फीलेमोन 1:9 - पश्‍चिम तामाङ

⁹ तर ङचे एत म्‍होइबल तज्‍यीम् ङ एत फ्‍या लज्‍यीम् पङ्‍ब। ङ पावल खेक्‍प म्‍ही, ओसेम् देरे येसु ख्रीस्‍ट्‍की लागीरी जेल्‍री मुब।

फीलेमोन 1:9 ပူးပေါင်းရင်းမြစ်များ

रोमी 12:1

होत्‍तज्‍यीम् ङइ र्‌होमा, पर्‌मेस्‍वर्‌की ङ्‍हच्‍छ्‍यङ् क्रीपा ङ्‍य्‍हङ्‍माइ जोरी मुबल तज्‍यीम् ङ एङ्‍यीमात फ्‍या लब, एङ्‍यीमाचे र्‌हङ्‍की ल्‍हीःत पर्‌मेस्‍वर्‌की ङोन्‍री पबीत्रातेङ् थेङ्‍त तङ्‍न लबे सोम्‍बो ठाकी रुप्‍री सोप्‍तीउ। एङ्‍यीमाचे चु देमेन्‍की तेन्‍ब एङ्‌यीमाचे स्‍य्‍हेङ्‌थोब।

२ कोरीन्‍थी 5:20

होत्‍तज्‍यीम् ङ्‌यीमा ख्रीस्‍ट्‍की फ्रोइ स्‍येत्‍पे चवमा य्‍हीन्‍ब, ओसेम् पर्‌मेस्‍वर्‌चे ङ्‌यीमा ग्‍यम्‍से तज्‍यीम् एङ्‌यीमात फ्‍या लजेत्‍टीब मुब। ङ्‌यीमा ख्रीस्‍ट्‍की छेन्‍री एङ्‌यीमात फ्‍या लज्‍यीम् पङ्‍ब, “पर्‌मेस्‍वर्‌तेङ् थुनो”

२ कोरीन्‍थी 6:1

ङ्‌यीमा पर्‌मेस्‍वर्‌तेङ् बक्‍च्‍य लक् स्‍य्‍हेङ्‌बे म्‍हीमा तबल तज्‍यीम् एङ्‍यीमात फ्‍या लब, एङ्‍यीमाचे पर्‌मेस्‍वर् ग्‍यम्‍से यङ्‍बे अनुग्रहत खेर य्‍हर्‌न थलउ।

गलाती 3:26

तलेपङ्‍सम् बीस्‍वास् ग्‍यम्‍से एङ्‌यीमा जम्‍मनो ख्रीस्‍ट्‍तेङ् गीः तज्‍यीम् पर्‌मेस्‍वर्‌की ज जमेमा तबल मुब।

एफीसी 3:1

होत्‍तज्‍यीम् ङ पावल, एङ्‌यी यहुदी अय्‍हीन्‍बे म्‍हीमाकी गुङ्‍री ज्‍यबे सम्‍तर् स्‍येत्‍पे लक् स्‍य्‍हेङ्‍बल तज्‍यीम् ङत जेल्‍री च्‍युप्‍पल मुब।

एफीसी 4:1

होत्‍तज्‍यीम् प्रभुइ लक् स्‍य्‍हेङ्‍बल तज्‍यीम् झेल्‍री च्‍युप्‍पे म्‍ही, ङ एङ्‍यीमात फ्‍या लज्‍यीम् पङ्‍ब, पर्‌मेवर्‌चे र्‌हङ्‍की म्‍हीमा तबरी दम्‍जेत्‍पे म्‍हीमाचे सोब र्‌हङ्‍बे जीवन् एङ्‌यीमाचेएनो सोउ।

एफीसी 6:20

चु ज्‍यबे सम्‍तर् स्‍येत्‍पे चव तबल तज्‍यीम् ङ च्‍यल्‍दरी खीःबल मुब। होत्‍तज्‍यीम् ङचे खले तम् पङ्‍थोब होलेनो अलोङ्‍नले तम् पङ्‍ब खम्‍खइ बी प्रार्‌थना स्‍य्‍हेङ्‌पीनो।

१ तीमोथी 1:12

ङ ङ्‍य्‍हङ्‍की प्रभु येसु ख्रीस्‍ट्‍त, थेङ्‌की लक् स्‍य्‍हेङ्‌बरी ङत बङ् न्‍हङ्‍जेत्‍पे लागीरी व्‍होर्‌छ्‍ये पीन्‍ब। तलेपङ्‍सम् थेङ्‌चे ङत पतइतीजेत्‍ज्‍यीम् थेङ्‌की लक् स्‍य्‍हेङ्‌बरी दम्‍जेत्‍ज्‍यी।

तीतस 2:2

खेक्‍प म्‍हीमा सान्‍त तथोब, स्‍य्‍हेस यङ्‌बरी जेःनले ब्रथोब, र्‌हङ्‌चे र्‌हङ्‍त दुल्‍थोब, पर्‌मेस्‍वर्‌री बीस्‍वासी तथोब, ओसेम् म्‍होइबतेङ् नाप खम्‍बल तथोब बी लोपो।

हीब्रु 13:19

ङ एङ्‍यीमात फ्‍या लब, परमेस्‍वरचे ङत ग्‍योन्‍नो एङ्‍यीमातेङ् देबेएनो खतु लबे मौक न्‍हङ्‍खइ बी प्रार्‌थना स्‍य्‍हेङ्‌पीनो।

१ पत्रुस 2:11

म्‍होइबे र्‌होमा, चु जम्‍बुलीङ्‌री एङ्‍यीमा ल्‍हो-ल्‍हो य्‍हुल्‍की म्‍हीमा ओसेम् र्‌होइ य्‍हुल्‍री य्‍हम्‍की लागीरी टीबे म्‍हीमा र्‌हङ्‍ब य्‍हीन्‍ब। ङ एङ्‌यीमात फ्‍या लब, ल्‍हीःकी लागीरी र्‌हङ्‍की सेम्‍चे म्‍हेन्‍बे अज्‍यबे लक्‍मा थस्‍य्‍हेङो। होतेबे सेम् खेम पङ्‌लेनो आत्‍माइ बीरुद्‍दरी तब।