प्रकास 2:18 - पश्‍चिम तामाङ

¹⁸ “ओसेम् थीआटीराकी मन्‍डलीत स्‍य्‍हप्‍तो स्‍य्‍हेङ्‌बे चवत चु तम् ब्रीउ: “मे ल्‍हम् र्‌हङ्‌ले लुम्‍बे फेन् ओसेम् मेरी ख्रङ्‍ज्‍यीम् सर्‌बे कास र्‌हङ्‌ले सर्‌बे स्‍य्‍हब् मुबे पर्‌मेस्‍वर्‌की जचे चोले सुङ्‌ब।

प्रकास 2:18 ပူးပေါင်းရင်းမြစ်များ

मत्‍ती 17:5

पत्रुसचे चोले तम् पङ्‍न पङ्‍ननो सर्‌बे मुक्‍प खज्‍यीम् थेङ्‌मात गप्‍ज्‍यी, ओसेम् हुजु मुक्‍प न्‍हङ्‍चे चोतेबे केत् युज्‍यी, “चु ङइ म्‍होइबे ज य्‍हीन्‍ब, थेतेङ् ङ य्‍हक्‍को तङ्‍बल मुब, थेइ तम् ङ्‌येनो।”

मत्‍ती 27:54

येसुत रुङ्‍ज्‍यीम् टीबे कप्‍तान्‍तेङ् स्‍यीपइमाचे हुजुरी सङ्‍गुल् य्‍हर्‌बलतेङ् तबे जम्‍मनो तम्‍म म्रङ्‌ब बीसेम् य्‍हक्‍को लोङ्‌ज्‍यी। ओसेम् थेङ्‍यीमाचे पङ्‍ज्‍यी, “देमेन्‍नो चु म्‍ही पर्‌मेस्‍वर्‌की ज य्‍हीन्‍बल टीम्!”

मत्‍ती 3:17

ओसेम् स्‍वर्‌ग ग्‍यम्‍चे चोतेबे केत् थ्‍येःज्‍यी, “चु ङइ म्‍होइबे ज य्‍हीन्‍ब, ओसेम् ङ थेतेङ् य्‍हक्‍को तङ्‍बल मुब।”

लुका 1:35

स्‍वर्‌गदुत्‍चे जोहाप् पीन्‍ज्‍यी, “पबीत्र आत्‍मा एइ ल्‍हीरी व्‍योन्‍युज्‍यीम् गोदोब्‍न्‍हङ्‍की जोइ पर्‌मेस्‍वर्‌की सक्‍ती ग्‍यम्‍चे एचे कोल न्‍हस्‍ये मुब। होत्‍तज्‍यीम् एचे न्‍हस्‍येकी कोल पबीत्र तजेत्‍स्‍ये मुब। ओसेम् थेङ्‌त पर्‌मेस्‍वर्‌की ज पङ्‌स्‍ये मुब।

युहन्‍ना 1:14

फ्रोइ म्‍ही तजेत्‍ज्‍यीम् ङ्‌य्‍हङ्‌माकी गुङ्‍री स्‍य्‍हुजेत्‍ज्‍यी। थेङ् अनुग्रहतेङ् देमेन्‍चे प्‍लीङ्‍जेत्‍पल मुबल। ङ्‍य्‍हङ्‍माचे थेङ्‌की महीमा म्रङ्‍ज्‍यी। हुजु महीमा अप ग्‍यम्‍से गीकीनो मुबे जत युबल मुबल।

युहन्‍ना 1:49

हुजुलीप्‍चे नथानेल्‍चे थेङ्‌त पङ्‍ज्‍यी, “लोप्‍पोन्, थेङ्‍मी पर्‌मेस्‍वर्‌की ज य्‍हीन्‍ब टीम्, थेङ् एस्रएलीमाकी ग्‍यल्‍बो य्‍हीन्‍ब टीम्!”

युहन्‍ना 10:36

ङत अपचे दम्‍जेत्‍ज्‍यीम् जम्‍बुलीङ्‌री पीत्‍युजेत्‍पल य्‍हीन्‍ब। ङचे ङ पर्‌मेस्‍वर्‌की ज य्‍हीन्‍ब पङ्‍बतेङ् पर्‌मेस्‍वर्‌की नीन्‍द स्‍य्‍हेङ्‌बल तब बी खले एङ्‍यीमाचे पङ्‍ब?

युहन्‍ना 3:16

तलेपङ्‍सम् पर्‌मेस्‍वर्‌चे जम्‍बुलीङ्‌की म्‍हीमात य्‍हक्‍को म्‍होइज्‍यीम् र्‌हङ्‌की गीःकीनो मुबे जत पीत्‍युजेत्‍ज्‍यी। खल्‍चे पर्‌मेस्‍वर्‌की जत बीस्‍वास् स्‍य्‍हेङ्‌ब थेङ्‍यीमा खलएनो नास् तस्‍ये अरे तर थेङ्‍यीमाचे खेमेएनो अबेबे जीवन् यङ्‍स्‍ये मुब।

युहन्‍ना 3:18

थेङ्‌त बीस्‍वास् स्‍य्‍हेङ्‌बलमा दोसी तस्‍ये अरे, तर थेङ्‌त बीस्‍वास् अस्‍येङ्‍बलमाम् दोसी तज्‍यीन्‍बल मुब। तलेपङ्‍सम् थेङ्‍यीमाचे पर्‌मेस्‍वर्‌की गीःकीनो मुबे जत बीस्‍वास् स्‍य्‍हेङ्‍बल अरे।

युहन्‍ना 5:25

देमेन्‍नो ङ एङ्‌यीमात पङ्‌ब, बेलो खटीब मुब, ओसेम् हुजु बेलो देरे य्‍हीन्‍ब, स्‍यीबलमाचे पर्‌मेस्‍वर्‌की जइ केत् थ्‍येःस्‍ये मुब, ओसेम् थ्‍येःबलमा सोस्‍ये मुब।

प्रेरीत् 16:14

हुजुरी ङ्‌यीमाइ तम् ङ्‍येन्‍बलमा न्‍हङ्‌री थीआटीरा सहरकी लीडीया पङ्‍बे अमकोल गीः मुबल। थेचे खवल ख पीङ् येन् छोङ् स्‍य्‍हेङ्‌ब मुबल। ओसेम् लीडीयाचे पर्‌मेस्‍वर्‌त तेन्‍ब मुबल। पावलचे पङ्‍बे तम् ज्‍यनले ङ्‌येन्‍ज्‍यीम् गोखइ बी प्रभुचे थेइ सेम् ठोङ्‍पीन्‍जेत्‍ज्‍यी।

प्रेरीत् 8:36

“थेङ्‌यीमा ग्‍यम्‍री य्‍हर्‌टीमम् यी मुबे ग्‍लारी दोःज्‍यी। ओसेम् हुजु नपुङ्‍सक्‍चे फीलीप्‍त, ‘चुरी यी टीम्, देरेम् ङचे बप्‍तीस्‍मा कीन्‍बरी ताचे र्‌होद्‍ल?’” बी ङ्‌योत्‍ज्‍यी।

रोमी 8:32

पर्‌मेस्‍वर्‌चे र्‌हङ्‍की जतएनो जोगइतीअजेत् तर ङ्‍य्‍हङ्‍मा जम्‍मइ लागीरी र्‌हङ्‍की जत न्‍हङ्‍जेत्‍ज्‍यी। ङ्‍य्‍हङ्‍माइ लागीरी र्‌हङ्‌की ज धरी न्‍हङ्‍जेत्‍पलचे ल्‍हो-ल्‍हो जम्‍मनो स्‍हेःमा ङ्‍य्‍हङ्‍मात न्‍हङ्‌अजेत् स्‍यीम्?

प्रकास 1:11

हुजु केत्‍चे चोले पङ्‍ज्‍यी, “एचे तात म्रङ्‌ब हुजु छ्‍येः गीःरी ब्रीज्‍यीम् एफीसस्, स्‍मुर्‌ना, पर्‌गामम, थीआटीरा, सार्‌डीस्, फीलाडेल्‍फीया ओसेम् लाउडीकीया पङ्‍बे सहर्‌माकी मन्‍डलीमा ङ्‍यीस्‍तनो पीतो।”

प्रकास 2:1

“एफीसस्‍की मन्‍डलीइ स्‍य्‍हप्‍तो स्‍य्‍हेङ्‌बे चवत चु तम् ब्रीउ: “चु तम् सार् ङ्‍यीस्त र्‌हङ्‍की केत् फ्‍यारी थोःजेत्‍पलतेङ् म्‍हर्‌की साम्‍दान् ङ्‍यीस्‍की गुङ्‌से ब्रजेत्‍पलचे सुङ्‍जेत्‍प।

प्रकास 2:24

“तर चोतेबे भ्‍युकी तम् अङ्‍येन्‍बे ओसेम् कोइ कोइचे पङ्‍बे सैतान्‍की र्‌हस्‍यइ तम्‍मा अलोप्‍पे थीआटीराकी मन्‍डलीरी मुबे ल्‍हो-ल्‍होमात ङ पङ्‍ब, ङ एङ्‌यीमात ल्‍हो-ल्‍हो य्‍हक्‍को तम्‍मा ङ्‌येनो पङ्‌स्‍ये अरे।