5 ओसेम् ठीरी स्य्हुजेत्टीबलचे ङत सुङ्ज्यी, “च्यागो! देरेम् ङ जम्मनो स्हेःमा छार् स्य्हेङ्टीब।” थेङ्चे चोलेएनो सुङ्ज्यी, “चु तम् ब्रीउ, तलेपङ्सम् चु तम्मा बीस्वास् योग्यतेङ् देमेन् मुब।”
छार् अङ्गुर्की नीङ्गुमी छार् डीइ गल्दरीनो युथेन्थोब।
होत्तज्यीम् खल्चे पङ्लेनो ख्रीस्ट्त बीस्वास् स्य्हेङ्ज्यी पङ्सम् थे छार् म्ही तब। पुरानो जीवन् म्हबल मुब, देरेम् छार् जीवन् सुरु तबल मुब।
“देरे तीख्यप्” पङ्बे तम्चे चु ङोन्ब, की पर्मेस्वर्चे स्य्हेङ्जेत्पे जम्मनो स्हेःमा य्होङ्स्ये मुब ओसेम् म्हस्ये मुब। होले पङ्सम् य्होङ्ब अखम्बे स्हेःमाकीनो टीस्ये मुब।
हुजु केत्चे चोले पङ्ज्यी, “एचे तात म्रङ्ब हुजु छ्येः गीःरी ब्रीज्यीम् एफीसस्, स्मुर्ना, पर्गामम, थीआटीरा, सार्डीस्, फीलाडेल्फीया ओसेम् लाउडीकीया पङ्बे सहर्माकी मन्डलीमा ङ्यीस्तनो पीतो।”
होत्तज्यीम् एचे ता म्रङ्बल मुब, देरे ता तटीबल मुब ओसेम् लीक्यम् ता तस्ये मुब हुजु तम्मा ब्रीउ।
ओसेम् स्वर्गदुत्चे ङत पङ्ज्यी, “चु तम् ब्रीउ- थुमाइ भ्याकी डोन् चबरी ङ्होत्पलमा जम्मनो मोलम् यङ्बलमा य्हीन्ब।” देबेएनो हुजु स्वर्गदुत्चे ङत पङ्ज्यी, “चुमानो पर्मेस्वर्की देमेन्की फ्रोइ य्हीन्ब।”
ओसेम् ङचे तर्तर्पे ङ्हच्छ्यङ् ठी गीःतेङ् हुजुइ जोरी स्य्हुजेत्टीबल गीःत म्रङ्ज्यी। थेङ्की ङ्होन्सङ्चे मुतेङ् जम्बुलीङ् म्हय्हर्ज्यी ओसेम् दोःज्यीम खनएनो अम्रङ्।
ओसेम् खल्चे पङ्लेनो चु छ्येःरी ब्रीबे अगम्बानीइ तम्मा स्याज्यी पङ्सम्, चु छ्येःरी ब्रीबे जीवन्की दोङ्बोइ रोःरो चम्यङ्बे थेइ हक्एनो पर्मेस्वर्चे स्यालजेत्स्ये मुब, ओसेम् पबीत्र सहर्री वङ्बे हक्एनो पर्मेस्वर्चे स्यालाजेत्स्ये मुब।
हुजु लीप्चे स्वर्गदुत्चे ङत पङ्ज्यी, “एङ्यीमाचे थे:बे चु जम्मनो तम्मा बीस्वासीलोतेङ् देमेन् मुब। अगम्बक्तमात पबीत्र आत्मा न्हङ्जेत्पे प्रभु पर्मेस्वर्चे र्हङ्की योक्पोमातमी ग्योःनेनो तस्येकी तम्मा ङोन्बरी र्हङ्की स्वर्गदुत् पीत्युजेत्पल मुब।”
चोले पङ्बुत्प साच्चेनो ङ पबीत्र आत्माचे प्लीङ्ज्यी। ङचे स्वर्गरी ठी गीः म्रङ्ज्यी, ओसेम् हुजु ठीरी म्ही गीः स्य्हुजेत्टीब मुबल।
खेमपङ्लेनो सोस्यीनो टीजेत्पलतेङ् ठीरी स्य्हुजेत्पलत हुजु सोम्बो सेम्ज्येन् ब्लीचे महीमा, स्य्हेस ओसेम् व्होर्छ्ये पीन्बे व्हइ कोटीब मुबल।
हुजुलीप्चे ठीरी स्य्हुजेत्पलइ केत् फ्यारी गुइज्यीम् थेन्बे डीइ छ्येः ङचे म्रङ्ज्यी। हुजु डीइ छ्येःरी फेपट्टीतेङ् न्हङ्पट्टीचेनो ब्रीबल मुबल, ओसेम् हुजुत ङ्यीस् छङ् छाप् ठोक्ज्यीम् दुङ्बल मुबल।