मर्‌कुस् 3:22 - पश्‍चिम तामाङ

²² ओसेम् यरुसलेम ग्‍यम्‍चे खबे धर्‌म लोप्‍पोन्‍माचे पङ्‍ज्‍यी, “चुत म्‍हङ्‍माकी ग्‍यल्‍बो बाल्‍जीबुल म्‍हङ् स्‍यप्‍पल मुब, हुजु म्‍हङ्‍की सक्‍ती ग्‍यम्‍चे म्‍हङ्‌मा ल्‍हब्‍लाबल य्‍हीन्‍ब।”

मर्‌कुस् 3:22 ပူးပေါင်းရင်းမြစ်များ

मत्‍ती 10:25

डब र्‌हङ्‌की लोप्‍पोन् गदे ओसेम् बान मालीक् गदे तबरीनो तङ्‍थोब। थेङ्‍यीमाचे दीम्‍की न्‍याबोतनो म्‍हङ्‍की ग्‍यल्‍बो बाल्‍जीबुल पङ्‍ब पङ्‌सम् दीम्‍की म्‍हेम्‍यमात झेन् गदे अज्‍यब पङ्‌ल?

मत्‍ती 11:18

“तलेपङ्‍सम् युहन्‍ना चब थुङ्‌ब लज्‍यीम् अख, ओसेम् एङ्‍यीमाचे पङ्‌ब, ‘थेत म्‍हङ् स्‍यप्‍पल मुब।’

मत्‍ती 12:24

चु थ्‍येःज्‍यीम् फरीसीमाचे पङ्‍ज्‍यी, “चु म्‍हीचे म्‍हङ्‍माकी ग्‍यल्‍बो बाल्‍जीबुलकी सक्‍ती ग्‍यम्‍चे म्‍हङ् तेत्‍प।”

मत्‍ती 15:1

हुजु लीप्‍चे डेत्-डेत् फरीसीमातेङ् धर्‌म लोप्‍पोन्‍मा यरुसलेम ग्‍यम्‍से खज्‍यीम् येसुत ङ्‌योत्‍ज्‍यी,

मत्‍ती 9:34

तर फरीसीमाचे पङ्‍ब तीप्‍ज्‍यी, “थेत म्‍हङ्‍माकी ग्‍यल्‍बोचे म्‍हङ् ल्‍हप्‍पे सक्‍ती पीन्‍बल तज्‍यीम् थेचे म्‍हङ्‌मा तेत्‍लाब खम्‍ब।”

मर्‌कुस् 7:1

यरुसलेम सहर् ग्‍यम्‍से खबे फरीसीमातेङ् धर्‌म लोप्‍पोन्‍मा येसु मुबे ग्‍लारी गोर्‌ले र्‌हुब् तज्‍यी।

लुका 11:15

तर डेत्-डेत् म्‍हीमाचे पङ्‌ज्‍यी, “थेचे म्‍हङ्‌माकी ङ्‌हच्‍छ्‌यङ् बाल्‍जीबुलकी सक्‍ती ग्‍यम्‍से म्‍हङ्‌मा लब्‍लाबल य्‍हीन्‍ब।”

लुका 5:17

तीरेत् येसु म्‍हीमात लोप्‍जेत्‍टीब मुबल। हुजुरी धर्‌म-लोप्‍पोन्‍मातेङ् फरीसीमाएनो रेइरी टीटीब मुबल। थेमा गालीलतेङ् यहुदीया प्रदेस्‍की जम्‍म नम्‍सतेङ् यरुसलेम सहरसेएनो खबल मुबल। येसुतेङ् नबलमात फेन्‍न लबे परमप्रभुकी सक्‍ती मुबल।

युहन्‍ना 10:22

हुजु बेलो सेर्‌क ल मुबल। ओसेम् यरुसलेम्‍री पर्‌मेस्‍वर्‌की दीम् सोप्‍तीबे पर्‌ब म्‍हन्‍दीबे बेलो खबल मुबल।

युहन्‍ना 7:20

य्‍हक्‍को म्‍हीमाचे पङ्‍ज्‍यी, “एत म्‍हङ् स्‍यप्‍नेम्, एत खल्‍चे सेत्‍प म्‍हइटीब?”

युहन्‍ना 8:48

ओसेम् यहुदी अगुवामाचे पङ्‍ज्‍यी, “ङ्‌यीमाचे पङ्‍बे तम् ठीक्‍नो य्‍हीन्‍ब, ए सामरी म्‍ही य्‍हीन्‍ब, ओसेम् एत म्‍हङ् स्‍यप्‍पल मुब!”

युहन्‍ना 8:52

यहुदी अगुवामाचे थेङ्‌त पङ्‍ज्‍यी, “देरेम् ङ्‌यीमाचे देमेन्‍नो एत म्‍हङ् स्‍यप्‍पल टीम् बी स्‍येज्‍यी! अब्रहाम स्‍यीज्‍यी, अगम्‍बक्‍तमाएनो स्‍यीज्‍यी, होलेतलेनो एचे पङ्‍ब, ‘खल्‍चे ङचे पङ्‍बे तम् ङ्‍येन्‍ब थे खेमेएनो स्‍यीस्‍ये अरे’