मर्‌कुस् 16:9 - पश्‍चिम तामाङ

⁹ [येसु अइतबार स्‍य्‍हो म्‍हुन्‍चेनो स्‍यीब ग्‍यम्‍से सोब बीसेम् गोदोब्‍न्‍हङ् ङोन्‍ग्‍यम् मरीयम मग्‍दलीनीज म्रङ्‌ज्‍यी, येसुचे हुजु मरीयमकी ल्‍ही ग्‍यम्‍से म्‍हङ् ङ्‍यीस्त तेत्‍लाजेत्‍पल मुबल।

मर्‌कुस् 16:9 ပူးပေါင်းရင်းမြစ်များ

मत्‍ती 27:56

थेङ्‍यीमान्‍हङ्‍री मरीयम मग्‍दलीनी, ओसेम् याकुबतेङ् योसेफकी अम मरीयम, ओसेम् जब्‍दीयाकी ज ङ्‌य्‍हीकी अम मुबल।

मर्‌कुस् 15:40

हुजुरी डेत्-डेत् अमकोलमाएनो चेक्‍पजाकी थारीङ्‍चे च्‍याटीब मुबल। थेङ्‍यीमान्‍हङ्‍री मरीयम, मग्‍दलीनी, सलोमी ओसेम् ज्‍यीत याकुबतेङ् योसेफकी अम मरीयम मुबल।

मर्‌कुस् 15:47

मरीयम मग्‍दलीनी ओसेम् योसेफकी अम मरीयमचे येसुत थेन्‍बे दुर्‌स च्‍याथेन्‍बल मुबल।

मर्‌कुस् 16:8

हुजु लीप्‍चे थेङ्‌यीमा दुर्‌स ग्‍यम्‍से लोङ्‍ज्‍यीम् दर्-दर्‌ज्‍यीम् छ्‍योङ्‍य्‍हर्‌ज्‍यी। ओसेम् थेङ्‌यीमा य्‍हक्‍को लोङ्‍बल तज्‍यीम् चु तम् खल्‍तेएनो अस्‍येत्।

लुका 24:10

हुजु अमकोलमामी मरीयम्, मग्‍दलीनी ओसेम् याकुबकी अम मरीयम् ओसेम् योअन्‍नातेङ् ल्‍हो-ल्‍हो अमकोलमाएनो मुबल। थेङ्‌यीमचेनो चु तम्‍मा प्रेरीतमात स्‍येत्‍पल मुबल।

लुका 8:2

थेङ्‌तेङ् बक्‍च्‍य रोगमातेङ् म्‍हङ् स्‍यप्‍प ग्‍यम्‍से फेन्‍बे डेत्-डेत् अमकोलमाएनो मुबल। हुजुमा न्‍हङ्‌री म्‍हङ् ङ्‌यीस् स्‍यप्‍प ग्‍यम्‍से फेन्‍बे मरीयम मग्‍दलीनीएनो मुबल।

युहन्‍ना 20:12

थेचे तर् येन् येन्‍बे स्‍वर्‌गदुत् ङ्‍य्‍ही म्रङ्‍ज्‍यी, गीः येसुइ क्र थेन्‍ब पट्‍टीचे ओसेम् गीः थेङ्‌की स्‍य्‍हब् थेन्‍ब पट्‍टीचे मुबल।

प्रेरीत् 20:7

अइतबारकी ङ्‍येस्‍येरी ङ्‌यीमा जम्‍मनो गेङ् क्‍युत्‍ज्‍यीम् चबरी र्‌हुब तज्‍यी। ओसेम् पावलचे न्‍हम्‍स्‍य्‍होर्‌हङ् य्‍हर्‌बे सेम् लबल तज्‍यीम् म्‍हुन् डेत् सम्‍म तम् लस्‍यीनो टीज्‍यी।

१ कोरीन्‍थी 16:2

एङ्‍यीमाचे र्‌हङ् र्‌हङ्‍की कमाइ अनुसार् सतइ ङोन्‍ग्‍यम्‍की दीन् र्‌हङ्‍स्‍यीनो र्‌हङ्‌चे गदे पीन्‍गे म्‍हेन्‍ज्‍यी होदे टङ सोज्‍यीम् थेनो। होले स्‍य्‍हेङ्‌ज्‍यी पङ्‌सम् ङ खबे बेलोरी टङ र्‌हुब्‍अथो।

प्रकास 1:10

प्रभुइ दीन्‍री ङ पबीत्र आत्‍माचे प्‍लीङ्‍बल मुबल, ओसेम् तुरहील र्‌हङ्‍बे ङ्‍हच्‍छ्‌यङ् केत् गीः ङइ ग्‍यप्‍चे थेःज्‍यी।