मर्‌कुस् 3:3 - पश्‍चिम तामाङ

³ येसुचे हुजु या खर्‌बे म्‍हीत, “खज्‍यीम् जम्‍मइ गुङ्‍री रपो” बी सुङ्‌ज्‍यी।

मर्‌कुस् 3:3 ပူးပေါင်းရင်းမြစ်များ

मत्‍ती 12:10

हुजुरी या खर्‌बे म्‍ही गी मुबल, ओसेम् थेङ्‌त दोस् ल्‍हइतीबे सेम् लज्‍यीम् फरीसीमाचे ङ्‌योत्‍ज्‍यी, “दुःब न्‍हबे दीन्‍री नबे म्‍हीत फेन्‍न लब नीयम अनुसार तब वुइ अत?”

मर्‌कुस् 3:2

येसुचे दुःब न्‍हबे दीन्‍री हुजु म्‍हीत फेन्‍न लज्‍यी पङ्‌सम् थेङ्‌त दोस् ल्‍हइदील पङ्‌ज्‍यीम् डेत्-डेत् म्‍हीमाचे थेङ्‌त ज्‍यब्‍ज्‍यीम् च्‍याटीब मुबल।

मर्‌कुस् 3:4

हुजु लीप्‍चे येसुचे थेङ्‌यीमात, “दुःब न्‍हबे दीन्‍री नीयम् अनुसार खजु लक् स्‍य्‍हेङ्‌ब तब? ज्‍यबे लक् स्‍य्‍हेङ्‌ब वुइ नइबे लक् स्‍य्‍हेङ्‌ब? थर्‌नलब वुइ स्‍यीनलब?” बी ङ्‌योत्‍जेत्‍ज्‍यी। तर म्‍हीमा कुटीले टीज्‍यी।

लुका 6:8

थेमाइ सेम्‍की तम् गोज्‍यीम् येसुचे या खर्‌बे म्‍हीत सुङ्‌ज्‍यी, “ए रेःज्‍यीम् म्‍हीमाकी गुङ्‌री रपो।” होले सुङ्‌ब साच्‍चेनो हुजु म्‍ही रेःज्‍यीम् जम्‍मइ गुङ्‌री रप्‍ज्‍यी।

युहन्‍ना 9:4

ङत पीत्‍युजेत्‍पलइ लक् ङ्‍य्‍हङ्‍माचे दीनीइ य्‍हल् मुननो स्‍य्‍हेङ्‍थोब। देरेम् ग्‍योनेनो म्‍हुन तय्‍हम्‍टीब ओसेम् खल्‍चेएनो लक् स्‍य्‍हेङ्‌ब अखम्।

१ कोरीन्‍थी 15:58

होत्‍तज्‍यीम् म्‍होइबे र्‌होमा, एङ्‍यीमा बीस्‍वास्‍री कोङ्‍ज्‍यीम् य्‍हङ् य्‍होङ् अतनले टीउ। प्रभुइ लक् खेम पङ्‍लेएनो स्‍य्‍हेङ्‍स्‍यीनो टीउ। तलेपङ्‍सम् एङ्‍यीमाचे स्‍येःब, प्रभुरी एङ्‍यीमाचे दुख लज्‍यीम् स्‍य्‍हेङ्‌बे लक् खेर य्‍हर्‌स्‍ये अरे।

गलाती 6:9

ज्‍यबे लक् स्‍य्‍हेङ्‌बरी ङ्‍य्‍हङ्‍मा दुःब अत, तलेपङ्‍सम् ज्‍यबे लक् स्‍य्‍हेङ्‍स्‍यीनो टीज्‍यी पङ्‌सम् ठीक् बेलोरी हुजुइ रोरो यङ्‍स्‍ये मुब।

फीलीप्‍पी 1:14

ङ जेल्‍री दोःबल तज्‍यीम् य्‍हक्‍को र्‌हङ्‍ब बीस्‍वासीमा प्रभुरी बङ्‍ज्‍येन् तबल मुब। ओसेम् थेङ्‍यीमाचे अलोङ्‍नले ज्‍यबे सम्‍तर् स्‍येत्‍परी झेन् आर् यङ्‌बल मुब।

१ पत्रुस 4:1

ख्रीस्‍ट्‍चे ल्‍हीरी दुख नाजेत्‍ज्‍यी, होलेनो एङ्‍यीमाचे थेङ्‍चे र्‌हङ्‌ले दुख नाबे सेम् थो:ज्‍यीम् आर् लथोब, तलेपङ्‍सम् ल्‍हीरी दुख नाबलचे पाप स्‍य्‍हेङ्‌ब पीत्‍लाबल तब।