मर्‌कुस् 9:41 - पश्‍चिम तामाङ

⁴¹ ङ एङ्‌यीमात पङ्‍ब, खल्‍चे एङ्‌यीमात मुक्‍ती न्‍हङ्‌बे ख्रीस्‍ट्‍की म्‍ही पङ्‍ज्‍यीम् बोङ्‍न नङ् यी पीन्‍ज्‍यी थेचे यङ्‌थोबे बक्सीस् यङ्‍स्‍येनो मुब।”

मर्‌कुस् 9:41 ပူးပေါင်းရင်းမြစ်များ

मत्‍ती 10:42

खल्‍चे ज्‍यीद बीम ज्‍यीदत ङइ डब पङ्‍ज्‍यीम् बोङ्‍ननङ् स्‍यीम् यी थुङ्‍पुङ्‍ल देमेन्‍नो थेचे बक्सीस् यङ्‍स्‍येनो मुब।”

मत्‍ती 25:40

ओसेम् ग्‍यल्‍बोचे जोहाप् पीन्‍स्‍ये मुब, ‘ङ एङ्‌यीमात देमेन्‍नो पङ्‍ब, एङ्‍यीमाचे ङइ चु अलेमा न्‍हङ्‌री ज्‍यीद बीम ज्‍यीद अले गीःत तता स्‍य्‍हेङ्‌ज्‍यी, हुजु एङ्‍यीमाचे ङतनो स्‍य्‍हेङ्‌ज्‍यी।’

मर्‌कुस् 4:10

येसु गीःकीनो मुबे बेलोरी चुङ् ङ्‌ही डबमातेङ् ल्‍हो-ल्‍हो म्‍हीमाचे चु तम्‍की अर्‌थ ता बी ङ्‌योत्‍ज्‍यी।

रोमी 14:15

एचे चबे चब ग्‍यम्‍से ल्‍हो-ल्‍हो बीस्‍वासी र्‌होमात सेम् नन लब पङ्‌सम् एचे थेङ्‍यीमात म्‍होइबल अत। एचे चबे चबचे ल्‍हो-ल्‍हो बीस्‍वासी र्‌होमात नास् अलखइ, तलेपङ्‍सम् थेङ्‍यीमाकी लागीरीएनो ख्रीस्‍ट् स्‍यीजेत्‍पल य्‍हीन्‍ब।

रोमी 8:9

पर्‌मेस्‍वर्‌की आत्‍मा एङ्‍यीमातेङ् देमेन्‍नो स्‍य्‍हुजेत्‍पल य्‍हीन्‍सम् एङ्‍यीमा र्‌हङ्‍की ल्‍हीःकी पाप् स्‍वभाब्‍की अधीन्‍री अय्‍हीन् तर पबीत्र आत्‍माइ अधीन्‍री तब। खल्‍तेङ् पङ्‌लेनो ख्रीस्‍ट्‍की आत्‍मा अरेसम् थे ख्रीस्‍ट्‌ल अय्‍हीन्।

१ कोरीन्‍थी 15:23

तर जम्‍मनो र्‌हङ् र्‌हङ्‍की पालो अनुसार् स्‍यीब ग्‍यम्‍से सोस्‍ये मुब। जम्‍मन्‍हङ्‍री ङोन्‍ग्‍यम् ख्रीस्‍ट्‍त सोनलजेत्‍ज्‍यी, ओसेम् ख्रीस्‍ट् दोःज्‍यीम् ब्‍योन्‍युबे बेलोरी थेङ्‍त बीस्‍वास् स्‍य्‍हेङ्‌बलमा सोस्‍ये मुब।

१ कोरीन्‍थी 3:23

ओसेम् एङ्‍यीमामी ख्रीस्‍ट्‍ल, ख्रीस्‍ट्‍मी पर्‌मेस्‍वर्‌ल य्‍हीन्‍ब।

२ कोरीन्‍थी 10:7

एङ्‍यीमाचेम् मीःचे म्रङ्‌बे स्‍य्‍हेमात च्‍यागो। एङ्‍यीमान्‍हङ्‍री खल्‍चे पङ्‌लेनो थे ख्रीस्‍ट्‍की म्‍ही य्‍हीन्‍ब बी पुरा बीस्‍वास् थेन्‍बल मुसम् होतेबे म्‍हीचे चु तम् गोथोब की ङ्‌यीमाएनो थे र्‌हङ्‌लेनो ख्रीस्‍ट्‍की म्‍हीमानो य्‍हीन्‍ब।

गलाती 3:29

एङ्‍यीमा ख्रीस्‍ट्‍ल य्‍हीन्‍सम् एङ्‍यीमा अब्राहामकी सन्‍तान्‍मा य्‍हीन्‍ब, ओसेम् एङ्‍यीमाचे पर्‌मेस्‍वर्‌चे अब्रहाम्‍तेङ् बाचा स्‍य्‍हेङ्‌जेत्‍पे मोलम् यङ्‍स्‍ये मुब।

गलाती 5:24

खजु म्‍हीमा येसु ख्रीस्‍ट्‍ल य्‍हीन्‍ब, थेङ्‍यीमाचे पापी स्‍वभाबतेङ् बक्‍च्‍य पापी स्‍वाभाबचे स्‍य्‍हेङ्‍ब म्‍हेन्‍बे दुस्‍ट लक्‍मात क्रुस्‍री च्‍योलाबल तब।