प्रकास 14:17 - पश्‍चिम तामाङ

¹⁷ हुजु लीप्‍चे स्‍वर्‌गरी मुबे पर्‌मेस्‍वर्‌की दीम् ग्‍यम्‍से ल्‍हो-ल्‍हो स्‍वर्‌गदुत् गीः डोङ्‍ज्‍यी। थेतेङ्‍एनो छ्‌यर्‌पे व्‍हरे गीः मुबल।

प्रकास 14:17 ပူးပေါင်းရင်းမြစ်များ

प्रकास 11:19

ओसेम् स्‍वर्‌गरी मुबे पर्‌मेस्‍वर्‌की पबीत्र दीम् ठोङ्‌ज्‍यी, ओसेम् हुजुरी थेङ्‍की करार्‌की डोम् म्रङ्‍ज्‍यी। हुजुलीप्‍चे तीप्‍लीक् फ्‍लीक्‍ज्‍यी, लाबलुङ् खब र्‌हङ्‍बे केत्‍मा ओसेम् मु गुरुङ्‍बल र्‌हङ्‍बे ङ्‍हच्‍छ्‍यङ् केत्‍मा थेःज्‍यी, सङ्‍गुल् य्‍हर्‌ज्‍यी ओसेम् जेप्‍प-जेप्‍प सेरमा युज्‍यी।

प्रकास 14:16

चोले मुक्‍पजोरी स्‍य्‍हुजेत्‍पलचे र्‌हङ्‍की व्‍हरे जम्‍बुलीङ्‌की जोरी कोल्‍जेत्‍ज्‍यी, ओसेम् जम्‍बुलीङ्‌की अन्‍न ब्रेःजेत्‍ज्‍यी।

प्रकास 14:18

ओसेम् मेइ जोरी अधीकार् मुबे ल्‍हो-ल्‍हो स्‍वर्‌गदुत् गीः बेदी ग्‍यम्‍से खज्‍यी। थेचे व्‍हरे थोःबे स्‍वर्‌गदुत्‍त ङ्‍हच्‍छ्‌यङ् केत् तेत्‍ज्‍यीम् चोले पङ्‍ज्‍यी, “एइ छ्‍यर्‌पे व्‍हरेचे अङ्‍गुर्‌की म्रङ्‌की अङ्‍गुर्‌मा ब्रेःको, तलेपङ्‍सम् अङ्‍गुर्‌मा मीन्‍ज्‍यीन्‍बल मुब।”

प्रकास 16:1

हुजु लीप्‍चे पर्‌मेस्‍वर्‌की दीम् ग्‍यम्‍से डोङ्‌बे ङ्‍हच्‍छ्‍यङ् केत् गीःचे हुजु स्‍वर्‌गदुत्‍मा ङ्‍यीस्त चोले पङ्‍टीबल ङचे थेःज्‍यी, “एङ्‌यीमा ङ्‍यीउ, ओसेम् हुजु खोरे ङ्‌यीस् ग्‍यम्‍से पर्‌मेस्‍वर्‌की बोमो जम्‍बुलीङ्‌री तेःपीतो।”

प्रकास 16:17

हुजु लीप्‍चे सातौ स्‍वर्‌गदुत्‍चे र्‌हङ्‍की खोरेचे पर्‌मेस्‍वर्‌की बोमो लाबोरी तेःलाज्‍यी, ओसेम् पर्‌मेस्‍वर्‌की दीम्‍की ठी ग्‍यम्‍से चोले पङ्‍बे ङ्‍हच्‍छ्‌यङ् केत् गीः डोङ्‍ज्‍यी, “देरेम् बुत्‍ज्‍यी!”