रोमी 1:9 - पश्‍चिम तामाङ

⁹ ङ ङइ सेम् य्‍हङ्‌सेनो पर्‌मेस्‍वर्‌की जइ ज्‍यबे सम्‍तर् स्‍येत्‍ज्‍यीम् पर्‌मेस्‍वर्‌की सेव स्‍य्‍हेङ्‍ब, ओसेम् ङचे एङ्‍यीमात खले ङइ प्रार्‌थनारी खेम पङ्‌लेनो व्‍हल् स्‍य्‍हेङ्‍ब पङ्‍ज्‍यीम् पर्‌मेस्‍वर् ङइ साक्षी मुब।

रोमी 1:9 ပူးပေါင်းရင်းမြစ်များ

मर्‌कुस् 1:1

पर्‌मेस्‍वर्‌की ज येसु ख्रीस्‍ट्‍की बारेरी ज्‍यबे सम्‍तर् चोले तीप्‍प तब।

लुका 18:1

हुजु लीप्‍चे येसुचे थेङ्‌की डबमात खेमेनो अपीत्‍नले प्रार्‌थना स्‍य्‍हेङ्‌थोब बी अर्‌थ गीः सुङ्‌ज्‍यी।

प्रेरीत् 12:5

तर पत्रुस जेल्‍री मुबे बेलोरी मन्‍डलीचे थेइ लागीरी पर्‌मेस्‍वर्‌तेङ् प्रार्‌थना स्‍य्‍हेङ्‍स्‍यीनो टीज्‍यी।

प्रेरीत् 19:21

हुजु लीप्‍चे पावलचे माकेडोनीयातेङ् अखैया प्रदेस् तज्‍यीम् यरुसलेमरी ङ्‌यीबे सेम् लज्‍यी। ओसेम् पावलचे, “ङ यरुसलेमरी दोःब बीसेम् रोम् सहर्‌रीएनो ङ्‍यीनोथोःब” पङ्‍ज्‍यी।

प्रेरीत् 24:14

ङ चु तम्‍मी पङ्‍ब, ङ ङ्‍य्‍हङ्‍की म्‍हेमेमाचे तेन्‍बे पर्‌मेस्‍वर्‌की ग्‍यम्‍री ब्रब, थेङ्‍यीमाचेमी चुत भ्‍युकी ग्‍यम् पङ्‌ब। तर ङ अगम्‍बक्‍तमाचे ब्रीबे धर्‌म-छ्‌येतेङ् मोसाचे ब्रीज्‍यीम् पीन्‍बे पर्‌मेस्‍वर्‌की नीयम्‍री मुबे जम्‍मनो तम्‍मात बीस्‍वास् स्‍य्‍हेङ्‌ब।

प्रेरीत् 27:23

तलेपङ्‍सम् तील ङ्‌येस्‍ये ङचे तेन्‍बे पर्‌मेस्‍वर्‌चे पीत्‍युजेत्‍पे स्‍वर्‌गदुत् गीः ङइ रेइरी रप्‍ज्‍यीम् पङ्‍ज्‍यी,

प्रेरीत् 3:26

पर्‌मेस्‍वर्‌चे एङ्‍यीमा जम्‍मतनो नेइबे लक्‍मा ग्‍यम्‍से दोःबज्‍यीम् हुजु मोलम् न्‍हङ्‍बरी थेङ्‌की योक्‍पो येसुत दम्‍जेत्‍ज्‍यीम् गोदोब्‍न्‍हङ् ङोन्‍ग्‍यम् एङ्‌यीमाज पीत्‍युजेत्‍ज्‍यी।”

रोमी 9:1

देरे ङ ख्रीस्‍ट्‌ल य्‍हीन्‍ब, ओसेम् ङचे भ्‍यु अपङ्। पबीत्र आत्‍माइ अधीन्‍री मुबे ङइ बीबेक्‍चेएनो ङचे भ्‍यु अपङ् पङ्‍बे साक्षी पीन्‍ब। होत्‍तज्‍यीम् ङचे पङ्‌ब छ्‍येटीबे तम् देमेन् य्‍हीन्‍ब।

२ कोरीन्‍थी 1:23

ङ पर्‌मेस्‍वर्‌त साक्षी थेन्‍ज्‍यीम् पङ्‍ब, एङ्‌यीमाकी सेम् अनखइ पङ्‍ज्‍यीम् ङ कोरीन्‍थरी दोःज्‍यीम् अखबल य्‍हीन्‍ब।

२ कोरीन्‍थी 11:31

ङचे पङ्‌बे तम्‍मा भ्‍यु अय्‍हीन् बी ङ्‍य्‍हङ्‍की प्रभु येसुइ पर्‌मेस्‍वर्‌तेङ् अप खेम पङ्‌लेनो तोप्‍परी जेःबे पर्‌मेस्‍वर्‌चे खेम्‍जेत्‍प।

गलाती 1:20

पर्‌मेस्‍वर्‌की ङोन्‍ग्‍यम् ङ एङ्‍यीमात पङ्‍ब ङचे एङ्‍यीमात ब्रीटीबे तम्‍मा भ्‍यु अय्‍हीन्।

एफीसी 6:18

खेम पङ्‌लेनो पबीत्र आत्‍मारी खजु बेलोरी पङ्‌लेनो जम्‍मनो तम्‍मारी प्रार्‌थना स्‍य्‍हेङ्‌स्‍यीनो टीउ। चु तम्‍मात सेम्‍री थेन्‍ज्‍यीम् खेम पङ्‌लेनो होसीयार् तज्‍यीम् प्रार्‌थना स्‍य्‍हेङ्‍स्‍यीनो टीउ, ओसेम् पर्‌मेस्‍वर्‌की जम्‍मनो म्‍हीमाकी लागीरीएनो खेम पङ्‌लेनो प्रार्‌थना स्‍य्‍हेङो।

फीलीप्‍पी 1:3

एङ्‍यीमात व्‍हल् लबे बेलोरी ङ खेम पङ्‌लेनो पर्‌मेस्‍वर्‌त व्‍होर्‌छ्‍ये पीन्‍ब।

फीलीप्‍पी 1:4

एङ्‌यीमा जम्‍मइ लागीरी प्रार्‌थना स्‍य्‍हेङ्‌बे बेलोरी ङ खेम पङ्‌लेनो तङ्तङ्‍ज्‍यीम् प्रार्‌थाना स्‍य्‍हेङ्‌ब।

फीलीप्‍पी 2:22

तर तीमोथी खतेबे म्‍ही य्‍हीन्‍ब बी एङ्‌यीमाचे स्‍येःबलनो मुब, जचे अपतेङ् लक् स्‍य्‍हेङ्‍ब र्‌हङ्‌ले ज्‍यबे सम्‍तर् प्रचार् स्‍य्‍हेङ्‌बे लक्‍री थेचे ङतेङ् बक्‍च्‍य लक् स्‍य्‍हेङ्‍ज्‍यी।

फीलीप्‍पी 3:3

तलेपङ्‍सम् पर्‌मेस्‍वर्‌त थेङ्‍की पबीत्र आत्‍मा ग्‍यम्‍से तेन्‍बे, ओसेम् येसु ख्रीस्‍ट्‍चे ङ्‍य्‍हङ्‍माकी लागीरी स्‍य्‍हेङ्‍जेत्‍पे लक्‍की लागीरी गर्‌ब स्‍य्‍हेङ्‌बे, ओसेम् ल्‍हीःरी भर् अस्‍य्‍हेङ्‌बे देमेन्‍की खतना ङ्‍य्‍हङ्‍मानो य्‍हीन्‍ब।

१ थेस्‍लोनीकी 1:2

ङ्‌यीमाचे एङ्‍यीमा जम्‍मइ लागीरी पर्‌मेस्‍वर्‌त खेम पङ्‌लेनो व्‍होर्‌छ्‍ये पीन्‍ब, ओसेम् ङ्‌यीमाचे प्रार्‌थना स्‍य्‍हेङ्‌बे बेलोरी खेमा पङ्‌लेनो एङ्‌यीमात व्‍हल् लब।

१ थेस्‍लोनीकी 3:10

ङ्‌यीमा एङ्‌यीमातेङ् देबेएनो खतु लज्‍यीम् एङ्‌यीमाकी बीस्‍वासत झेन् य्‍हक्‍को कोङ्‍न लब खम्‍खइ पङ्‍ज्‍यीम् दीन् म्‍हुन् पर्‌मेस्‍वर्‌तेङ् प्रार्‌थना स्‍य्‍हेङ्‍टीब।

१ थेस्‍लोनीकी 5:17

खेम पङ्‌लेनो प्रार्‌थना स्‍य्‍हेङ्‌ज्‍यीम् टीउ।

१ तीमोथी 2:7

होत्‍तज्‍यीम् बीस्‍वास्‍तेङ् देमेन्‍की चु सम्‍तर्‌की बारेरी यहुदी अय्‍हीन्‍बे म्‍हीमात स्‍येत्‍पे लागीरी पर्‌मेस्‍वर्‌चे ङत प्रचारक्‍तेङ् प्रेरीत्‍की जीम्‍म न्‍हङ्‍जेत्‍ज्‍यी। ङचे भ्‍यु पङ्‍बल अय्‍हीन्, देमेन् पङ्‍बल य्‍हीन्‍ब।

२ तीमोथी 1:3

ङ ङइ अप म्‍हेम्‍हेमाचे र्‌हङ्‌लेनो ज्‍यबे सेम् थोज्‍यीम् पर्‌मेस्‍वर्‌की सेवा स्‍य्‍हेङ्‌ब। ओसेम् थेङ्‍तनो ङ एइ लागीरी व्‍होर्‌छ्‍ये पीन्‍ब ओसेम् दीन् म्‍हुन् एत ङचे प्रार्‌थनारी व्‍हल् स्‍य्‍हेङ्‌ब।

फीलेमोन 1:4

अले फीलेमोन्, ङचे एइ लागीरी प्रार्‌थना स्‍य्‍हेङ्‌बे बेलोरी ङचे पर्‌मेस्‍वर्‌त व्‍होर्‌छ्‌ये पीन्‍ब।