मर्‌कुस् 8:35 - पश्‍चिम तामाङ

³⁵ तलेपङ्‍सम् खल्‍चे र्‌हङ्‌की जीवन थर्‌नलब म्‍हइज्‍यी, थेइ जीवन म्‍हस्‍ये मुब। तर खल्‍चे र्‌हङ्‌की जीवन् ङतेङ् ङइ ज्‍यबे सम्‍तर्‌की लागीरी पीन्‍ज्‍यी हुजुचे जीवन यङ्‍स्‍ये मुब।

मर्‌कुस् 8:35 ပူးပေါင်းရင်းမြစ်များ

मत्‍ती 10:22

एङ्‍यीमा ङल य्‍हीन्‍बल तज्‍यीम् जम्‍मचेनो अखोस्‍ये मुब। तर लीक्‍यम् सम्‍म बीस्‍वास्‍री कोङ्‍ज्‍यीम् टीबलमा थर्‌स्‍ये मुब।

मत्‍ती 10:39

र्‌हङ्‌की जीवन् थर्‌न लब म्‍हइबलमाचे, थेङ्‍यीमाइ जीवन म्‍हलास्‍ये मुब, तर ङइ लागीरी र्‌हङ्‌की जीवन् म्‍हन लबलचे जीवन् यङ्‍स्‍ये मुब।

मत्‍ती 16:25

तलेपङ्‍सम् खल्‍चे र्‌हङ्‌की जीवन् थर्‌न लब म्‍हइज्‍यी थेइ खेमेएनो अबेबे जीवन म्‍हस्‍ये मुब। तर ङइ लागीरी जीवन म्‍हन लबलचे र्‌हङ्‌की खेमेएनो अबेबे जीवन यङ्‍स्‍ये मुब।

मत्‍ती 19:29

ओसेम् ङइ लागीरी दीम्, अज्‍यो-अले, अन-अङ, अप-अम, ज-जमे, म्रङ्-बुम्रङ् पीत्‍थेन्‍बलमा जम्‍माचेनो हुजु बीमएनो सय गुन य्‍हक्‍को ओसेम् खेमेएनो अबेबे जीवनएनो यङ्‍स्‍ये मुब।

मर्‌कुस् 8:36

म्‍हीचे जम्‍बुलीङ्‌नो र्‌हङकी यारी कीन्‍लेएनो र्‌हङ्‌की जीवन् म्‍हज्‍यी पङ्‌सम् थेत त ज्‍यब तल?

लुका 17:33

खल्‍चे र्‌हङ्‌की जीवन् थर्‌नलब म्‍हइज्‍यी थेइ खेमेनो अबेबी जीवन् म्‍हस्‍ये मुब। तर खल्‍चे र्‌हङ्‌की जीवन् म्‍हनलज्‍यी थेचे खेमेनो अबेबी जीवन् यङ्‌स्‍ये मुब।

लुका 9:24

तलेपङ्‍सम् एङ्‍यीमाचे र्‌हङ्‌की जीवन् थर्‌नलब म्‍हइज्‍यी पङ्‌सम्, र्‌हङ्‌की जीवन म्‍हस्‍ये मुब। तर एङ्‍यीमाचे ङइ लागीरी र्‌हङ्‌की जीवन म्‍हनलज्‍यी पङ्‌सम्, एङ्‌यीमाइ जीवन थर्‌स्‍ये मुब।

प्रेरीत् 20:24

तर ङ ङइ जीवन ङइ लागीरी तइ सेइलएनो अम्‍हेन्। ङचे चोदेकीनो म्‍हेन्‍ब की ङत प्रभु येसुचे स्‍य्‍हेङो बी न्‍हङ्‌जेत्‍पे पर्‌मेस्‍वर्‌की अनुग्रहइ ज्‍यबे सम्‍तर् स्‍येत्‍पे लक् टोप् लब खम्‍खइ।

प्रेरीत् 21:13

तर पावलचे, “एङ्‍यीमा तले क्राज्‍यीम् ङइ सेम् टङ्‍नलब? तलेपङ्‍सम् जेल्‍री च्‍युप्‍परीकीनो अय्‍हीन्, तर ङ यरुसलेमरी प्रभु येसुइ लागीरी स्‍यीबरीएनो तयार मुब” बी पङ्‍ज्‍यी।

प्रेरीत् 9:16

“ओसेम् थेचे ङइ लागीरी गत्‍ते दुख नाथोसे बी ङ थेत ङोन्‍स्‍ये मुब।”

१ कोरीन्‍थी 9:23

ओसेम् ज्‍यबे सम्‍तर् ग्‍यम्‍से यङ्‍बे मोलम्‍मा जुम्‍यङ्‍खइ पङ्‍ज्‍यीम् ङचे चु जम्‍मनो ज्‍यबे सम्‍तर्‌की लागीरी स्‍य्‍हेङ्‍टीब।

२ कोरीन्‍थी 12:10

होत्‍तज्‍यीम् ख्रीस्‍ट्‍की लागीरी ङ कम्‍जोर् तलेएनो, म्‍हीमाचे पेत्‍नललेनो, गारो बेलोमा खलेनो, म्‍हीमाचे ङत य्‍हक्‍को दुखमा पीन्‍लेनो ओसेम् लोङ्‍बे बेलोमा खलेनो ङ तङ्‍ब। तलेपङ्‍सम् ङ कम्‍जोर् तबे बेलोरी थेङ्‍चे न्‍हङ्‍जेत्‍पे सक्‍तीचे बङ्‍ज्‍येन् तब।

२ तीमोथी 1:8

होत्‍तज्‍यीम् ङ्‍य्‍हङ्‍की प्रभुइ सम्‍तर् स्‍येत्‍परी थपेतो, ओसेम् ङतेङएनो थपेतो, ङचे थेङ्‌की बारेरी प्रचार स्‍य्‍हेङ्‍बल तज्‍यीम् ङ जेल्‍री दोःबल य्‍हीम्‍ब, बरु एचेएनो पर्‌मेस्‍वर् ग्‍यम्‍से बङ् यङ्‌ज्‍यीम् ज्‍यबे सम्‍तर् स्‍येत्‍परी दुख नाको।

हीब्रु 11:35

ओसेम् बीस्‍वास् ग्‍यम्सेनो अममाचे र्‌हङ्‍की स्‍यीज्‍यीन्‍बे म्‍हीमात सोम्‍बो यङ्‌ज्‍यी। तर ल्‍हो-ल्‍होमाचेम् पर्‌मेस्‍वर्‌त अस्‍वीकार लज्‍यीम् स्‍वतन्‍त्र तब बीमएनो स्‍यीज्‍यीम् लीक्‍यम् झेन् य्‍हक्‍को ज्‍यबे जीवन् यङ्‍बे आस्‍री दुख नाज्‍यीम् स्‍यीबरी सेम् लज्‍यी।

प्रकास 12:11

ङ्‍य्‍हङ्‍की बीस्‍वासी र्‌होमाचे थुमाकी कातेङ् थेङ्‍यीमाचे स्‍येत्‍पे देमेन्‍की गबाहीचे लज्‍यीम् सैतान्‍त डाबल मुब, ओसेम् थेङ्‍यीमा र्‌हङ् स्‍यीबरीएनो टोप् तबल मुबल।

प्रकास 2:10

एत खय्‍हम्‍बे दुखमातेङ् थलोङो। एइ बीस्‍वास्‍त जाच्‍तीबरी सैतान्‍चे एङ्‍यीमान्‍हङ्‍री डेत्‍डेत्‍त जेल्‍री युस्‍ये मुब, ओसेम् एङ्‍यीमाचे च्‍यीरेत् सम्‍म दुख नाथोःस्‍ये मुब। ए स्‍यीथोःलेनो ङत बीस्‍वास् स्‍य्‍हेङ्‍ब थपीतो, ओसेम् ङचे एत खेमेएनो अबेबे जीवन्‍की इनाम् पीन्‍स्‍ये मुब।

प्रकास 7:14

ङचे थेत पङ्‍ज्‍यी, “ङचे स्‍येःबल अरे। थेङ्‌चेनो खेम्‍बल मुब।” थेचे ङत पङ्‍ज्‍यी, “थेङ्‍यीमामी ङ्‍हच्‍छ्‍यङ् दुख नाज्‍यीम् खबल मुब, ओसेम् थेङ्‍यीमाचे र्‌हङ्-र्‌हङ्‍की येन् थुमाकी काचे ख्रुज्‍यीम् तर् तन लबल मुब।