मर्‌कुस् 9:44 - पश्‍चिम तामाङ

⁴⁴ [नर्‌करी न्‍ह च्‍योङ्‌लोङ्‍मा स्‍यीब न्‍ह मे स्‍यीब।]

मर्‌कुस् 9:44 ပူးပေါင်းရင်းမြစ်များ

मत्‍ती 25:41

“हुजु लीप्‍चे थेङ्‌चे र्‌हङ्‌की ल्‍होम्‍पट्‍टीचे मुबलमात पङ्‌स्‍ये मुब, ‘पर्‌मेस्‍वर्‌की केम्‍लङ् यङ्‍बलमा! एङ्‍यीमा ङ ग्‍यम्‍से थारीङ् य्‍हरो, ओसेम् सैतान्‍तेङ् थेइ चवमाकी लागीरी टोप लबे खेमेएनो अस्‍यीबे मेन्‍हङ् य्‍हरो!

मत्‍ती 25:46

ओसेम् थेङ्‍यीमाचे खेमेएनो अबेबे सजाय यङ्‍स्‍ये मुब, तर धर्‌मीमाचेम् खेमेनो अबेबे जीवन यङ्‍स्‍ये मुब।”

मत्‍ती 3:12

अन्‍न क्रप्‍परी नख्‍लेइ थेङ्‌की फ्‍यारी मुब। थेङ्‌चे अन्‍नमा बर्‌टी ओसेम् पोल्‍वमा खेमेनो अस्‍यीबे मेन्‍हङ् ख्रङ्‍लाजेत्‍स्‍ये मुब।”

मर्‌कुस् 9:43

एइ याचे पाप स्‍य्‍हेङ्‌न लपुङ्‍ज्‍यी पङ्‌सम् हुजु या थाज्‍यीम् ख्‍लागो। या ङ्‍य्‍हीतेङ् छ्‍यम् खेमेएनो अस्‍यीबे मे लुम्‍टीबे नर्‌करी ङ्‍यीब बीमम् या गीःतेङ्‍कीनो खेमेएनो अबेबे जीवन्‍री वङ्‌ब ज्‍यब तब।

मर्‌कुस् 9:45

ओसेम् एइ कङ्‍चे एत पाप स्‍य्‍हेङ्‌न लपुङ्‍ज्‍यी पङ्‌सम् हुजु थाज्‍यीम् ख्‍लागो। कङ् ङ्‍य्‍हीतेङ् छ्‍यम् नर्‌करी ङ्‍यीब बीमम् कङ् गीःतेङ्‌कीनो खेमेएनो अबेबे जीवन्‍री वङ्‌ब ज्‍यब तब।

मर्‌कुस् 9:48

नर्‌करी न्‍ह च्‍योङ्‍लोङ्‍मा स्‍यीब न्‍ह मे स्‍यीब।

२ थेस्‍लोनीकी 1:9

थेङ्‍यीमाचे प्रभुइ सक्‍तीसाली य्‍हल्‍तेङ् सङ्‍गती ग्‍यम्‍से फेःज्‍यीम् जुक्‍नो नास् तबे सजाय नास्‍ये मुब।

प्रकास 14:10

थेचेएनो पर्‌मेस्‍वर्‌की ङ्‍हच्‍छ्‍यङ् बोमोइ खोरे ग्‍यम्‍से थुङ्‌ज्‍यीम् ङ्‍हच्‍छ्‍यङ् सजाय नाथोःस्‍ये मुब। थेत पबीत्र स्‍वर्‌गदुत्‍मातेङ् थुमाकी ङोन्‍री मेतेङ् गन्‍धक्‍री सजाय पीन्‍स्‍ये मुब।

प्रकास 20:10

जम्‍मनो य्‍हुल्‍की म्‍हीमात छल् लबे हुजु सैतान्‍त लुम्‍टीबे मेतेङ् गन्‍धक्‍की ग्‍येन्‍हङ् ख्‍लापीत्‍ज्‍यी, हुजुरी दुस्‍ट सेम्‍ज्‍येन्‍तेङ् भ्‍युकी अगम्‍बक्‍तएनो ङोन्‍ग्‍यम्‍नो ख्‍लापीत्‍पल मुबल। थेङ्‍यीमाचे हुजुरी खेमपङ्‍लेनोइ लागीरी दीन्म्‍हुन्‍नो दुख नास्‍ये मुब।

प्रकास 20:15

ओसेम् खजु म्‍हीमाकी मीन् जीवन्‍की छ्‍येःन्‍हङ् ब्रीबल अयङ् थेङ्‌यीमात हुजु लुम्‍टीबे मेइ ग्‍येन्‍हङ् ख्‍लापीत्‍ज्‍यी।

प्रकास 21:8

तर लोङ्‍बलमा, बीस्‍वास् अलबलमा, नेइबे लक् स्‍य्‍हेङ्‌बलमा, म्‍ही सेत्‍पलमा, बेस्‍य स्‍य्‍हेङ्‌बलमा, जादु ङोन्‍बलमा, ख्‍लत तेन्‍बलमातेङ् भ्‍यु पङ्‍बलमाकी ग्‍लामी लुम्‍टीबे मेतेङ् गन्‍धक्‍की ग्‍ये य्‍हीन्‍ब। हुजुरी दोःबमी दोस्रो स्‍यीब य्‍हीन्‍ब।”