मर्‌कुस् 9:12 - पश्‍चिम तामाङ

¹² येसुचे थेङ्‌यीमात सुङ्‌ज्‍यी, “य्‍हीन्‍ब, ङोन्‍ग्‍यम् एलीया खज्‍यीम् जम्‍मनो तम्‍मा टोप् लस्‍ये मुब। तर म्‍हीइ जचे य्‍हक्‍को दुख नाबतेङ् थेत म्‍हीमाचे अखोस्‍ये मुब बी धर्‌मइ छ्‍येःरी तले ब्रबील?

मर्‌कुस् 9:12 ပူးပေါင်းရင်းမြစ်များ

मत्‍ती 16:21

हुजु बेलो य्‍हङ्‌सेनो येसुचे थेङ्‌की डबमात सुङ्‌ज्‍यी, “ङ यरुसलेम्‍री ङ्‍यीथोब, ओसेम् अगुवामातेङ् ङ्‍हच्‍छ्‍यङ् लम्‍बुमा ओसेम् धर्‌म लोप्‍पोन्‍मा ग्‍यम्‍से दुख नाथोब, ओसेम् ङ स्‍यीस्‍ये मुब, तर सोम्‍रेत्कुनो स्‍यीब ग्‍यम्‍से सोस्‍ये मुब।”

मत्‍ती 26:24

म्‍हीइ ज धर्‌म छ्‍येःरी ब्रीब र्‌हङ्‌ले स्‍यीनोथोस्‍ये मुब। तर धीक्‍कार हुजु म्‍हीत, खल्‍चे म्‍हीइ जत चुङ्‍न लपीन्‍स्‍ये मुब। थेम् न्‍हनो अन्‍हबल य्‍हीन्‍सम् ज्‍यब तस्‍ये मुबल।”

मर्‌कुस् 10:33

थेङ्‌चे सुङ्‌ज्‍यी, “ङ्‌येनो, देरे ङ्‍य्‍हङ्‍मा यरुसलेम्‍री ङ्‍यीटीबल मुब। म्‍हीइ जत हुजुरी चुङ्‌ज्‍यीम् ङ्‍हच्‍छ्‍यङ् लम्‍बुमातेङ् धर्‌म लोप्‍पोन्‍माकी यारी सोप्‍तीस्‍ये मुब। थेङ्‍यीमाचे थेत सेत्‍नोथोब पङ्‍ज्‍यीम् रोमी म्‍हीमाकी यारी सोप्‍तीस्‍ये मुब।

मर्‌कुस् 9:13

तर ङ एङ्‌यीमात पङ्‍ब, एलीया खज्‍यीन्‍बल मुब। ओसेम् थेइ बारेरी धर्‌मइ छ्‍येःरी ब्रीब र्‌हङ्‌लेनो म्‍हीमाचे थेत ता स्‍य्‍हेङ्‍गे म्‍हेन्‍ज्‍यी हुजुनो स्‍य्‍हेङ्‌ज्‍यी।”

मर्‌कुस् 9:31

तलेपङ्‍सम् थेङ्‌चे र्‌हङ्‌की डबमात लोप्‍जेत्‍टीब मुबल। थेङ्‌चे थेङ्‌यीमात सुङ्‌ज्‍यी, “म्‍हीइ जत म्‍हीमाकी यारी सोप्‍तीस्‍ये मुब, ओसेम् थेङ्‍यीमाचे थेत सेत्‍स्‍ये मुब। तर स्‍यीज्‍यीम् सोम्‍रेत् लीप्‍चे थे सोज्‍यीम् रेःस्‍ये मुब।”

लुका 1:76

ङइ ज, एत गोदोब्‍न्‍हङ्‍की जोइ पर्‌मेस्‍वर्‌की अगम्‍बक्‍त पङ्‌स्‍ये मुब। तलेपङ्‍सम् प्रभुकी ग्‍यम् थोन्‍नलबरी ए ङोन्-ङोन् ङ्‌यीस्‍ये मुब।

लुका 23:11

हेरोदतेङ् थेइ सीपाहीमाचे येसुत ङोःज्‍यीम् पेत्‍न लज्‍यी। हुजु लीप्‍चे येसुत ग्‍यल्‍बोचे येन्‍ब र्‌हङ्‌बे येन् येन्‍पीन्‍ज्‍यीम् पीलातस्‍जनो दोःज्‍यीम् पीत्‍ज्‍यी।

लुका 23:39

अज्‍यबे लक् स्‍य्‍हेङ्‌ज्‍यीम् च्‍योलाबल ङ्‌य्‍ही न्‍हङ्‌री गीःचे थेङ्‌त ङोःज्‍यीम्, “ए मुक्‍ती पीन्‍बे ख्रीस्‍ट् अय्‍हीनो स्‍यीम? य्‍हीन्‍ब पङ्‌सम् र्‌हङ्‌चे र्‌हङ्‌त थर्‌नलोउ। ओसेम् ङ्‌यीङ्‌य्‍हीतएनो थर्‌नलोउ!” बी पङ्‌ज्‍यी।

प्रेरीत् 1:6

हुजु लीप्‍चे प्रेरीतमा र्‌हुब तज्‍यीम् येसुत, “प्रभु, थेङ्‌चे चु बेलोरीनो इस्राएल य्‍हुल्‍त दोःज्‍यीम् छार् स्‍य्‍हेङ्‌ब छ्‍येबल य्‍हीन्‍ब?” बी ङ्‌योत्‍ज्‍यी।

प्रेरीत् 4:11

धर्‌मइ छ्‍येःरी ब्रीबे चु तम् येसुइ बारेरी य्‍हीन्‍ब- ‘कर्‌मीमाचे लक् अत पङ्‍ज्‍यीम् ख्‍लाबे युङ्‌ब थेङ्‍नो य्‍हीन्‍ब, देरे हुजु युङ्‌ब सुर् युङ्‌ब तखबल मुब।’