रोमी 1:18 - पश्‍चिम तामाङ

¹⁸ स्‍वर्‌ग ग्‍यम्‍से पर्‌मेस्‍वर्‌की बोमो म्‍हीमाकी जम्‍मनो पाप्‍तेङ् दुस्‍ट लक्‍माकी बीरुद्‍दरी म्रङ्‍खबल मुब, हुजु म्‍हीमाचे र्‌हङ्‍की दुस्‍ट लक्‍माचे देमेन्‍त प्‍लेटीबल मुब।

रोमी 1:18 ပူးပေါင်းရင်းမြစ်များ

रोमी 1:19

थेङ्‍यीमाचे पर्‌मेस्‍वर्‌की बारेरी देमेन्‍त स्‍येबल मुब, तलेपङ्‍सम् पर्‌मेस्‍वर्‌चेनो थेङ्‍यीमात स्‍येनले ङोन्‍जेत्‍पल मुब।

रोमी 1:28

थेङ्‍यीमाचे पर्‌मेस्‍वर्‌त स्‍य्‍हेस स्‍य्‍हेङ्‍ब मुर्‌ख य्‍हीन्‍ब म्‍हेन्‍ज्‍यी, होत्‍तज्‍यीम् पर्‌मेस्‍वर्‌चे थेङ्‍यीमात थेङ्‍यीमाकी मुर्‌ख म्‍हेन्‍बरी ख्‍लेथेन्‍जेत्‍ज्‍यी, ओसेम् थेङ्‍यीमाचे खेमेएनो स्‍य्‍हेङ्‍ब अतबे लक्‍मा स्‍य्‍हेङ्‌ज्‍यी।

रोमी 1:32

चोतेबे लक् स्‍य्‍हेङ्‌बे म्‍हीमाचेमी पर्‌मेस्‍वर्‌की नीयम् अनुसार स्‍यीबे सजाय नाथोस्‍ये मुब बी स्‍येज्‍यीमएनो थेङ्‍यीमाचे चोतेबे लक्‍मा स्‍य्‍हेङ्‍स्‍यीनो टीब। होदेकीनो अय्‍हीन् थेङ्‌यीमाचेमी ल्‍हो-ल्‍हो म्‍हीमात चोतेबे लक् स्‍य्‍हेङ्‌बरी झेन् सोत्‍प मुबल।

रोमी 2:3

एङ्‍यीमाचे चोतेबे लक् स्‍य्‍हेङ्‌बे म्‍हीमात दोस् ल्‍हइतीब ओसेम् र्‌हङ्‍चेएनो होतेबे लक्‍नो स्‍य्‍हेङ्‌ज्‍यी पङ्‌सम् ता एङ्‍यीमाचे र्‌हङ्‌मी पर्‌मेस्‍वर्‌की न्‍याय ग्‍यम्‍से स्‍योर्‌म्‍यङ्‍स्‍ये मुब बी म्‍हेन्‍ब?

रोमी 3:9

होले पङ्‌सम् ता ङ्‍यी यहुदीमा यहुदी अय्‍हीन्‍बे म्‍हीमा बीम ज्‍यब मुब? ज्‍यब अरे, तलेपङ्‍सम् ङचे यहुदीतेङ् यहुदी अय्‍हीन्‍बे म्‍हीमा ङ्‌य्‍हीनो पापीमा य्‍हीन्‍ब पङ्‍ज्‍यीम् ङोन्‍नो ङोन्‍ज्‍यीन्‍बल मुब।

रोमी 4:15

तलेपङ्‍सम् मोसाचे ब्रीबे नीयम्‍चे पर्‌मेस्‍वर्‌की बोमो बब। तर मोसाचे ब्रीबे नीयम् अरेबल य्‍हीन्‍सम् हुजुरी पापएनो अत।

रोमी 5:6

ङ्‍य्‍हङ्‍माचे थर्‌ब यङ्‍बे लागीरी र्‌हङ्‌चे तएनो स्‍य्‍हेङ्‍ब अखम्‍बल तज्‍यीम्, ख्रीस्‍ट् र्‌हङ्‌नो ङ्‌य्‍हङ् पापीमाकी लागीरी ठीक् बेलोरी स्‍यीपीन्‍जेत्‍ज्‍यी।

रोमी 5:9

ख्रीस्‍ट्‍की काः ग्‍यम्‍से ङ्‍य्‍हङ्‍मा पर्‌मेस्‍वर्‌की ङोन्‍ग्‍यम् धर्‌मी तन लबल मुब, झेन् हुजु बीमाएनो य्‍हक्‍को थेङ्‌चे ङ्‍य्‍हङ्‍मात पर्‌मेस्‍वर्‌चे पापीमात न्‍हङ्‍जेत्‍स्‍येकी सजाय ग्‍यम्‍से थर्‌न लजेत्‍स्‍ये मुब।

रोमी 6:13

एङ्‍यीमाचे र्‌हङ्‍की ल्‍हीःकी खजु अङ्‍गमातएनो दुस्‍ट लक् स्‍य्‍हेङ्‌बरी कोल्‍ज्‍यीम् पाप् स्‍य्‍हेङ्‌बरी थसोप्‍तीउ। बरु स्‍यीब ग्‍यम्‍से सोम्‍बो तबे म्‍हीमाचे र्‌हङ्‌ले र्‌हङ्‍की जम्‍मनो जीवन् पर्‌मेस्‍वर्‌त सोप्‍तीउ, ओसेम् र्‌हङ्‍की अङ्‍गमात धार्‌मीक् लक्‍मा स्‍य्‍हेङ्‌बरी पर्‌मेस्‍वर्‌त सोप्‍तीउ।

एफीसी 5:6

खल्‍चेएनो एङ्‍यीमात लक् अतबे तम्‍मा लज्‍यीम् धोक अपीन्‍खइ, तलेपङ्‍सम् चोतेबे तम्‍माचे लज्‍यीम् पर्‌मेस्‍वर्‌चे कुल्‍जेत्‍पे तम् अङ्‍येन्‍बलमात थेङ्‍चे सजाय न्‍हङ्‍जेत्‍प।

कलस्‍सी 3:6

तलेपङ्‍सम् चोतेबे लक्‍मा स्‍य्‍हेङ्‌ज्‍यीम् पर्‌मेस्‍वर्‌चे कुल्‍जेत्‍पे तम्‍मा अङ्‍येन्‍बलमात थेङ्‍चे सजाय न्‍हङ्‌जेत्स्‍ये मुब।

२ थेस्‍लोनीकी 2:10

ओसेम् नास् तस्‍येलमा जम्‍मात नइनलबे जम्‍मनो छल्‍मा स्‍य्‍हेङ्‍स्‍ये मुब, तलेपङ्‍सम् थेङ्‍यीमाचे मुक्‍ती न्‍हङ्‌बे देमेन्‍त अम्‍होइ ओसेम् सेम्‍री अङ्‍यी।

२ थेस्‍लोनीकी 2:6

हुजु दुस्‍ट् म्‍हीत खजु तम्‍चे देरे सम्‍म र्‌हङ्‌की बेलो खबतेङ्‍कीनो म्रङ्‍खखइ बी रोक्‍तीज्‍यीम् थेन्‍बल मुब, हुजु एङ्‍यीमाचे स्‍येःबलनो मुब।