रोमी 12:11 - पश्‍चिम तामाङ

¹¹ ब्‍लेकु अलनले लक् स्‍य्‍हेङो, सेम् य्‍हङ्‌सेनो प्रभुइ लक् स्‍य्‍हेङो।

रोमी 12:11 ပူးပေါင်းရင်းမြစ်များ

मत्‍ती 24:12

“अज्‍यबे लक्‍मा य्‍हक्‍को तबल तज्‍यीम् य्‍हक्‍को म्‍हीमाचे गीःचे गीःत म्‍होइब पीत्‍लास्‍ये मुब।

मत्‍ती 25:26

ओसेम् न्‍याबोचे पङ्‍ज्‍यी, ‘ओ अज्‍यबतेङ् ब्‍लेकु योक्‍पो! ङ र्‌हङ्‌चे असुःबे ग्‍लाचे अन्‍न दुत्‍पे ओसेम् र्‌हङ्‌चे ब्‍लु अब्‍लुत्‍पे ग्‍लाचे अन्‍न र्‌हुब्‍पे म्‍ही य्‍हीन्‍ब बी एचे स्‍येःबल पङ्‌सम्,

प्रेरीत् 18:25

थेचे प्रभुइ ग्‍यम्‍की बारेरी थ्‍येःज्‍यीन्‍बल मुबल। ओसेम् थेचे सेम् य्‍हङ्‌सेनो तङ्‌ज्‍यीम् प्रभु येसुइ बारेरी ज्‍यनले लोप्‍प मुबल। होलेतलेनो थेचे युहन्‍नाचे पीन्‍बे बप्‍तीस्‍माकी बारेरीकीनो स्‍येःब मुबल।

प्रेरीत् 20:19

ओसेम् यहुदीमाचे सेत्‍प म्‍हइबे तम्‍माचे लज्‍यीम् य्‍हक्‍को ख्‍यप् ङ ङ्‍हच्‍छ्‍यङ् दुखरी दोःज्‍यी। होलेतलेनो ङ नम्र तज्‍यीम् ओसेम् ङइ मीचे मीख्‍ली य्‍हर्‌पुङ्‍ज्‍यीम् ङचे प्रभुइ लक् स्‍य्‍हेङ्‌ज्‍यी।

१ कोरीन्‍थी 7:22

तलेपङ्‍सम् प्रभुचे ङ्‌होत्‍जेत्‍पे बेलोरी बान मुबे म्‍ही, देरेम् थे प्रभुरी स्‍वतन्‍त्र तबल मुब। होलेनो प्रभुचे ङ्‌होत्‍जेत्‍पे बेलोरी स्‍वतन्‍त्र मुबे म्‍ही देरेम् ख्रीस्‍ट्‍की बान तबल मुब।

एफीसी 4:28

खल्‍ल पङ्‌लेनो य्‍हो लबे बानी मुसम् देरेम् य्‍हो लब पीत्‍थोब। तर थेचे र्‌हङ्‍चेनो दुख लज्‍यीम् इमान्‍दार्‌ले लक् स्‍य्‍हेङ्‍थोब, ओसेम् थेचे तोःबे म्‍हीमात ता पङ्‌लेनो पीन्‍ब खम्‍थोब।

कलस्‍सी 4:1

मालीक्‍मा, एङ्‌यीमाकी योक्‍पोमात बेख्‍ले अलनले ज्‍यब स्‍य्‍हेङो, तलेपङ्‍सम् एङ्‌यीमालएनो स्‍वर्‌गरी र्‌हङ्‍की मालीक् मुब पङ्‍बे तम् थम्‍लेतो।

१ तीमोथी 5:13

मीन् ब्रीबे छ्‍येःरी थेङ्‍यीमाकी मीन् मुसम् थेङ्‍यीमा ब्‍लेकु तबल तस्‍ये मुब, ल्‍होल्‍होमाकी दीम् दीम्‍री कोर्‌ज्‍यीम् ब्रबल तस्‍ये मुब, होदेकीनो अय्‍हीन् र्‌होकी तङ्‍मेन् लज्‍यीम् अथुन्‍नलबल तस्‍ये मुब, ओसेम् पङ्‍ब अतबे तम्‍माएनो पङ्‍बल तस्‍ये मुब।

हीब्रु 12:28

होत्‍तज्‍यीम् य्‍होङ्ब अखम्‍बे य्‍हुल् यङ्‌बल तज्‍यीम् ङ्‍य्‍हङ्‍माचे पर्‌मेस्‍वर्‌त व्‍होर्‌छ्‌ये पीन्‍गे। ओसेम् थेङ्‌त तङ्‍नलबरी स्‍य्‍हेस लज्‍यीम् थेङ्‌तेङ् लोङ्‌ज्‍यीम् थेङ्‌त तेन्‍के।

याकुब 5:16

होत्‍तज्‍यीम् एङ्‍यीमाचे स्‍य्‍हेङ्‌बे पापमा गी:चे गी:त स्‍येतो, ओसेम् एङ्‍यीमा नब ग्‍यम्‍से फेन्‍बरी गी:चे गी:की लागीरी प्रार्‌थना स्‍य्‍हेङो। धर्‌मी म्‍हीचे स्‍य्‍हेङ्‌बे प्रार्‌थनारी ङ्‍हच्‍छ्‍यङ् सक्‍ती तब ओसेम् ङ्‍हच्‍छ्‍यङ् लक् तब।

१ पत्रुस 1:22

देरेम् एङ्‍यीमाचे देमेन्‍की फ्रोइत ङ्‌येन्‍ज्‍यीम् र्‌हङ्‍की सेम् सुद्‍द स्‍य्‍हेङ्‍बल मुब, ओसेम् र्‌हङ्‍की बीस्‍वासी र्‌होमात देमेन्‍ले म्‍होइगो, एङ्‍यीमाचे गीःचे गीःत सेम्‍न्‍हङ् य्‍हङ्‌सेनो म्‍होइगो।

१ पत्रुस 4:8

जम्‍मन्‍हङ्‍री ङ्‍हच्‍छ्‍यङ् तम्‍मी र्‌हङ्‍की सेम् य्‍हङ्‌सेनो गीःचे गीःत म्‍होइज्‍यीम् टीब य्‍हीन्‍ब, तलेपङ्‍सम् म्‍होइबचे य्‍हक्‍को पापमा गप्‍प।

प्रकास 2:4

तर एइ बीरुद्‍दरी ङतेङ् तम् गीः मुब एचे ङोन्‍ग्‍यम् म्‍होइब र्‌हङ्‌ले म्‍होइब पीत्‍पल मुब।