मर्‌कुस् 9:19 - पश्‍चिम तामाङ

¹⁹ येसुचे थेङ्‌यीमात सुङ्‌ज्‍यी, “ओ बीस्‍वास् अरेबे म्‍हीमा, ङ एङ्‌यीमातेङ् खेम सम्‍म टील? ङ एङ्‌यीमात गत्‍ते नाब? हुजु ठीटत ङइज बोउ।”

मर्‌कुस् 9:19 ပူးပေါင်းရင်းမြစ်များ

मत्‍ती 17:17

येसुचे सुङ्‌ज्‍यी, “ओ बीस्‍वास् अरेबलतेङ् न्‍होङ्‌बे म्‍हीमा एङ्‌यीमातेङ् ङ गदे बेलोसम्‍म टीब? ङचे एङ्‌यीमात खेम सम्‍मा नाब? हुजु ठीटत चुरी ङज बोउ।”

मर्‌कुस् 16:14

हुजु लीप्‍चे येसु चुख्रीत डबमा बक्‍च्‍य चब चटीबे बेलोरी म्रङ्‍खज्‍यी। ओसेम् थेङ्‌चे थेङ्‌यीमात बराजेत्‍ज्‍यी। तलेपङ्‍सम् थेङ्‍यीमाचे कोङ्‌बे सेम् थोज्‍यीम् थेङ् स्‍यीब ग्‍यम्‍से सोबल म्रङ्‌बलमाचे स्‍येत्‍पे तम्‍त बीस्‍वास् अस्‍य्‍हेङ्।

मर्‌कुस् 9:18

थेत म्‍हङ्‍चे चुङ्‌बे बेलोरी सरी म्‍य्‍हाज्‍यीम् थेइ सुङ्‌से कोप्‍स्‍यो डोङ्‍ब। ओसेम् थे स क्रीतीक्‍ज्‍यीम् कङ्‌लङ् कुङ्‌लुङ् तब। ङचे थेङ्‌की डबमात हुजु म्‍हङ् तेत्‍लापीनो बी फ्‍या स्‍य्‍हु लज्‍यी। तर थेङ्‍यीमाचे अखम्।”

मर्‌कुस् 9:20

थेङ्‍यीमाचे हुजु ठीटत येसु मुबे ग्‍लारी बज्‍यी। येसुत म्रङ्‌ब साच्‍चेनो म्‍हङ्‍चे ठीटत तोर्‌म्‍य्‍ह-मोर्‌म्‍य्‍ह स्‍य्‍हेङ्‌ज्‍यी। ओसेम् ठीट सरी बोलोक्‍ज्‍यीम् सुङ्चे कोप्‍स्‍यो तेत्‍प तीप्‍ज्‍यी।

लुका 24:25

ओसेम् येसुचे थेङ्‌यीमात सुङ्‌ज्‍यी, “एङ्‌यीमा गत्‍ते मुर्‌ख म्‍हीमा! अगम्‍बक्‍तमाचे पङ्‌बे जम्‍म तम्‍मात बीस्‍वास् स्‍य्‍हेङ्‌बरीएनो एङ्‌यीमात गत्‍ते गारो तबल?

लुका 9:41

येसुचे सुङ्‌ज्‍यी, “एङ्‌यीमा खतेबे बीस्‍वास् अरेबलतेङ् अज्‍यबे सेम् मुबे म्‍हीमा। गदेसम्‍म ङ एङ्‌यीमातेङ् तल? गदेसम्‍म ङ एङ्‌यीमात नाब?” ओसेम् थेङ्‌चे सुङ्‌ज्‍यी, “एइ जत चुरी बोउ।”

युहन्‍ना 12:27

“देरेम् ङइ सेम् य्‍हक्‍को दुखचे प्‍लेबल मुब, ता ङचे अपत ‘हुजु दुखइ बेलो ङइ जोरी थखपुङ्‍जेतो’ बी पङ्‍ल? ङचे होले अपङ्, तलेपङ्‍सम् हुजु दुख नाबे लागीरीनो ङ चु जम्‍बुलीङ्‌री युबल य्‍हीन्‍ब।

युहन्‍ना 20:27

हुजु लीप्‍चे येसुचे थोमात सुङ्‌ज्‍यी, “एइ या जुमी ङइ याकी खील्‍की डोप्‍री जङो, ओसेम् ङइ रइकी खील्‍की डोप्‍री एइ या जङो। सङ्‍क थलउ, तर बीस्‍वास् स्‍य्‍हेङो।”