रोमी 1:17 - पश्‍चिम तामाङ

¹⁷ म्‍हीत पर्‌मेस्‍वर्‌चे खले धर्‌मी तनलजेत्‍प बी ज्‍यबे सम्‍तर्‌चे ङोन्‍ब, ओसेम् पर्‌मेस्‍वर्‌की ङोन्‍री धर्‌मी ङोन्‍बे तम् बीस्‍वास् ग्‍यम्‍से तीप्‍ज्‍यीम् बीस्‍वास् ग्‍यम्सेनो बुत्‍प। धर्‌म छ्‍येःचेएनो चोले पङ्‍ब, “धर्‌मी म्‍ही बीस्‍वास् ग्‍यम्‍से सोस्‍ये मुब।”

रोमी 1:17 ပူးပေါင်းရင်းမြစ်များ

युहन्‍ना 3:36

ओसेम् खल्‍चे पर्‌मेस्‍वर्‌की जत बीस्‍वास् लब थेतेङ् खेमेएनो अबेबे जीवन मुब। खल्‍चे जचे कुल्‍बे अर्‌ती अङ्‍येन्, थेचे खेमेएनो अबेबे जीवन् खेमेएनो यङ्‍स्‍ये अरे, तर पर्‌मेस्‍वर्‌की बोमो थेइ जोरी तस्‍यीनो टीस्‍ये मुब।

रोमी 10:3

तलेपङ्‍सम् पर्‌मेस्‍वर्‌चे थेङ्‍की ङोन्‍री धर्‌मी ङोन्‍न लजेत्‍बे ग्‍यम्‍त थेङ्‍यीमाचे अस्‍येज्‍यीम् र्‌हङ् ग्‍यम्‍चेनो धर्‌मी ङोन्‍ब म्‍हइब, होलेतज्‍यीम् थेङ्‍यीमा पर्‌मेस्‍वर्‌चे धर्‌मी ङोन्‍बे ग्‍यम्‍री अब्र।

रोमी 3:21

तर देरेम् मोसाचे ब्रीबे नीयम् ङ्‌येन्‍ज्‍यीम् अय्‍हीन्, पर्‌मेस्‍वर्‌चे म्‍हीत थेङ्‍की ङोन्‍री ल्‍हो-ल्‍हो ग्‍यम्‍चे धर्‌मी स्‍य्‍हेङ्‌जेत्‍प बी ङोन्‍जेत्‍पल मुब। हुजु तम्‍की गबाही मोसाचे ब्रीबे नीयम्तेङ् अगम्‍बक्‍तमाचे पीन्‍बल मुब।

रोमी 3:22

येसु ख्रीस्‍ट्‍री बीस्‍वास् स्‍य्‍हेङ्‌बलमा जम्‍मतनो पर्‌मेस्‍वर्‌चे धर्‌मी स्‍य्‍हेङ्‌जेत्‍प। थेङ्‍चे खलतएनो ज्‍यीद ङ्‍हच्‍छ्‍यङ् म्‍हेन्‍अजेत्।

रोमी 3:3

तर कोइ कोइ यहुदीमाचे पर्‌मेस्‍वर्‌तेङ् स्‍य्‍हेङ्‌बे बाचारी बीस्‍वासीलो अतमम् ता थेङ्‍यीमाकी अबीस्‍वास्‍चे पर्‌मेस्‍वर्‌की बीस्‍वासीलोत न्‍होङ्‌न लब स्‍यीम?

रोमी 9:30

देरेम् ङ्‍य्‍हङ्‍मा ता पङ्‌स्‍ये? यहुदी अय्‍हीन्‍बे म्‍हीमाचेमी पर्‌मेस्‍वर्‌की ङोन्‍री धर्‌मी तब अम्‍हइ, तर बीस्‍वास् ग्‍यम्‍से थेङ्‍यीमा धर्‌मी तज्‍यी।

२ कोरीन्‍थी 3:9

तलेपङ्‍सम् दोसी तनलबे नीयम् महीमाचे प्‍लीङ्‍बल मुबल पङ्‌सम् ङ्‍य्‍हङ्‍मात धर्‌मी तनलबे ज्‍यबे सम्‍तर्‌मी झेन् गदे य्‍हक्‍को महीमाचे प्‍लीङ्‍बल तल?

२ कोरीन्‍थी 5:21

तलेपङ्‍सम् ङ्‍य्‍हङ्‍मात ख्रीस्‍ट् ग्‍यम्‍से पर्‌मेस्‍वर्‌की ङोन्‍ग्‍यम् धर्‌मी तनलबरी ख्रीस्‍ट्‍चे खेमेएनो तइ पाप् स्‍य्‍हेङ्‍अजेत्‍लएनो पर्‌मेस्‍वर्‌चे ङ्‍य्‍हङ्‍माकी जम्‍मनो पाप्‍मा ख्रीस्‍ट्‍की जोरी कल्‍पीन्‍जेत्‍ज्‍यी।

गलाती 3:11

होत्‍तज्‍यीम् ङ्‍य्‍हङ्‍माचे स्‍येःब मोसाचे ब्रीबे पर्‌मेस्‍वर्‌की नीयम् ङ्‌येन्‍ज्‍यीम् खलएनो पर्‌मेस्‍वर्‌की ङोन्‍री धर्‌मी तब अखम्, तलेपङ्‍सम् धर्‌म छ्‌येःरी ब्रीबल मुब, “पर्‌मेस्‍वर्‌की ङोन्‍री बीस्‍वास् ग्‍यम्‍से धर्‌मी तबे म्‍ही सोस्‍ये मुब।”

फीलीप्‍पी 3:9

ओसेम् ङ थेङ्‍तेङ् गीः तबल मुब। मोसाचे ब्रीबे नीयम् ङ्‌येन्‍ज्‍यीम् ङ परमेस्‍वरकी ङोन्‍ग्‍यम् धर्‌मी तअखम्, तर देरेम् ङइ धार्‌मीक्‍ता ख्रीष्‍ट्‍री बीस्‍वास् स्‍य्‍हेङ्‍बल तज्‍यीम् तब। ओसेम् पर्‌मेस्‍वर् ग्‍यम्‍से खबे धार्‌मीक्‍तामी बीस्‍वास्‍री भर् तब।

हीब्रु 10:38

“ङइ धर्‌मी म्‍हीम् बीस्‍वास् ग्‍यम्‍से सोस्‍ये मुब, तर खल पङ्‌लेनो ङत पीत्‍ज्‍यीम् य्‍हर्‌ज्‍यी पङ्‌सम्, ङ थेतेङ् तङ्‍स्‍ये अरे।”