प्रकास 18:2 - पश्‍चिम तामाङ

² हुजु स्‍वर्‌गदुत्‍चे क्रीङ्‌ज्‍यीम् चोले पङ्‍ज्‍यी, “ङ्‍हच्‍छ्‌यङ् सहर् बेबीलोन् नास् तज्‍यी! देरेम् हुजु सहर् म्‍हङ्‍मातेङ् दुस्‍ट आत्‍मामा टीबे ग्‍ला तबल मुब। ओसेम् हुजुरी जम्‍म खाल्‍की नेइबतेङ् असुद्‍द ङ्‍यम्‍ङ्‍यमातेङ् सेम्‍ज्‍यन्मा टीब।

प्रकास 18:2 ပူးပေါင်းရင်းမြစ်များ

प्रकास 1:15

थेङ्‍की स्‍य्‍हब्‍मा मेरी ख्रङ्‍ज्‍यीम् सर्‌नलबे कास र्‌हङ्‌ले सर्‌बल मुबल, ओसेम् थेङ्‍की केत्‍मी ङ्‍हच्‍छ्‌यङ् स्‍योङ् ङ्‌य्‍हब र्‌हङ्‍ब मुबल।

प्रकास 10:3

ओसेम् थेचे ताः ङ्‍हर्‌ब र्‌हङ्‌ले ङ्‍हच्‍छ्‍यङ् केत् तेत्‍ज्‍यीम् क्रीङ्‌ज्‍यी। थेचे क्रीङ्‍ब साच्‍चेनो मु गुरुङ्‍बे केत् ङ्‌यीस् थ्‍येःज्‍यी।

प्रकास 11:8

थेङ्‍य्‍हीकी स्‍यीबे ल्‍हीःमा हुजु ङ्‍हच्‍छ्‌यङ् सहर्‌की ग्‍यम्‍रीनो थेन्‍स्‍ये मुब। हुजुरीनो थेङ्‍यीमाकी प्रभुत क्रुस्‍री च्‍योलाबल मुबल। हुजु सहर्‌मी दुस्‍ट सहर् सदोम्‍तेङ् दुस्‍ट य्‍हुल् मीस्र र्‌हङ्‍ब य्‍हीन्‍ब।

प्रकास 14:15

ओसेम् ल्‍हो-ल्‍हो स्‍वर्‌गदुत् गीः पर्‌मेस्‍वर्‌की दीम् ग्‍यम्‍से डोङ्‍ज्‍यीम् मुक्‍परी स्‍य्‍हुजेत्‍पलत ङ्‍हच्‍छ्‍यङ् केत् तेत्‍ज्‍यीम् पङ्‍ज्‍यी, “थेङ्‌की व्‍हरे नोम्‍जेतो, ओसेम् अन्‍न ब्रेःजेतो, तलेपङ्‍सम् अन्‍न ब्रेःबे बेलो तज्‍यीन्‍बल मुब, तलेपङ्‌सम् जम्‍बुलीङ्‌की अन्‍न मीन्‍ज्‍यीन्‍बल मुब।”

प्रकास 14:8

ओसेम् ल्‍हो-ल्‍हो स्‍वर्‌गदुत गीःएनो हुजु ङोन्‍ग्‍यम्‍की स्‍वर्‌गदुत्‍की लीप्‍चे चोले पङ्‍ज्‍यीम् खज्‍यी, “ङ्‍हच्‍छ्‌यङ् सहर् बेबीलोन् नास् तज्‍यी! थेचे जम्‍बुलीङ्‌की जम्‍मनो जातीमात थेइ ब्‍यभीचार्‌की खोरे ग्‍यम्‍से थुङ्‍पुङ्‍ज्‍यीम् थेङ्‍यीमात ङ्‍य्‍हेन लज्‍यी।”

प्रकास 16:13

ओसेम् हुजु सङ्‌मोइ सुङ् ग्‍यम्‍से, ओसेम् हुजु दुस्‍ट सेम्‍ज्‍येन्की सुङ् ग्‍यम्‍से ओसेम् भ्‍यु पङ्‍बे अगम्‍बक्‍तइ सुङ् ग्‍यम्‍से बल्‍ब र्‌हङ्‍ब म्रङ्‌बे असुद्‍द आत्‍मामा सोम् डोङ्‍बल ङचे म्रङ्‍ज्‍यी।

प्रकास 16:19

ओसेम् ङ्‍हच्‍छ्‌यङ् सहर् बेबीलोन् बो सोम्‍ले थीज्‍यी, ओसेम् जम्‍मनो य्‍हुल्‍माकी सहर्‌मा नास् तज्‍यी। ओसेम् पर्‌मेस्‍वर्‌चे हुजु ङ्‍हच्‍छ्‌यङ् सहर् बेबीलोन्‍की पाप्‍त व्‍हल् लजेत्‍ज्‍यी, ओसेम् थेङ्‌की य्‍हक्‍को लोङ्‍बे बोमो हुजु सहर्‌री साजेत्‍ज्‍यी।

प्रकास 17:18

एचे म्रङ्‌बे बेस्‍य अमकोलमी हुजु ङ्‍हच्‍छ्‍यङ् सहर् य्‍हीन्‍ब। हुजुचे जम्‍बुलीङ्‌की ग्‍यल्‍बोमाकी जोरी सासन् स्‍य्‍हेङ्‍ब।”

प्रकास 17:5

ओसेम् थेइ ङ्‍होरी रहस्‍यइ मीन् गीः ब्रीबल मुबल, हुजुरी चोले ब्रीबल मुबल, “ङ्‍हच्‍छ्‌यङ् बेबीलोन्, जम्‍बुलीङ्‌की जम्‍मनो बेस्‍यामातेङ् नेइबे लक् स्‍य्‍हेङ्‌बलमाकी अम!”

प्रकास 18:10

थेङ्‌यीमाचेएनो थेत पीन्‍बे सजाय नाथोल बी लोङ्‍ज्‍यीम् थेङ्‍यीमा थारीङ्‍नो रप्‍ज्‍यीम् चोले पङ्‌स्‍ये मुब, ‘अम्‍मइ! हुजु ङ्‍हच्‍छ्‍यङ्तेङ् सक्‍तीसाली बेबीलोन् सहर्, य्‍हम्‍ब गीःरीनो एचे सजाय यङ्‌ज्‍यी!’”

प्रकास 18:21

हुजुलीप्‍चे सक्‍तीसाली स्‍वर्‌गदुत् गीःचे ङ्‍हच्‍छ्‍यङ् र्‌हन्‍द र्‌हङ्‍बे युङ्‌ब गीः कोत्‍ज्‍यीम् चोले पङ्‍ज्‍यीम् समुन्‍द्ररी ख्‍लापीत्‍ज्‍यी, “चु ङ्‍हच्‍छ्‌यङ् सहर् बेबीलोन्‍तएनो चोलेनो बङ्‍लेनो ख्‍लपीत्‍स्‍ये मुब, ओसेम् देबेएनो दोःज्‍यीम् खेमेएनो म्रङ्‍खस्‍ये अरे।

प्रकास 5:2

ओसेम् सक्‍तीसाली स्‍वर्‌गदुत् गीःचे ङ्‍हच्‍छ्‌यङ् केत् तेत्‍ज्‍यीम् चोले पङ्‍टीबल ङचे म्रङ्‍ज्‍यी, “चु डीइ छ्‌येःकी छाप्‍मा ठोङ्‍ज्‍यीम् फे:बरी जेःबल खल मुब?”