प्रकास 18:24 - पश्‍चिम तामाङ

²⁴ हुजु सहर्‌टीनो अगम्‍बक्‍तमातेङ् पर्‌मेस्‍वर्‌की म्‍हीमा ओसेम् जम्‍बुलीङ्‌री सेत्‍लाबे जम्‍म म्‍हीमाइ का यङ्‌बल मुबल।”

प्रकास 18:24 ပူးပေါင်းရင်းမြစ်များ

मत्‍ती 23:27

“धीक्‍कार एङ्‌यी धर्‌म लोप्‍पोन्‍मातेङ् फरीसीमा! एङ्‍यीमा कपटीमा य्‍हीन्‍ब। तलेपङ्‍सम् एङ्‍यीमा तर् सेप्‍प्र स्‍य्‍हल्‍बे दुर्‌समा र्‌हङ्‍ब मुब, दोचे च्‍यामम् ज्‍यब म्रङ्‌ब, तर न्‍हङ्‍चेम् स्‍यीबे म्‍हीइ नख्रुत्‍तेङ् क्रम्‍बे स्‍हेःमाकीनो मुबल तब।

मत्‍ती 23:35

होत्‍तज्‍यीम् सेत्‍लाबे जम्‍म धर्‌मी म्‍हीमाइ काःकी दोस् एङ्‍यीमाचे यङ्‌स्‍ये मुब, हाबील य्‍हङ्‌स्‍ये पर्‌मेस्‍वर्‌की दीम्‍तेङ् बेदीइ गुङ्‌री सेत्‍लाबे बेरेक्‍याहकी ज जकरीया सम्‍मइ काःकी दोस् एङ्‌यीमाकी क्ररी फोःस्‍ये मुब।

प्रेरीत् 7:52

एङ्‌यीमाइ म्‍हेमेमाचे अगम्‍बक्‍तमा जम्‍मतनो दुख पीन्‍बल मुबल। ओसेम् पर्‌मेस्‍वर्‌की फ्रोइकीनो ङ्‌येन्‍ज्‍यीम् ब्रबे म्‍ही ब्‍योन्‍युस्‍ये मुब पङ्‍बे तम् स्‍येत्‍पलमात थेङ्‍यीमाचे सेत्‍लाज्‍यी। ओसेम् देरे एङ्‍यीमाचेम् थेङ्‌त म्‍हीमाइ यारी सोप्‍तीपीन्‍ज्‍यीम् सेत्‍ज्‍यी।

१ थेस्‍लोनीकी 2:15

हुजु यहुदीमाचे प्रभु येसुतेङ् अगम्‍बक्‍तमात सेत्‍ज्‍यी ओसेम् ङ्‍यीमातएनो ल्‍हब्‍ज्‍यी। थेङ्‍यीमाचे पर्‌मेस्‍वर्‌त सेम्‍री अङ्‍यीबे लक् स्‍य्‍हेङ्‌ज्‍यी ओसेम् जम्‍म म्‍हीमाइ बीरोद् स्‍य्‍हेङ्‌ब।

प्रकास 11:7

थेङ्‍यीमाचे र्‌हङ्‍की गबाहीकी लक् बुत्‍प बीसेम् दप्‍ज्‍यीम् दप्‍प अखम्‍बे नुप्‍पे व्‍हङ् न्‍हङ् ग्‍यम्‍से डोङ्‍खस्‍येकी दुस्‍ट सेम्‍ज्‍येन्‍चे थेङ्‍य्‍हीतेङ् छेत्‍ज्‍यीम् थेङ्‍य्‍हीतनो डास्‍ये मुब, ओसेम् थेङ्‍य्‍हीतनो सेत्‍स्‍ये मुब।

प्रकास 16:6

तलेपङ्‍सम् थेङ्‍यीमाचे थेङ्‍की म्‍हीमातेङ् अगम्‍बक्‍तमाकी काः य्‍हर्‌नलज्‍यी, होत्‍तज्‍यीम् थेङ्‍चे थेङ्‍यीमात का थुङ्‍पुङ्‍जेत्‍पल मुब। हुजु थेङ्‍यीमाचे यङ्‍नो थोःबे सजाय य्‍हीन्‍ब।”

प्रकास 17:6

ओसेम् हुजु अमकोलचे येसु ख्रीस्‍ट्‍की बारेरी साक्षी पीन्‍बल तज्‍यीम् म्‍हीमाचे सेत्‍पे पर्‌मेस्‍वर्‌की म्‍हीमाकी का थुङ्‌ज्‍यीम् ङ्‍य्‍हेबल ङचे म्रङ्‍ज्‍यी। हुजु अमकोलत म्रङ्‌ज्‍यीम् ङ य्‍हक्‍को अचम्‍म तज्‍यी।

प्रकास 19:2

तलेपङ्‍सम् थेङ्‍की न्‍याय देमेन्‍तेङ् ठीक् मुब। र्‌हङ्‍की बेस्‍या स्‍य्‍हेङ्‌बे लक्‍चे जम्‍मनो जम्‍बुलीङ्‍त न्‍होङ्‍नलबे य्‍हक्‍को अज्‍यबे बेस्‍यत थेङ्‍चे ठीक् सजाय न्‍हङ्‌जेत्‍पल मुब। हुजु बेस्‍यचे पर्‌मेस्‍वर्‌की योक्‍पोमात सेत्‍पल तज्‍यीम् पर्‌मेस्‍वर्‌चे हुजुइ खीत् फाजेत्‍पल मुब।”