मर्‌कुस् 4:39 - पश्‍चिम तामाङ

³⁹ ओसेम् येसु रेःजेत्‍ज्‍यीम् लाब लुङ्‍तेङ् छाल्‍मात बराज्‍यीम्, “टोप्‍ले टीउ! कुटी टीउ!” बी सुङ्‌ज्‍यी। ओसेम् लाब लुङ्‍तेङ् छाल्‍मा टोप्‍ले टीज्‍यीम् थेन् तज्‍यी।

मर्‌कुस् 4:39 ပူးပေါင်းရင်းမြစ်များ

मत्‍ती 8:26

येसुचे थेङ्‌यीमात सुङ्‌ज्‍यी, “एङ्‍यीमा तले लोङ्‍बल? खइ एङ्‌यीमाकी बीस्‍वास्?” हुजु लीप्‍चे थेङ् रेःजेत्‍ज्‍यीम् लाब लुङ्‍तेङ् छाल्‍त बाराजेत्‍ज्‍यी, ओसेम् हुजु थेन् तज्‍यी।

मर्‌कुस् 4:38

येसु दोङ्‍गइ ग्‍यप् पट्‍टीचे ख्रुम् लज्‍यीम् स्‍हीमजेत्‍टीब मुबल। थेङ्‍यीमाचे थेङ्‌त, “लोप्‍पोन्, ङ्‌य्‍हङ्‌मा यी न्‍हङ् दीम्‍ज्‍यीम् स्‍यीब म्‍हइबल थेङ्‌चे अछोरो?” बी पङ्‌ज्‍यीम् छ्‍यीङ्‍ज्‍यी।

मर्‌कुस् 9:25

य्‍हक्‍को म्‍हीमा र्‌हङ् मुबे ग्‍लारी खटीबल म्रङ्‌ज्‍यीम् येसुचे म्‍हङ्‌त, “ओ लेम्‍बतेङ् न्‍हादीङ् तनलबे म्‍हङ्, चु कोल ग्‍यम्‍से डोङो! ओसेम् दोःज्‍यीम् चु कोलइ ल्‍हीरी खेमेएनो थवङो!” बी बराज्‍यीम् कुल्‍जेत्‍ज्‍यी।

लुका 4:35

चु थ्‍येःज्‍यीम् येसुचे हुजु म्‍हङ्‌त बराज्‍यीम् सुङ्‌जेत्‍ज्‍यी, “कुटी टीउ! ओसेम् चु म्‍ही ग्‍यम्‍से डोङ्‌ज्‍यीम् य्‍हरो!” हुजु म्‍हीत जम्‍मइ ङोन्‍ग्‍यम् म्‍य्‍हाथेन्‍ज्‍यीम् म्‍हङ् डोङ्‌य्‍हर्‌ज्‍यी। होले म्‍य्‍हाथेन्‍लेनो थेत खनएनो म्‍हग अङ्‍य्‍ही।

लुका 4:39

येसु नबे म्‍हीइ रेइ्‌री स्‍येःज्‍यीम् छवत हप्‍कइतीब साच्‍चेनो छव म्‍हज्‍यी। ओसेम् सीमोनकी स्‍युमे रेज्‍यीम् थेमात क्‍योङ्‌ज्‍यी।

लुका 8:24

होत्‍तज्‍यीम् डबमा येसुज ङ्‌यीज्‍यीम् थेङ्‌त छ्‍यीङ्‌ज्‍यीम्, “लोप्‍पोन्, लोप्‍पोन्! ङ्‍ह्‌यङ्‌मा स्‍यीब छ्‌यज्‍यी!” बी पङ्‌ज्‍यी। ओसेम् येसु रेःज्‍यीम् लाबलुङ्‌तेङ् छाल्‍त रोक्‍तीउ बी कुल्‍जेत्‍ज्‍यी। ओसेम् लाबलुङ् रोक्‍तीज्‍यीम् ग्‍ये सान्‍त तज्‍यी।