12 होत्तज्यीम् थेङ्यीमाचे च्याबम् च्याब तर अम्रङ्, थ्येःबम् थ्येःब तर अगो। अय्हीन् पङ्सम् थेङ्यीमाचे पस्चताप् स्य्हेङ्स्येल, ओसेम् थेङ्यीमाकी पाप क्षम तस्ये मुबल।”
एङ्यीमाल मीः मुज्यीमएनो म्रङ्अखमो? न्हबीङ् मुज्यीमएनो थ्येःअखमो? एङ्यीमात व्हल् अरे?
येसुचे थेङ्यीमात सुङ्ज्यी, “एङ्यीमातमी म्हीचे गोअखम्बे पर्मेस्वर्की य्हुल्की तम् गोखम्बे ज्ञान् पीन्बल मुब। तर ल्हो-ल्होमातमी चु तम्मा पेतम्मारीनो स्येत्प। ‘होत्तज्यीम् थेङ्यीमाचे च्याबम् च्याब तर अम्रङ्। ओसेम् थ्येःबम् थ्येःब तर गोअखम्।’
होत्तज्यीम् एङ्यीमाचे पस्चताप स्य्हेङ्ज्यीम् पर्मेस्वर्पट्टी दोःगो। ओसेम् एङ्यीमाचे पाप ग्यम्से क्षमा यङ्स्ये मुब।
बीरोद् स्य्हेङ्बलमात थेचे ज्यबे ग्यम्चे लोप्प खम्थोब, होले स्य्हेङ्बतेङ् पर्मेस्वर्चे थेङ्यीमात पस्चताप स्य्हेङ्बे सेम्तेङ् देमेन्त गोब खम्बे सेम् न्हङ्जेत्ल।
तज्यीमएनो बीस्वास् स्य्हेङ्ब पीत्ज्यीम् य्हर्ज्यी पङ्सम् थेङ्यीमात पस्चाताप् स्य्हेङ्न लज्यीम् पर्मेस्वर् पट्टी दोःज्यीम् बब अखम्। तलेपङ्सम् थेङ्यीमाचेम् पर्मेस्वर्की जत देबेएनो क्रुस्री च्योलाब ओसेम् जम्मइ ङोन्री थेङ्की बेइजत् लब।