रोमी 11:28 - पश्‍चिम तामाङ

²⁸ ज्‍यबे सम्‍तर्‌री बीस्‍वास् अस्‍य्‍हेङ्‌बल तज्‍यीम् य्‍हक्‍को इस्राएलीमा परमेस्‍वर्‌की सत्‍तुर् तबल य्‍हीन्‍ब, चुचे एङ्‌यीमातमी फाइद तबल मुब। तर थेङ्‍यीमात पर्‌मेस्‍वर् र्‌हङ्‌चेनो दम्‍जेत्‍पल ओसेम् थेङ्‌यीमाकी म्‍हेमेमातेङ् बाचा स्‍य्‍हेङ्‌जेत्‍पल तज्‍यीम् पर्‌मेस्‍वर्‌चे थेङ्‌यीमात म्‍होइजेत्‍प।

रोमी 11:28 ပူးပေါင်းရင်းမြစ်များ

मत्‍ती 21:43

“होत्‍तज्‍यीम् ङ एङ्‌यीमात पङ्‍ब पर्‌मेस्‍वर्‌की य्‍हुल् एङ्‍यीमा ग्‍यम्‍से ब्‍येन्‍स्‍ये मुब, ओसेम् हुजुइ रोःरो रोःन लबे ल्‍हो-ल्‍हो जाती गीःत पीन्‍स्‍ये मुब।

लुका 1:54

थेङ्‌चे र्‌हङ्‌की दय व्‍हल् लजेत्‍ज्‍यीम् थेङ्‌की सेवा स्‍य्‍हेङ्‌बे इस्राएलीमात र्‌हो स्‍य्‍हेङ्‌जेत्‍पल मुब।

प्रेरीत् 14:2

तर बीस्‍वास् अस्‍य्‍हेङ्‌बे यहुदीमाचेम् यहुदी अय्‍हीन्‍बे म्‍हीमात फुलीइतीज्‍यीम् बीस्‍वासीमाकी बीरोद् स्‍य्हेङ्‍पुङ्‍ज्‍यी।

प्रेरीत् 18:6

तर थेङ्‍यीमाचे पावलत बीरोद् लज्‍यीम् खीसइतीज्‍यी। होत्‍तज्‍यीम् पावलचे थेङ्‌यीमात चेतावनीकी लागीरी र्‌हङ्‌की येन्‍की बुफ्र खर्‌ज्‍यीम् पङ्‍ज्‍यी, “एङ्‍यीमा नास् तसम् एङ्‌यीमाकी दोस्‍चेनो नास् तस्‍ये मुब। हुजुइ दोस् ङत फोःस्‍ये अरे, देरे य्‍हङ्‍से ङ यहुदी अय्‍हीन्‍बे म्‍हीमाज ङ्‍यीस्‍ये मुब।”

रोमी 11:11

होत्‍तज्‍यीम् ङ पङ्‌ब, त थेङ्‌यीमा रेःबनो अखम्‍नले गुर्‌बल य्‍हीम्‍बो स्‍यीम्? अय्‍हीन्। चोले इस्राएलीमाकी अबीस्‍वास्‍चे लज्‍यीम् यहुदी अय्‍हीन्‍बे म्‍हीमाचे खेमेनो अबेबे जीवन् यङ्‌ज्‍यी, चु म्रङ्‌ज्‍यीम् इस्राएलीमा स्‍हेर्‌खइ पङ्‍बे थुः पर्‌मेस्‍वर्‌ल मुबल।

रोमी 11:30

ङोन्‍ग्‍यम्, एङ्‌यी यहुदी अय्‍हीन्‍बे म्‍हीमा पर्‌मेस्‍वर्‌चे कुल्‍जेत्‍पे अर्‌तीमा अङ्‌येन्‍ब मुबल, तर देरे इस्राएलीमाचे पर्‌मेस्‍वर्‌चे कुल्‍जेत्‍पे अर्‌तीमा अङ्‍येन्‍बल तज्‍यीम् एङ्‌यीमाचे पर्‌मेस्‍वर्‌की दय यङ्‌बल य्‍हीन्‍ब।

रोमी 11:7

देरे ता पङ्‍ब? इस्राएलीमाचे धर्‌मी तब म्‍हइज्‍यी, तर थेङ्‍यीमा धर्‌मी तब अखम्, थेङ्‌चे दम्‍जेत्‍पलमाकीनो धर्‌मी तज्‍यी। पर्‌मेस्‍वर्‌चे बाकी इस्राएलीमाकी सेम् कोङ्‌न लपीन्‍जेत्‍ज्‍यी।

रोमी 5:10

तलेपङ्‌सम् ङ्‍य्‍हङ्‍मा पर्‌मेस्‍वर्‌की सत्‍तुर् मुबे बेलोरीनो थेङ्‍की ज ख्रीस्‍ट्‍की स्‍यीब ग्‍यम्‍से ङ्‍य्‍हङ्‍मात थेङ्‍तेङ् थुन्‍न लजेत्‍पल मुब, देरेम् ङ्‍य्‍हङ्‍मा थेङ्‍तेङ् थुन्‍बल मुब, झेन् हुजु बीमाएनो य्‍हक्‍को ख्रीस्‍ट्‍की जीवन् ग्‍यम्‍से ङ्‍य्‍हङ्‍मा थर्‌स्‍ये मुब।

रोमी 9:5

इस्रएलीमा ङ्‍य्‍हङ्‍की म्‍हेम्‍हेमा अब्राहाम, इसहाक्‍तेङ् याकुबकी ज जमेमा य्‍हीन्‍ब। ख्रीस्‍ट्‌एनो चु खलक् न्‍हङ्‍रीनो न्‍हजेत्‍ज्‍यी। थेङ्‍मी जम्‍मइ जोरी सासन् स्‍य्‍हेङ्‍जेत्‍पे पर्‌मेस्‍वर् य्‍हीन्‍ब। थेङ्‍त खेम पङ्‌लेनो तोप्‍प तस्‍यीनोटीखइ! आमेन्।