रोमी 10:3 - पश्‍चिम तामाङ

³ तलेपङ्‍सम् पर्‌मेस्‍वर्‌चे थेङ्‍की ङोन्‍री धर्‌मी ङोन्‍न लजेत्‍बे ग्‍यम्‍त थेङ्‍यीमाचे अस्‍येज्‍यीम् र्‌हङ् ग्‍यम्‍चेनो धर्‌मी ङोन्‍ब म्‍हइब, होलेतज्‍यीम् थेङ्‍यीमा पर्‌मेस्‍वर्‌चे धर्‌मी ङोन्‍बे ग्‍यम्‍री अब्र।

रोमी 10:3 ပူးပေါင်းရင်းမြစ်များ

लुका 10:29

तर धर्‌म-लोप्‍पोन्‍चे र्‌हङ्‌चे र्‌हङ्‌त ज्‍यब ङोन्‍बरी येसुत चोले ङ्‌योत्‍ज्‍यी, “ङल खीम्‍चे खल य्‍हीन्‍ब?”

लुका 16:15

ओसेम् येसुचे थेङ्‌यीमात सुङ्‌ज्‍यी, “एङ्‌यीमा म्‍हीमाकी ङोन्‍ग्‍यम् र्‌हङ्‌चे र्‌हङ्‌त धर्‌मी म्‍हेन्‍ब। तर पर्‌मेस्‍वर्‌चे एङ्‌यीमाइ सेम्‍की तम् खेम्‍ब। तलेपङ्‍सम् म्‍हीमाकी गुङ्‌री ङ्‌हच्‍छ्‌यङ् तबे स्‍हेमा पर्‌मेस्‍वर्‌की ङोन्‍री नइबल तब।

रोमी 1:17

म्‍हीत पर्‌मेस्‍वर्‌चे खले धर्‌मी तनलजेत्‍प बी ज्‍यबे सम्‍तर्‌चे ङोन्‍ब, ओसेम् पर्‌मेस्‍वर्‌की ङोन्‍री धर्‌मी ङोन्‍बे तम् बीस्‍वास् ग्‍यम्‍से तीप्‍ज्‍यीम् बीस्‍वास् ग्‍यम्सेनो बुत्‍प। धर्‌म छ्‍येःचेएनो चोले पङ्‍ब, “धर्‌मी म्‍ही बीस्‍वास् ग्‍यम्‍से सोस्‍ये मुब।”

रोमी 10:2

चु तम्‍की साक्षी ङनो मुब, थेङ्‍यीमाचे पर्‌मेस्‍वर्‌त य्‍हक्‍को म्‍हन्‍दीब म्‍हइब, तर खले देमेन्‍लेनो म्‍हन्‍दीथोब थेङ्‍यीमाचे स्‍येबल अरे।

रोमी 10:20

पर्‌मेस्‍वर्‌चे सुङ्‍जेत्‍पे तम् यसैया अगम्‍बक्‍तचे अलोङ्‍नले ब्रीब, “ङत म्‍हइनो अम्‍हइबलमाचे ङत यङ्‌ज्‍यी, ओसेम् ङइ बारेरी ङ्‍योत्‍नो अङ्‍योत्‍पे म्‍हीमाज ङ र्‌हङ्‍चेनो थेङ्‍यीमाचे म्रङ्‌न लज्‍यी।”

रोमी 11:7

देरे ता पङ्‍ब? इस्राएलीमाचे धर्‌मी तब म्‍हइज्‍यी, तर थेङ्‍यीमा धर्‌मी तब अखम्, थेङ्‌चे दम्‍जेत्‍पलमाकीनो धर्‌मी तज्‍यी। पर्‌मेस्‍वर्‌चे बाकी इस्राएलीमाकी सेम् कोङ्‌न लपीन्‍जेत्‍ज्‍यी।

रोमी 3:22

येसु ख्रीस्‍ट्‍री बीस्‍वास् स्‍य्‍हेङ्‌बलमा जम्‍मतनो पर्‌मेस्‍वर्‌चे धर्‌मी स्‍य्‍हेङ्‌जेत्‍प। थेङ्‍चे खलतएनो ज्‍यीद ङ्‍हच्‍छ्‍यङ् म्‍हेन्‍अजेत्।

रोमी 3:26

पर्‌मेस्‍वर्‌चे चु बेलोरी र्‌हङ् धर्‌मी य्‍हीन्‍ब बी ङोन्‍जेत्‍परी ओसेम् येसुरी बीस्‍वास् स्‍य्‍हेङ्‌बलमा जम्‍मत धर्‌मी तनलजेत्‍परी चोले स्‍य्‍हेङ्‌जेत्‍पल य्‍हीन्‍ब।

रोमी 5:19

तलेपङ्‌सम् आदम् पङ्‍बे म्‍ही गीःचे पर्‌मेस्‍वर्‌की अर्‌ती अङ्‌येन्‍ज्‍यीम् जम्‍मनो म्‍हीमा पापी तज्‍यी, होलेनो म्‍ही गीः ख्रीस्‍ट्‌चे पर्‌मेस्‍वर्‌की अर्‌ती ङ्‍येन्‍जेत्‍ज्‍यीम् जम्‍मनो म्‍हीमा धर्‌मीक् तनलबल तस्‍ये मुब।

२ कोरीन्‍थी 5:21

तलेपङ्‍सम् ङ्‍य्‍हङ्‍मात ख्रीस्‍ट् ग्‍यम्‍से पर्‌मेस्‍वर्‌की ङोन्‍ग्‍यम् धर्‌मी तनलबरी ख्रीस्‍ट्‍चे खेमेएनो तइ पाप् स्‍य्‍हेङ्‍अजेत्‍लएनो पर्‌मेस्‍वर्‌चे ङ्‍य्‍हङ्‍माकी जम्‍मनो पाप्‍मा ख्रीस्‍ट्‍की जोरी कल्‍पीन्‍जेत्‍ज्‍यी।

फीलीप्‍पी 3:9

ओसेम् ङ थेङ्‍तेङ् गीः तबल मुब। मोसाचे ब्रीबे नीयम् ङ्‌येन्‍ज्‍यीम् ङ परमेस्‍वरकी ङोन्‍ग्‍यम् धर्‌मी तअखम्, तर देरेम् ङइ धार्‌मीक्‍ता ख्रीष्‍ट्‍री बीस्‍वास् स्‍य्‍हेङ्‍बल तज्‍यीम् तब। ओसेम् पर्‌मेस्‍वर् ग्‍यम्‍से खबे धार्‌मीक्‍तामी बीस्‍वास्‍री भर् तब।

२ पत्रुस 1:1

ङ प्रेरीत ओसेम् येसु ख्रीस्‍ट्‍की बान सीमोन पत्रुस ग्‍यम्‍से ङ्‍य्‍हङ्‍की पर्‌मेस्‍वर्‌तेङ् मुक्‍ती न्‍हङ्‌बे येसु ख्रीस्‍ट्‍की धार्‌मीक्‍त ग्‍यम्‍से ङ्‌यीमाचे र्‌हङ्‌ले ङ्‍हच्‍छ्‍यङ् बीस्‍वास् यङ्‌बलमात: