प्रकास 18:18 - पश्‍चिम तामाङ

¹⁸ ओसेम् सहर् क्रोज्‍यीम् डोङ्‌बे मीङ्‍गु म्रङ्‌ज्‍यीम् थेङ्‍यीमा चोले पङ्‍ज्‍यीम् क्रीङ्‌ज्‍यी, ‘चु र्‌हङ्‍बे ङ्‍हच्‍छ्‌यङ् सहर् ल्‍हो-ल्‍हो खजुएनो अरेबल!’

प्रकास 18:18 ပူးပေါင်းရင်းမြစ်များ

प्रकास 13:4

ओसेम् हुजु सङ्‌मोचे र्‌हङ्‍की अधीकार् हुजु दुस्‍ट सेम्‍ज्‍येन्‍त पीन्‍बल तज्‍यीम् म्‍हीमाचे सङ्‍मोत तेन्‍ज्‍यी, ओसेम् थेङ्‌यीमाचे हुजु दुस्‍ट सेम्‍ज्‍येन्‍तएनो चोले पङ्‍ज्‍यीम् तेन्‍ज्‍यी, “चु दुस्‍ट सेम्‍ज्‍येन् र्‌हङ्‍ब ल्‍हो-ल्‍हो खल मुब? थेइ बीरुद्‍दरी खल्‍चे छेत्‍प खम्‍ब?”

प्रकास 14:11

थेङ्‍यीमात पीन्‍बे सजायकी मेतेङ् गन्‍धक्‍की मीङ्‍गु खेमपङ्‌लेनो तोर् रेस्‍यीनो टीस्‍ये मुब। थेङ्‍यीमा हुजुमानो य्‍हीन्‍ब, खल्‍चे हुजु दुस्‍ट सेम्‍ज्‍येन्‍तेङ् हुजुइ ख्‍लत तेन्‍ब, ओसेम् हुजुइ मीन्‍री चीनो ल्‍हइतीपुङ्‍ब। थेङ्‍यीमाचे दीन् म्‍हुन् खेम पङ्‌लेनो दुख नास्‍ये मुब।”

प्रकास 16:19

ओसेम् ङ्‍हच्‍छ्‌यङ् सहर् बेबीलोन् बो सोम्‍ले थीज्‍यी, ओसेम् जम्‍मनो य्‍हुल्‍माकी सहर्‌मा नास् तज्‍यी। ओसेम् पर्‌मेस्‍वर्‌चे हुजु ङ्‍हच्‍छ्‌यङ् सहर् बेबीलोन्‍की पाप्‍त व्‍हल् लजेत्‍ज्‍यी, ओसेम् थेङ्‌की य्‍हक्‍को लोङ्‍बे बोमो हुजु सहर्‌री साजेत्‍ज्‍यी।

प्रकास 18:16

ओसेम् थेङ्‍यीमाचे पङ्‌स्‍ये मुब, “अम्‍मइ! हुजु ङ्‍हच्‍छ्‌यङ् सहर्, थेमी ज्‍यबे सुतीइ येन्, खवल खपीङ्‍तेङ् वल येन् येन्‍ज्‍यीम् य्‍हक्‍को सेइ फाबे म्‍हर्, रत्‍नमा ओसेम् मोतीमा येन्‍ज्‍यीम् छ्‌येःबे अमकोल र्‌हङ्‍ब मुबल।