प्रकास 12:17 - पश्चिम तामाङ17 ओसेम् हुजु सङ्मो हुजु अमकोलतेङ् झेन् य्हक्को बोमो रप्ज्यी, ओसेम् हुजु सङ्मो अमकोलइ ल्हो-ल्हो कोलमातेङ् छेत्परी य्हर्ज्यी, थेङ्यीमा पर्मेस्वर्की अर्तीमा ङ्येन्ज्यीम् ब्रबमा ओसेम् येसुचे लोप्जेत्पे तम्त बीस्वास् स्य्हेङ्बलमा य्हीन्ब। အခန်းကိုကြည့်ပါ။ |
प्रकास 12:17
26 ပူးပေါင်းရင်းမြစ်များ
एङ्यीमाकी अप सैतान् य्हीन्ब, ओसेम् एङ्यीमाकी अपचे स्य्हेङ्खइ म्हेन्ब र्हङ्लेनो स्य्हेङ्बरी एङ्यीमा तयार मुब। थेचेम् ठुङ्बे बेलो य्हङ्सेनो म्ही सेत्न लबल मुबल, थे देमेन्की तम्री टीब अखम्, तलेपङ्सम् थेल न्हङ्री तएनो देमेन् अरे। थेइ बानी र्हङ्लेनो थेचे भ्युकीनो पङ्ब। तलेपङ्सम् थे भ्यु य्हीन्ब, ओसेम् थे भ्युकी अप य्हीन्ब।
ङ ख्रीस्ट्री एङ्यीमाकी अज्यो युहन्ना य्हीन्ब। ओसेम् येसुत बीस्वास् स्य्हेङ्बल तज्यीम् एङ्यीमातेङ् बक्च्य ङचेएनो नाज्यीम् दुख नाटीबल मुब, हुजु दुखमी पर्मेस्वर्की य्हुल्री मुबलमात खब। पर्मेस्वर्की फ्रोइतेङ् येसु ख्रीस्ट्की बारेरी स्येत्पल तज्यीम् ङत म्हीमाचे पत्मोस् पङ्बे टापुरी च्युप्ज्यीम् थेन्बल मुबल।
ओसेम् हुजु स्वर्गदुत्त तेन्बरी ङचे पुइ जुःज्यी, तर थेचे ङत पङ्ज्यी, “ङत होले थलउ। ङएनो एतेङ् ल्हो-ल्हो बीस्वासीमा र्हङ्बे येसुइ बारेरी गबाही पीन्बे योक्पोकीनो य्हीन्ब। पर्मेस्वर्तकीनो तेनो। तलेपङ्सम् पर्मेस्वर् ग्यम्से देमेन्की अगम्बानी पङ्बलमाचे येसुइ बारेरी गवाही पीन्ब।”
ओसेम् ङचे ठीमातेङ् हुजुमारी टीबलमात म्रङ्ज्यी, थेङ्यीमात न्याय स्य्हेङ्बे अधीकार् पीन्बल मुबल। ओसेम् येसुइ बारेरी स्येत्पलतेङ् पर्मेस्वर्की फ्रोइ स्येत्पल तज्यीम् क्र थाज्यीम् सेत्लाबे म्हीमाकी आत्मामातएनो ङचे म्रङ्ज्यी। थेङ्यीमाचे हुजु दुस्ट सेम्ज्येन्तेङ् थेइ ख्लत तेन्बल अरेबल, ओसेम् थेङ्यीमाचे र्हङ्की ङ्होरी वुइ यारी थेइ छाप् ल्हइदीपुङ्बलएनो अरेबल। थेङ्यीमा देबेएनो सोज्यीम् रेःज्यी ओसेम् हजार् गीः बर्स सम्म ख्रीस्ट्तेङ् बक्च्य सासन् लज्यी।
ကြော်ငြာတွေ