मर्‌कुस् 6:36 - पश्‍चिम तामाङ

³⁶ म्‍हीमात पीत्‍जेतो, ओसेम् थेङ्‍यीमाचे रेइ-रेइकी नम्‍समारी ङ्‌यीज्‍यीम् र्‌हङ्‌की लागीरी चबे स्‍हे ग्‍लुखइ” बी पङ्‌ज्‍यी।

मर्‌कुस् 6:36 ပူးပေါင်းရင်းမြစ်များ

मत्‍ती 15:23

तर येसुचे थेत तएनो असुङ्। ओसेम् थेङ्‌की डबमा खज्‍यीम् थेङ्‌त फ्‍या लज्‍यीम् पङ्‍ज्‍यी, “चु अमकोलत चु ग्‍ला ग्‍यम्‍से पीत्‍जेतो। तलेपङ्‍सम् थे क्रीङ्‌ज्‍यीम् ङ्‌य्‍हङ्‌माकी लीप्‍चे खटीबल मुब।”

मत्‍ती 16:22

पत्रुसचे येसुत तोव क्‍योर् बोर्‌ज्‍यीम् बराज्‍यीम् पङ्‍ज्‍यी, “पर्‌मेस्‍वर्‌चे थेङ्‌त चोतेब अस्‍य्‍हेङ्‍जेत्‍खइ, प्रभु! थेङ्‌त चोतेब खेमेनो अतखइ।”

मर्‌कुस् 3:21

येसुइ म्‍हेम्‍यमाचे चु थ्‍येःज्‍यी, ओसेम् थेङ्‌त बोर्‌बरी थेङ्‌यीमा डोङ्‍ज्‍यी। तलेपङ्‍सम् थेङ्‍यीमाचे येसुइ सेम् ठेगान्‍री अरे बी पङ्‍टीबल मुबल।

मर्‌कुस् 5:31

डबमाचे थेङ्‌त पङ्‌ज्‍यी, “य्‍हक्‍को म्‍हीमा तोर् इ मोर् इ तटीबल थेङ्‌चे स्‍हीन-स्‍हीननो ‘ङत खल्‍चे छुज्‍यी?’ बी सुङ्‍जेत्‍प।”

मर्‌कुस् 6:35

ओसेम् ङ्‍येस्‍ये तयम्‍बल तज्‍यीम् थेङ्‌की डबमा खज्‍यीम् येसुत, “देरेम् ङ्‍येस्‍ये तज्‍यी, ओसेम् चु थङ् तबे ग्‍ला मुब।

मर्‌कुस् 6:37

तर येसुचे थेङ्‌यीमात, “एङ्‌यीमाचेनो थेङ्‌यीमात चब पीनो” बी सुङ्‌ज्‍यी। तर डबमाचे, “ङ्‌यीमाचे मन ङ्‌ही म्‍हुइकी टङ खर्‌च स्‍य्‍हेङ्‌ज्‍यीम् थेङ्‌यीमात चबे ग्‍येङ् ग्‍लुज्‍यीम् पीनो बी थेङ्‌चे सुङ्‌बल?” बी पङ्‌ज्‍यी।