मर्‌कुस् 9:22 - पश्‍चिम तामाङ

²² ओसेम् थेत सेत्‍पे लागीरी म्‍हङ्‍चे य्‍हम्‍चे य्‍हम्‍रीनो मेतेङ् यीरी इलाब। थेङ्‌चे खम्सम् ङ्‌यीमात दय स्‍य्‍हेङ्‌ज्‍यीम् थेत फेन्‍न लपीन्‍जेतो।”

मर्‌कुस् 9:22 ပူးပေါင်းရင်းမြစ်များ

मत्‍ती 14:31

ओसेम् येसुचे ग्‍योन्-ग्‍योन्‍नो थेइ या चुङ्‌ज्‍यीम् “एइ बीस्‍वास् खइ, एचे तले सङ्‌क लबल?” बी सुङ्‌ज्‍यी।

मत्‍ती 17:15

ओसेम् पङ्‍ज्‍यी, “प्रभु, ङइ जत दय स्‍य्‍हेङ्‌जेतो, थे स्‍ह स्‍यप्‍ज्‍यीम् य्‍हक्‍को दुख नाटीबल मुब, ओसेम् थे य्‍हमम् मेरी छ्‍योङ्‍ब, य्‍हमम् यीरी छ्‍योङ्‍ब।

मत्‍ती 20:34

येसुचे थेङ्‍य्‍हीत दय स्‍य्‍हेङ्‌जेत्‍ज्‍यीम् थेङ्‌य्‍हीइ मीः छुपीन्‍जेत्‍ज्‍यी। छुपीन्‍जेत्‍प साच्‍चेनो थेङ्‌य्‍हीकी मीः म्रङ्‌ब खम्‍ज्‍यीम् येसुइ लीप्‍चे ब्रज्‍यी।

मत्‍ती 8:2

हुजु बेलोरीनो पुन् स्‍यप्‍पे म्‍ही गीः थेङ्‌की ङोन्‍री खज्‍यीम् पुइ जुःज्‍यीम्, “प्रभु, थेङ्‌की थु मुसम् ङत फेन्‍न लजेत्‍प खम्‍ब” बी पङ्‍ज्‍यी।

मत्‍ती 9:28

ओसेम् हुजु कन म्‍ही ङ्‍य्‍ही थेङ् स्‍य्‍हुबे दीम्‍रीएनो खज्‍यी। ओसेम् येसुचे थेङ्‍य्‍हीत ङ्‌योत्‍जेत्‍ज्‍यी, “एङ्‍य्‍हीत ङचे मीः म्रङ्‌नलब खम्‍ब पङ्‍बे बीस्‍वास् मुब?” थेङ्‍य्‍हीचे पङ्‍ज्‍यी, “मुब, प्रभु।”

मर्‌कुस् 5:19

तर येसुचे थेत खअबुङ्नले सुङ्‌ज्‍यी, “दीम्‍री ङ्‌यीज्‍यीम् र्‌हङ्‌की म्‍हीमात परमप्रभुचे एत स्‍य्‍हेङ्‍जेत्‍पे दयतेङ् जम्‍म तम्‍मा स्‍येत्‍परी ङ्‍यीउ।”

मर्‌कुस् 9:21

ओसेम् येसुचे हुजु कोलइ अपत, “खेम य्‍हङ्‍स्‍ये चु कोलत चोले तबल?” बी ङ्‌योत्‍जेत्‍ज्‍यी। ओसेम् कोलइ अपचे पङ्‍ज्‍यी, “थे ज्‍यीद मुब य्‍हङ्‌स्‍येनो चोले तबल य्‍हीन्‍ब।

मर्‌कुस् 9:23

येसुचे थेत सुङ्‌ज्‍यी, “‘खम्सम्’ बी तले पङ्‍बल? बीस्‍वास् स्‍य्‍हेङ्‍बलत जम्‍मनो तब खम्‍ब।”

लुका 7:13

प्रभुचे हुजु अमकोलत म्रङ्‌मम् तीङ् छज्‍यीम् थेत चोले सुङ्‌ज्‍यी, “थक्राको!”