फीलेमोन 1:4 - पश्‍चिम तामाङ

⁴ अले फीलेमोन्, ङचे एइ लागीरी प्रार्‌थना स्‍य्‍हेङ्‌बे बेलोरी ङचे पर्‌मेस्‍वर्‌त व्‍होर्‌छ्‌ये पीन्‍ब।

फीलेमोन 1:4 ပူးပေါင်းရင်းမြစ်များ

रोमी 1:8

ङोन्‍ग्‍यम् ङ एङ्‍यीमा जम्‍मइ लागीरी ङइ पर्‌मेस्‍वर्‌त येसु ख्रीस्‍ट् ग्‍यम्‍से व्‍होर्‌छ्‍ये पीन्‍ब, तलेपङ्‍सम् एङ्‌यीमाइ बीस्‍वास्‍की बारेरी जम्‍बुलीङ्‌की जम्‍मनो ग्‍लामारी थ्‍येःटीब।

एफीसी 1:16

ङ एङ्‌यीमाकी लागीरी पर्‌मेस्‍वर्‌त खेम पङ्‌लेनो व्‍होर्‌छ्‌ये पीन्‍स्‍यीनो टीब। चोले ङचे एङ्‍यीमात ङइ प्रार्‌थनारी व्‍हल् लस्‍यीनो टीब।

फीलीप्‍पी 1:3

एङ्‍यीमात व्‍हल् लबे बेलोरी ङ खेम पङ्‌लेनो पर्‌मेस्‍वर्‌त व्‍होर्‌छ्‍ये पीन्‍ब।

कलस्‍सी 1:3

ङ्‌यीमाचे एङ्‌यीमाकी लागीरी प्रार्‌थना स्‍य्‍हेङ्‌बे बेलोरी ङ्‍य्‍हङ्‍माकी प्रभु येसु ख्रीस्‍ट्‍की अप पर्‌मेस्‍वर्‌त खेम पङ्‌लेनो व्‍होर्‌छ्‍ये पीन्‍ब।

१ थेस्‍लोनीकी 1:2

ङ्‌यीमाचे एङ्‍यीमा जम्‍मइ लागीरी पर्‌मेस्‍वर्‌त खेम पङ्‌लेनो व्‍होर्‌छ्‍ये पीन्‍ब, ओसेम् ङ्‌यीमाचे प्रार्‌थना स्‍य्‍हेङ्‌बे बेलोरी खेमा पङ्‌लेनो एङ्‌यीमात व्‍हल् लब।

२ थेस्‍लोनीकी 1:3

र्‌होमा, एङ्‌यीमाकी बीस्‍वास् य्‍हक्‍को तबोर्‌टीबल मुब। ओसेम् एङ्‍यीमाचे गीःचे गीःत झेन् य्‍हक्‍को म्‍होइस्‍यीनो टीबोर्‌बल मुब। होत्‍तज्‍यीम् एङ्‌यीमाकी लागीरी ङ्‌यीमाचे पर्‌मेस्‍वर्‌त खेम पङ्‌लेनो व्‍होर्‌छ्‍ये पीन्‍थोब।

२ तीमोथी 1:3

ङ ङइ अप म्‍हेम्‍हेमाचे र्‌हङ्‌लेनो ज्‍यबे सेम् थोज्‍यीम् पर्‌मेस्‍वर्‌की सेवा स्‍य्‍हेङ्‌ब। ओसेम् थेङ्‍तनो ङ एइ लागीरी व्‍होर्‌छ्‍ये पीन्‍ब ओसेम् दीन् म्‍हुन् एत ङचे प्रार्‌थनारी व्‍हल् स्‍य्‍हेङ्‌ब।

फीलेमोन 1:5

तलेपङ्‍सम् प्रभु येसुत एचे स्‍य्‍हेङ्‌बे बीस्‍वास्‍तेङ् पर्‌मेस्‍वर्‌की जम्‍मनो म्‍हीमात म्‍होइबे तम् ङचे थ्‍येःबल मुब।