मर्‌कुस् 4:31 - पश्‍चिम तामाङ

³¹ चु तम् सरी ब्‍लुत्‍पे पासइकी ब्‍लुइ फुम् र्‌हङ्‍ब य्‍हीन्‍ब। जम्‍बुलीङ्‌की जम्‍म ब्‍लुमा न्‍हङ्‌री ज्‍यीद तलेएनो

मर्‌कुस् 4:31 ပူးပေါင်းရင်းမြစ်များ

मर्‌कुस् 4:30

थेङ्‌चे देबेएनो, “ङ पर्‌मेस्‍वर्‌की य्‍हुल्‍त तातेङ् व्‍हब? वुइ खजु अर्‌थ ग्‍यम्‍चे चु तम् गोनलब? बी सुङ्‌ज्‍यी।

मर्‌कुस् 4:32

सरी ब्‍लुत्‍प बीसेम् छर्‌बोर्‌ब ओसेम् जम्‍मन्‍हङ्‍री ङ्‌हच्‍छ्‌यङ् बामा तज्‍यीम् दोङ्‌बो ङ्‌हच्‍छ्‌यङ् तब। ओसेम् ङ्‍यम्‍ङ्‍यमाचे हुजु दोङ्‌बोइ य्‍हर्‌ङमारी जङ् स्‍य्‍हेङ्‌ब।”

लुका 17:6

प्रभुचे थेङ्‌यीमात, “एङ्‌यीमातेङ् नम्‍नम्‍की ब्‍लुइ फुम् गीः गदे बीस्‍वास् मुब पङ्‌सम् चु बोस्‍योरोइ दोङ्‌बोत ‘ए र्‌हङ्‌नो ओर्‌ज्‍यीम् समुन्‍द्ररी सुः ङ्‌यीउ’ पङ्‌ज्‍यी पङ्‌सम् थेचे ङ्‌येन्‍स्‍ये मुब बी सुङ्‌ज्‍यी।”

प्रेरीत् 19:20

चोले प्रभुइ फ्रोइ ज्‍यनले ठम्‍स्‍यीनो बोर्‌ज्‍यीम् सक्‍तीसाली तबोर्‌ज्‍यी।

प्रेरीत् 2:41

हुजु लीप्‍चे य्‍हक्‍को म्‍हीमाचे थेचे पङ्‍बे तम्‍त बीस्‍वास् लज्‍यीम् बप्‍तीस्‍मा कीन्‍ज्‍यी। हुजु दीन्‍कुनो थेङ्‍यीमातेङ् हजार सोम्‍गदे म्‍हीमा कप्‍ज्‍यी।

प्रेरीत् 21:20

पावलचे चोले पङ्‍बल थेङ्‍यीमाचे थ्‍येःब बीसेम् पर्‌मेस्‍वर्‌त तोप्‍ज्‍यी। हुजु लीप्‍चे थेङ्‍यीमाचे पावलत, “एचे म्रङ्‌बलनो मुब, चुरीएनो हजार-हजार यहुदीमाचे येसुत बीस्‍वास् स्‍य्‍हेङ्‌बल मुब। ओसेम् थेङ्‍यीमाचे मोसाचे ब्रीबे नीयम्‍माएनो ज्‍यनले ङ्‌येन्‍ज्‍यीम् ब्रटीब मुब।

प्रेरीत् 4:4

तर य्‍हक्‍को म्‍हीमाचे थेङ्‍य्‍हीचे स्‍येत्‍पे तम् ङ्‌येन्‍ज्‍यीम् बीस्‍वास् स्‍य्‍हेङ्‌बल मुबल। बीस्‍वास् स्‍य्‍हेङ्‌बलमा न्‍हङ्‌री हजार ङ्‍हइ था अपकोलमा तबल मुबल।

प्रेरीत् 5:14

ओसेम् य्‍हक्‍को अपकोलमातेङ् अमकोलमाचे प्रभुत बीस्‍वास् स्‍य्‍हेङ्‌ज्‍यीम् थेङ्‍यीमातेङ् झेन् य्‍हक्‍को कप्‍स्‍यीनो बोर्‌ज्‍यी।

प्रकास 11:15

हुजु लीप्‍चे सातौ स्‍वर्‌गदुत्‍चे र्‌हङ्‍की तुरही र्‌हप्‍ज्‍यी, ओसेम् स्‍वर्‌ग ग्‍यम्‍से ङ्‍हच्‍छ्‌यङ्-ङ्‍हच्‍छयङ् केत्‍माचे चोले पङ्‍ज्‍यी, “देरे य्‍हङ्‍से जम्‍बुलीङ्‌री सासन् स्‍य्‍हेङ्‌बे अधीकार् ङ्‍य्‍हङ्‍की प्रभुतेङ् थेङ्‍की मुक्‍ती न्‍हङ्‌बे ख्रीस्‍ट्‍ल य्‍हीन्‍ब, ओसेम् थेङ्‍चे खेमपङ्‌लेनो सासन् स्‍य्‍हेङ्जेत्‍स्‍ये मुब।”