मर्‌कुस् 7:34 - पश्‍चिम तामाङ

³⁴ ओसेम् येसुचे स्‍वर्‌गतोर् स्‍हीज्‍यीम् र्‌हीङ्‌बे सा डुत्‍ज्‍यीम् हुजु म्‍हीत, “इफ्‍फाता” बी सुङ्‌ज्‍यी। चु पङ्‍बलमी “ठोङो” पङ्‍बल य्‍हीन्‍ब।

मर्‌कुस् 7:34 ပူးပေါင်းရင်းမြစ်များ

मर्‌कुस् 1:41

ओसेम् येसुचे तीङ् छज्‍यीम् थेत फ्‍याचे छुजेत्‍ज्‍यीम्, “एत फेन्‍न लबे सेम् ङल मुब, ए फेनो” बी सुङ्‌ज्‍यी।

मर्‌कुस् 15:34

प्रो बेलोक्‍योर् येसुचे केत् ङ्‍हच्‍छ्‍यङ् तेत्‍ज्‍यीम्, “इलोइ, इलोइ लामा सबखथनी?” बी क्रीङ्‌ज्‍यी। चु पङ्‍बलमी, “ङइ पर्‌मेस्‍वर्, ङइ पर्‌मेस्‍वर् थेङ्‌चे ङत तले ख्‍लाजेत्‍पल?” य्‍हीन्‍ब।

मर्‌कुस् 5:41

ओसेम् कोलइ या चुङ्‌ज्‍यीम् थेङ्‌चे, “तालीता कुमी!” बी सुङ्‌ज्‍यी। चु पङ्‍बलम्, “अङ ज्‍यीद, ङ एत पङ्‍ब, रेःगो!” य्‍हीन्‍ब।

मर्‌कुस् 6:41

ओसेम् येसुचे गेङ् ङ्‍हतेङ् तर्‌ङ ङ्‍य्‍ही कीन्‍जेत्‍ज्‍यीम् स्‍वर्‌गतोर् स्‍हीज्‍यीम् पर्‌मेस्‍वर्‌त व्‍होर्‌छ्‌ये न्‍हङज्‍यी। ओसेम् गेङ्त स्‍योइज्‍यीम् म्‍हीमात जुपीनो पङ्‌ज्‍यीम् डबमात न्‍हङ्‌ज्‍यी। थेङ्‌चे तर्‌ङ ङ्‌य्‍हीएनो जम्‍मा म्‍हीमात जुज्‍यीम् न्‍हङ्‌ज्‍यी।

मर्‌कुस् 7:35

होले सुङ्‌ब साच्‍चेनो हुजु म्‍हीचे न्‍हबीङ् थ्‍येःज्‍यीम् तमएनो ज्‍येन्‍ले पङ्‍ब छ्‍येज्‍यी।

मर्‌कुस् 8:12

येसुचे चु थ्‍येःब बीसेम् र्‌हीङ्‌बे बुः डुत्‍ज्‍यीम्, “तीन्‍हम्‍स्‍य्‍होकी चु म्‍हीमाचे तले चीनो म्‍हइबल? ङ एङ्‌यीमात देमेन्‍नो पङ्‍ब, चु पुस्‍तइ म्‍हीमात तइ चीनोएनो पीन्‍स्‍ये अरे” बी सुङ्‌ज्‍यी।

लुका 18:42

येसुचे थेत, “एचे म्रङ्‌ब खमो! एइ बीस्‍वास्‍चे एत फेन्‍लबल मुब” बी सुङ्‌ज्‍यी।

लुका 19:41

येसु यरुसलेम सहरकी रेइरी दोखजेत्‍मम् थेङ्‌चे सहरत स्‍हीःज्‍यीम् क्राजेत्‍ज्‍यी।

लुका 7:14

ओसेम् ङोन्‍ग्‍यम् स्‍येःज्‍यीम् येसुचे स्‍यीबे म्‍ही मुबे डोम् छुजेत्‍ज्‍यी। ओसेम् हुजु नाबे म्‍हीमा अब्रनले रप्‍ज्‍यी। येसुचे सुङ्‌ज्‍यी, “ओ ठीटा, ङ एत पङ्‌ब, रेःगो!”

युहन्‍ना 11:33

येसुचे मरीयम क्राटीबल ओसेम् थेतेङ् बक्‍च्‍य खबे म्‍हीमाएनो क्राटीबल म्रङ्‌जेत्‍ज्‍यी। चु म्रङ्‌ज्‍यीम् येसु सेम्‍य्‍हङ्‍सेनो य्‍हक्‍को दुख तजेत्‍ज्‍यी।

युहन्‍ना 11:35

ओसेम् येसु क्राजेत्‍ज्‍यी।

युहन्‍ना 11:38

ओसेम् देबेएनो येसु थुःरी य्‍हक्‍को दुख तजेत्‍ज्‍यीम् लाजरसत थेन्‍बे दुर्‌सरी स्‍येजेत्‍ज्‍यी। हुजु दुर्‌स उरी मुबल, ओसेम् दुर्‌सइ सुङ्‍री ङ्‍हच्‍छ्‍यङ् युङ्‌बचे दुङ्‍थेन्‍बल मुबल।

युहन्‍ना 11:41

होत्‍तज्‍यीम् म्‍हीमाचे दुर्‌सइ सुङ्‍की युङ्‌ब दोःलाज्‍यी, ओसेम् येसुचे स्‍वर्‌गतोर् स्‍हीज्‍यीम् सुङ्‌ज्‍यी, “अप, थेङ्‌त व्‍होर्‌छ्‍ये मुब, थेङ्‌चे ङइ तम् सेन्‍जेत्‍ज्‍यी।

युहन्‍ना 11:43

चोते सुङ्‌ब बीसेम् केत् ङ्‍हच्‍छ्‍यङ् तेत्‍जेत्‍ज्‍यीम्, “लाजरस, दोरी डोङ्‍ज्‍यीम् युउ” बी ङ्‌होत्‍जेत्‍ज्‍यी।

युहन्‍ना 17:1

चु तम् सुङ्‍जेत्‍प बीसेम् येसुचे स्‍वर्‌गतोर् स्‍हीज्‍यीम् चोले प्रार्‌थना स्‍य्‍हेङ्‍जेत्‍ज्‍यी, “अप, बेलो खबल मुब, जचे थेङ्‌की महीमा स्‍य्‍हेङ्‌खइ पङ्‍ज्‍यीम् थेङ्‌की जत महीमा न्‍हङ्‍जेतो।

प्रेरीत् 9:34

ओसेम् पत्रुसचे थेत पङ्‍ज्‍यी, “एनीयास, एत येसु ख्रीस्‍ट्‍चे फेन्‍नलजेत्‍प, ए रेःज्‍यीम् एइ तीत्‍प न्‍हेन्‍ब बागो।” होलेपङ्‍ब साच्‍चेनो थे फोत्‍रेःज्‍यी।

प्रेरीत् 9:40

तर पत्रुसचे थेङ्‍यीमा जम्‍मत दोरी पीत्‍ज्‍यीम् पुइ जुःज्‍यीम् प्रार्‌थना स्‍य्‍हेङ्‌ज्‍यी। हुजु लीप्‍चे हुजु स्‍यीबे ल्‍ही पट्‍टीचे दोःज्‍यीम्, “ओ तबीता, रेःगो!” बी पङ्‍ज्‍यी। होलेपङ्‍ब बीसेम् हुजु अमकोलचे मीः च्‍याज्‍यी। ओसेम् पत्रुसत म्रङ्‌ब बीसेम् रेःज्‍यीम् टीज्‍यी।

हीब्रु 4:15

ङ्‍य्‍हङ्‍माकी लम्‍बुचे ङ्‍य्‍हङ्‍माकी कम्‍जोरीत गोपीन्‍जेत्‍प। तलेपङ्‌सम् ङ्‍य्‍हङ्‍माकी लम्‍बु जम्‍मनो तम्‍मारी ङ्‍य्‍हङ्‍मा र्‌हङ्‌लेनो परीक्षारी दोःज्‍यी, तर थेङ्‍चे पाप् स्‍य्‍हेङ्‍अजेत्।