प्रकास 9:18 - पश्‍चिम तामाङ

¹⁸ हुजु तमाकी सुङ्‍ग्‍यम्‍से डोङ्‌बे मे, मीङ्‍गु ओसेम् गन्‍धक्‍की महामारीचे जम्‍बुलीङ्‌की बो सोम्‍की बो गी म्‍हीमा स्‍यीज्‍यी।

प्रकास 9:18 ပူးပေါင်းရင်းမြစ်များ

प्रकास 8:10

हुजु लीप्‍चे तेस्रो स्‍वर्‌गदुत्‍चे थेइ तुरही र्‌हप्‍ज्‍यी, ओसेम् मुग्‍यम्‍से लुम्‍टीबे मेतङ् र्‌हङ्‍बे ङ्‍हच्‍छ्‍यङ् सार् गी तइज्‍यी, हुजु बो सोम्‍री बो गी स्‍योङ्‍मातेङ् यीइ म्रुमारी तइज्‍यी।

प्रकास 8:11

हुजु सार्‌की मीन् “कम्‍ब” मुबल। हुजुचे लज्‍यीम् यीइ बो सोम्‍री बो गी कम्‍ज्‍यी, ओसेम् हुजु कम्‍बे यीचे लज्‍यीम् य्‍हक्‍को म्‍हीमा स्‍यीज्‍यी।

प्रकास 8:12

हुजु लीप्‍चे चौथो स्‍वर्‌गदुत्‍चे थेइ तुरही र्‌हप्‍ज्‍यी, ओसेम् दीनी, लनीतेङ् सार्‌माकी बो सोम्‍री बो गीःत ग्‍यङ्‌ज्‍यी, ओसेम् हुजुमाकी य्‍हल् बो सोम्‍री बो गी म्‍हज्‍यी। ओसेम् दीन्तेङ् म्‍हुन्‍री बो सोम्‍री बो गी म्‍हुन्‍दुङ् तज्‍यी।

प्रकास 8:7

गोदोब्‍न्‍हङ् ङोन्‍ग्‍यम्‍की स्‍वर्‌गदुत्‍चे थेइ तुरही र्‌हप्‍ज्‍यी, ओसेम् का:तेङ् छ्‍योप्‍पे सेरतेङ् मे जम्‍बुलीङ्‌री तइज्‍यी। ओसेम् हुजुचे लज्‍यीम् जम्‍बुलीङ् बो सोम्‍री बो गी, दोङ्‌बोमा बो सोम्‍री बो गीः ओसेम् जम्‍मनो पीङ् छ्‍यीमा क्रोय्‍हर्‌ज्‍यी।

प्रकास 8:8

हुजु लीप्‍चे दोस्रो स्‍वर्‌गदुत्‍चे थेइ तुरही र्‌हप्‍ज्‍यी, ओसेम् मेचे क्रोटीबे ङ्‍हच्‍छ्‌यङ् गङ् र्‌हङ्‍बे स्‍हे:गी समुन्‍द्रन्‍हङ् ख्‍लाज्‍यी, ओसेम् समुन्‍द्रइ बो सोम्‍री बो गीः का तय्‍हर्‌ज्‍यी।

प्रकास 8:9

ओसेम् समुन्‍द्ररी मुबे बो सोम्‍री बो गी सोम्‍बो जन्‍तुमा स्‍यीय्‍हर्‌ज्‍यी, ओसेम् बो सोम्‍री बो गी ङ्‍हच्‍छ्‍यङ् दोङ्‍गमा नास् तज्‍यी।

प्रकास 9:15

ओसेम् हुजु स्‍वर्‌गदुत् ब्‍लीत जम्‍बुलीङ्‌की म्‍हीमाइ बो सोम्‍री बो गीत सेत्‍परी पीत्‍लाज्‍यी। हुजु स्‍वर्‌गदुत् ब्‍लीत हुजु तेत् लबे घन्‍टा, तेत् लबे दीन्, तेत् लबे ल ओसेम् तेत् लबे बर्‌सइ लागीरी टोप् लबल मुबल।

प्रकास 9:17

ओसेम् ङचे ङइ दर्‌सन्‍री तमातेङ् तरी क्रेत्‍पे म्‍हीमा म्रङ्‍ज्‍यी। तमारी क्रेत्‍पे म्‍हीमाचे कुत्‍तोरी येन्‍बे कवज मे र्‌हङ्‍बे वल, म्‍लङ् म्‍लङ्थेबे पीङ् ओसेम् गन्‍धक् र्‌हङ्‍बे उर् मुबल। हुजु तमाकी क्र ताःल र्‌हङ्‍ब मुबल, ओसेम् हुजुमाकी सुङ्‍ग्‍यम्‍से मे, मीङ्‍गु ओसेम् गन्‍धक् डोङ्‍ब मुबल।

प्रकास 9:19

तलेपङ्‍सम् हुजु तमाकी सक्‍ती थेङ्‌यीमाकी सुङ्‍री ओसेम् मेःरीएनो मुबल। हुजुमाकी मेः पुख्रीइ क्र र्‌हङ्‍ब मुबल, ओसेम् म्‍हीमात न्‍हेब्‍बो तन लबरी हुजु मेः कोल्‍ब मुबल।