मर्‌कुस् 4:35 - पश्‍चिम तामाङ

³⁵ हुजु दीन्‍की ङ्‍येस्‍येरी येसुचे डबमात, “ब्रे, ङ्‍य्‍हङ्‍मा ग्‍येइ क्‍योम्‍सङ् ङ्‍यीइ” बी सुङ्‌ज्‍यी।

मर्‌कुस् 4:35 ပူးပေါင်းရင်းမြစ်များ

मत्‍ती 14:22

चु लक् बुत्‍प साच्‍चेनो येसुचे डबमात दोङ्‍गरी क्रेत्‍ज्‍यीम् थेङ् बीम ङोन्‍नो ग्‍येइ क्‍योम्‍सङ् ङ्‍यीपुङ्‍जेत्‍ज्‍यी। ओसेम् थेङ् म्‍हीमात हुजु ग्‍लासे पीत्‍परी स्‍य्‍हुजेत्‍ज्‍यी।

मत्‍ती 8:18

येसुचे र्‌हङ्‌की कोरोरो य्‍हक्‍को म्‍हीमा म्रङ्‍जेत्‍ज्‍यीम् थेङ्‌की डबमात, “ग्‍येइ क्‍योम्‍सङ् ङ्‍यीइ” बी सुङ्‌जेत्‍ज्‍यी।

मर्‌कुस् 5:21

येसु देबेएनो दोङ्‍गरी क्रेत्‍ज्‍यीम् ग्‍येइ क्‍योम्‍सङ् स्‍येजेत्‍ज्‍यी। ओसेम् य्‍हक्‍को म्‍हीमा थेङ् मुबे ग्‍लारी र्‌हुब् तज्‍यी। थेङ्मी ग्‍येइ यरी मुबल।

मर्‌कुस् 6:45

हुजु साच्‍चेनो येसुचे डबमात दोङ्‍गरी क्रेत्‍ज्‍यीम् ग्‍येइ क्‍योम्‍सङ्‌की बेथसेदा नम्‍सरी ङ्‍यीउ बी कुल्‍जेत्‍ज्‍यी। थेङ्‍मी म्‍हीमात बीद स्‍य्‍हेङ्‌बरी स्‍य्‍हुजेत्‍ज्‍यी।

मर्‌कुस् 8:13

ओसेम् थेङ्‌यीमात ख्‍लेथेन्‍ज्‍यीम् थेङ् देबेएनो दोङ्‍गरी क्रेत्‍ज्‍यीम् डबमातेङ् बक्‍च्‍य ग्‍येइ क्‍योम्‍सङ् स्‍येःजेत्‍ज्‍यी।

लुका 8:22

तीरेत् येसु डबमातेङ् दोङ्‌गरी क्रेत्‍जेत्‍ज्‍यीम् थेङ्‌यीमात सुङ्‌ज्‍यी, “ङ्‌य्‍हङ्‌मा ग्‍येइ क्‍योम्‍सङ् ङ्‍यीइ्।” होत्‍तज्‍यीम् थेङ्‌यीमा ग्‍येइ क्‍योम्‍सङ् ङ्‌यीबरी स्‍येःज्‍यी।

लुका 8:25

ओसेम् येसुचे डबमात सुङ्‌ज्‍यी, “एङ्‌यीमाकी बीस्‍वास् खइ?” तर थेङ्‌यीमा लोङ्‌ज्‍यीम् थोम्‍ज्‍यी। ओसेम् गीःचे गीःत पङ्‌ज्‍यी, “चु खल म्‍ही य्‍हीन्‍ब? लाबलुङ्‌तेङ् छाल्‍चेएनो थेङ्‌चे कुल्‍बे तम् ङ्‌येन्‍बटीम्।”

युहन्‍ना 6:1

हुजु लीप्‍चे येसु गालील ग्‍ये तार्‌तीज्‍यीम् क्‍योम्‍सङ् स्‍येःजेत्‍ज्‍यी। (हुजु ग्‍येत तीबेरीयस् ग्‍येएनो पङ्‌ब।)

युहन्‍ना 6:17

ओसेम् थेङ्‍यीमा दोङ्‍ग क्रेत्‍ज्‍यीम् कफर्‌नहुम् लीङ्‍स्‌री ङ्‌यीबरी ग्‍येइ क्‍योम्‍सङ् य्‍हर्‌ज्‍यी। म्‍हुन्‍दुङ् तज्‍यीन्‍बल मुबल, ओसेम् येसु दवम् सम्‍म थेङ्‌यीमाज ब्‍योन्‍खबल अरेबल।

युहन्‍ना 6:25

म्‍हीमाचे येसुत ग्‍येइ क्‍योम्‍सङ् खतु तब बीसेम्, “लोप्‍पोन्, थेङ् चुरी खेम ब्‍योन्‍खबल?” बी ङ्‌योत्‍ज्‍यी।