प्रकास 21:12 - पश्‍चिम तामाङ

¹² हुजुरी चुङ्‍ङ्‍हीः म्रप् मुबे ङ्‍हच्‍छ्‍यङ्तेङ् नोबे कउरु मुबल। ओसेम् चुङ्‍ङ्‍हीः म्रप्‍मारी म्रप् र्‌हङ्‍स्‍यीनो स्‍वर्‌गदुत्‍मा का-कर् मुबल। हुजु म्रप्‍मा र्‌हङ्‍स्‍यीनो इस्राएलकी चुङ्‍ङ्‌ही खलक्‍माकी मीन् काकर् ब्रीबल मुबल।

प्रकास 21:12 ပူးပေါင်းရင်းမြစ်များ

मत्‍ती 18:10

“होसीयार्‌ले टीउ, चु ज्‍यीद कोलमा न्‍हङ्‌री गीतएनो हेल थलउ। ङ एङ्‌यीमात पङ्‍ब, थेङ्‌यीमात स्‍य्‍हप्‍तो स्‍य्‍हेङ्‌बे स्‍वर्‌गदुत्‍मा स्‍वर्‌गरी मुबे पर्‌मेस्‍वर् अपइ ङोन्‍री मुब।

लुका 15:10

होलेनो ङ एङ्‌यीमात पङ्‌ब, पस्‍चताप् स्‍य्‍हेङ्‌बे पापी गीःकी लागीरी पर्‌मेस्‍वर्‌तेङ् थेङ्‌की स्‍वर्‌गदुत्मा तङ्‌ब।”

लुका 16:22

“हुजु प्रङ्‌न म्‍ही स्‍यीज्‍यी, ओसेम् थेत स्‍वर्‌गदुत्माचे बोर्‌ज्‍यीम् अब्रहामकी रेइरी थेन्‍ज्‍यी। ओसेम् हुजु बरु म्‍हीएनो स्‍यीज्‍यीम् बुप्‍ज्‍यी।

प्रेरीत् 26:7

हुजु बाचा यङ्‌बे आसरी ङ्‍य्‍हङ्‍की खलक् चुङ्‍ङ्‍य्‍हीचेनो दीन् म्‍हुन् सेम् गी तज्‍यीम् पर्‌मेस्‍वर्‌त तेन्‍बल य्‍हीन्‍ब। ग्‍यल्‍बो अग्रीपास्, ङचेएनो हुजु आस् थेन्‍बल य्‍हीन्‍ब, होले तलेएनो यहुदीमाचे ङत दोस् ल्‍हइतीबल मुब।

हीब्रु 1:14

होत्‍तज्‍यीम् जम्‍मनो स्‍वर्‌गदुत्‍मा पर्‌मेस्‍वर्‌चे मुक्‍ती न्‍हङ्‍स्‍येलामाकी स्‍य्‍हप्‍तो स्‍य्‍हेङ्‌बरी पीत्‍जेत्‍पे आत्‍मामाकीनो य्‍हीन्‍ब।

प्रकास 21:13

स्‍यर् पट्‍टीचे म्रप् सोम, न्‍हुब् पट्‍टीचे म्रप् सोम, ज्‍यङ् पट्‍टीचे म्रप् सोम, ओसेम् लो पट्‍टीचे म्रप् सोम् मुबल।

प्रकास 21:15

ङतेङ् तम् पङ्‍बे स्‍वर्‌गदुत्‍की यारी हुजु सहर्‌तेङ् हुजुइ म्रप्‍मा ओसेम् कउरु दप्‍पे म्‍हर्‌की बेर्‌क गीः मुबल।

प्रकास 21:25

हुजु सहर्‌की म्रप्‍मा दीनीरी खेमेएनो दुङ्‌स्‍ये अरे, तलेपङ्‍सम् हुजुरी खेमेएनो म्‍हुन तस्‍ये अरे।

प्रकास 22:14

र्‌हङ्‍की येन् ख्रुज्‍यीम् ज्‍यनले थेन्‍बलमा मोलम् यङ्‍बलमा य्‍हीन्‍ब। थेङ्‍यीमाचे हुजु सहर्‌की म्रप् ग्‍यम्‍से न्‍हङ्‍री वङ्‌म्‍यङ्‍स्‍ये मुब ओसेम् जीवन्‍की दोङ्‌बोइ रोःरो ग्‍यम्‍चे चबे हक् यङ्‍स्‍ये मुब।