमात एङ्यीमाचे र्हङ्चेनो दु:ख यङ्बल र्हङ्ले म्हेन्ज्यीम् र्हो लउ।
