मर्‌कुस् 9:17 - पश्‍चिम तामाङ

¹⁷ य्‍हक्‍को म्‍हीमान्‍हङ्चे म्‍ही गीःचे येसुत पङ्‍ज्‍यी, “लोप्‍पोन्, ङचे ङइ जत थेङ्‌ज बबल मुब। तलेपङ्‍सम् म्‍हङ् स्‍यप्‍ज्‍यीम् थेत म्‍हङ्‍चे लेम्‍ब तनलबल मुब।

मर्‌कुस् 9:17 ပူးပေါင်းရင်းမြစ်များ

मत्‍ती 12:22

हुजु लीप्‍चे म्‍हङ् स्‍यप्‍ज्‍यीम् कनतेङ् लेम्‍ब तबे म्‍ही गीत म्‍हीमाचे येसुज बज्‍यी। येसुचे फेन्‍न लजेत्‍प बीसेम् हुजु म्‍हीचे म्रङ्‌बतेङ् तम् पङ्‍ब खम्‍ज्‍यी।

मत्‍ती 17:15

ओसेम् पङ्‍ज्‍यी, “प्रभु, ङइ जत दय स्‍य्‍हेङ्‌जेतो, थे स्‍ह स्‍यप्‍ज्‍यीम् य्‍हक्‍को दुख नाटीबल मुब, ओसेम् थे य्‍हमम् मेरी छ्‍योङ्‍ब, य्‍हमम् यीरी छ्‍योङ्‍ब।

मत्‍ती 9:32

थेङ्‍मा हुजु ग्‍लाचे डोङ्‍ज्‍यीम् स्‍येटीबे बेलोरी म्‍हीमाचे म्‍हङ् स्‍यप्‍पे लेम्‍ब म्‍ही गीःत येसुज बज्‍यी।

मर्‌कुस् 10:13

येसुचे फ्‍याचे छुज्‍यीम् मोलम् न्‍हङ्‍खइ बी म्‍हीमाचे र्‌हङ्‌की कोलमा थेङ्‌ज बज्‍यी। तर डबमाचे हुजु म्‍हीमात बराज्‍यी।

मर्‌कुस् 5:23

ओसेम् फ्‍या स्‍य्‍हु लज्‍यीम् पङ्‍ज्‍यी, “ङइ जमे ज्‍यीद स्‍यीयम्‍ब छ्‍येबल मुब। थेङ् ब्‍योन्‍खज्‍यीम् थेङ्‌की फ्‍या थेइ जोरी थेन्‍पीन्‍जेतो। ओसेम् थे फेन्‍ज्‍यीम् सोखइ” बी पङ्‌ज्‍यी।

मर्‌कुस् 7:26

हुजु अमकोलम् सीरीया य्‍हुल्‍की फोनीके प्रदेस्‍री न्‍हबे यहुदी अय्‍हीन्‍बे अमकोल मुबल। ओसेम् थेचे, “ङइ जमे ग्‍यम्‍से म्‍हङ्‌त ल्‍हब्‍लाजेतो” बी येसुत फ्‍या स्‍य्‍हु लज्‍यी।

मर्‌कुस् 9:16

येसुचे डबमात, “एङ्‍यीमा थेङ्‍यीमातेङ् तइ तम् ज्‍योप्‍टीबल?” बी ङ्‌योत्‍जेत्‍ज्‍यी।

मर्‌कुस् 9:18

थेत म्‍हङ्‍चे चुङ्‌बे बेलोरी सरी म्‍य्‍हाज्‍यीम् थेइ सुङ्‌से कोप्‍स्‍यो डोङ्‍ब। ओसेम् थे स क्रीतीक्‍ज्‍यीम् कङ्‌लङ् कुङ्‌लुङ् तब। ङचे थेङ्‌की डबमात हुजु म्‍हङ् तेत्‍लापीनो बी फ्‍या स्‍य्‍हु लज्‍यी। तर थेङ्‍यीमाचे अखम्।”

मर्‌कुस् 9:25

य्‍हक्‍को म्‍हीमा र्‌हङ् मुबे ग्‍लारी खटीबल म्रङ्‌ज्‍यीम् येसुचे म्‍हङ्‌त, “ओ लेम्‍बतेङ् न्‍हादीङ् तनलबे म्‍हङ्, चु कोल ग्‍यम्‍से डोङो! ओसेम् दोःज्‍यीम् चु कोलइ ल्‍हीरी खेमेएनो थवङो!” बी बराज्‍यीम् कुल्‍जेत्‍ज्‍यी।

लुका 11:14

येसुचे म्‍हङ् स्‍यप्‍ज्‍यीम् लेम्‍ब तबे म्‍ही गीःइ ल्‍ही ग्‍यम्‍चे म्‍हङ् लब्‍लाजेत्‍टीब मुबल। म्‍हङ् डोङ्‌य्‍हर्‌ब बीसेम् हुजु म्‍ही तम् पङ्‌ब थाल्‍दीज्‍यी। ओसेम् य्‍हक्‍को म्‍हीमा थोम्‍ज्‍यी।

लुका 9:38

य्‍हक्‍को म्‍हीमा न्‍हङ्‌चे म्‍ही गीःचे केत् ङ्‌हच्‍छ्‌यङ् तेत्‍ज्‍यीम् पङ्‌ज्‍यी, “लोप्‍पोन्, ङ एत फ्‍या स्‍य्‍हु लब, ङइ जत स्‍य्‍हीपीन्‍जेतो। थे ङल गीःकीनो मुबे कोल य्‍हीन्‍ब।

युहन्‍ना 4:47

येसु यहुदीया प्रदेस् ग्‍यम्‍से गालील् प्रदेस्‍री ब्‍योन्‍खबल मुब पङ्‍बे तम् थ्‍येःज्‍यीम् हुजु हाकीम् येसुइज खज्‍यी, ओसेम् नज्‍यीम् स्‍यीयम्‍टीबे थेइ जत फेन्‍न लपीन्‍जेतो पङ्‍ज्‍यीम् थेङ्‌त फ्‍या लज्‍यी।