मर्कुस् 16:19 - पश्चिम तामाङ19 प्रभु येसुचे थेङ्यीमातेङ् चोले फ्रोइ सुङ्ब बीसेम् थेङ्त स्वर्गरी नोम्जेत्ज्यी। ओसेम् पर्मेस्वर्की केत्पट्टीचे स्य्हुजेत्ज्यी। အခန်းကိုကြည့်ပါ။ |
मर्कुस् 16:19
37 ပူးပေါင်းရင်းမြစ်များ
पर्मेस्वर् अपचे येसुत स्हेस न्हङ्ज्यीम् थेङ्की केत्पट्टीचे थेन्जेत्ज्यी। ओसेम् र्हङ्चे स्य्हेङ्जेत्पे बाचा अनुसार येसुत पबीत्र आत्मा न्हङ्जेत्ज्यी। येसुचे हुजु पबीत्र आत्मा ङ्य्हङ्मात पीत्युजेत्पल मुब, तीन्हम्स्यो एङ्यीमाचे म्रङ्बतेङ् थ्येःबे चु तम्मा हुजुनो य्हीन्ब।
होले तज्यीम् ङ्य्हङ्मात खल्चे दन्ड पीन्ब? खल्चेएनो अपीन्, तलेपङ्सम् येसु ख्रीस्ट् ङ्य्हङ्माकी लागीरी स्यीजेत्ज्यी। थेङ् स्यीबकीएनो अय्हीन् ङ्य्हङ्माकी लागीरी स्यीब ग्यम्से सोएनो सोजेत्ज्यी, ओसेम् पर्मेस्वर्की केत् फ्या पट्टीचे स्य्हुटीब मुब, ओसेम् ङ्य्हङ्माकी लागीरी पर्मेस्वर्तेङ् फ्याएनो लपीन्जेत्टीप।
ङ्य्हङ्की बीस्वासकी चु देमेन्की सम्तर् य्हक्को ङ्हच्छ्यङ् य्हीन्ब बी ङ्य्हङ्माचे स्वीकार स्य्हेङ्ब, थेङ् म्हीइ ल्हीरीनो म्रङ्युजेत्ज्यी, पबीत्र आत्माचे थेङ्त धर्मी ङोन्जेत्ज्यी, थेङ्त स्वर्गदुत्माचे म्रङ्जेत्ज्यी, जाती जातीमाकी गुङ्री थेङ्की प्रचार तज्यी, जम्बुलीङ्री थेङ्त बीस्वास् स्य्हेङ्ज्यी, थेङ्त पर्मेस्वर्चे स्वर्गरी नोम्जेत्ज्यी।
थेङ्री पर्मेस्वर्की ङ्हच्छ्यङ् महीमाकी य्हल् सर्ब ओसेम् थेङ्नो पर्मेस्वर्की देमेन्की रुप् य्हीन्ब। ओसेम् थेङ्की सक्तीसाली फ्रोइ ग्यम्सेनो थेङ्चेनो मुतेङ जम्बुलीङ्की जम्मनो स्हेमात थाम्तीजेत्प। ओसेम् म्हीमात पाप ग्यम्से फेःपीन्बे लक् बुत्प बीसेम् थेङ् महीमीत् पर्मेस्वर्की केत् फ्या पट्टीचे स्वर्गरी स्य्हुजेत्पल मुब।
ङ्य्हङ्माकी बीस्वास् तीप्जेत्पतेङ् टोप् लजेत्पे येसुत च्यास्यीनो टीइ। क्रुस्की दुखचे लज्यीम् थेङ् ग्यप्चे सार्तीअजेत्, तर हुजुइ देब्री दुख नाब बीसेम् यङ्स्येकी तङ्बइ लागीरी म्हीमाचे क्रुस्री पेत्नलबे तम्त तएनो अय्हीन् बी म्हेन्जेत्ज्यी। देरेम् थेङ् पर्मेस्वर्की ठीःइ केत् फ्या पट्टी स्य्हुजेत्पल मुब।
ကြော်ငြာတွေ