मर्‌कुस् 15:32 - पश्‍चिम तामाङ

³² चु मुक्‍ती न्‍हङ्‌बे ख्रीस्‍ट् इस्राएलकी ग्‍यल्‍बो क्रुस् ग्‍यम्‍से दुङ्‌री फप्‍युखइ। ओसेम् हुजु म्रङ्‌ज्‍यीम् ङ्‌य्‍हङ्‍माएनो थेत बीस्‍वास् स्‍य्‍हेङ्‍ल!” थेङ्‌तेङ् बक्‍च्‍य क्रुस्‍री च्‍योलाबलमाचेएनो थेङ्‌त खीसी लज्‍यी।

मर्‌कुस् 15:32 ပူးပေါင်းရင်းမြစ်များ

मत्‍ती 1:17

चोले अब्रहाम य्‍हङ्‍से दाऊद सम्‍म पुस्‍ता चुब्‍ली तज्‍यी। दाऊदकी बेलो य्‍हङ्‍से इस्राएलीमात बेबीलोन्‍री चुङ्‌ज्‍यीम् बोर्‌बे बेलोसम्‍म पुस्‍ता चुब्‍ली तज्‍यी। ओसेम् हुजु बेलो य्‍हङ्‍से मुक्‍ती न्‍हङ्‌बे ख्रीस्‍ट्‍की बेलोसम्‍म पुस्‍ता चुब्‍ली तज्‍यी।

मत्‍ती 27:42

ओसेम् पङ्‍ज्‍यी, “चु म्‍हीचे ल्‍हो-ल्‍होतमी थर्‌न लज्‍यी, तर र्‌हङ्‍तमी थर्‌न लअखम्। थे इस्राएलीमाकी ग्‍यल्‍बो य्‍हीन्‍सम् क्रुस् ग्‍यम्‍से दुङ्‌री फप्‍युखइ, ओसेम् ङ्‍य्‍हङ्‍माचे थेत बीस्‍वास् स्‍य्‍हेङ्‌स्‍ये मुब।

मत्‍ती 27:44

होलेनो थेङ्‍तेङ् बक्‍च्‍य क्रुस्‍री च्‍योलाबे य्‍होमाचेएनो थेङ्‌त ङोःज्‍यी।

मर्‌कुस् 15:26

थेङ्‌त दोस् ङोन्‍बे तम्‍री- “चु यहुदीमाकी ग्‍यल्‍बो य्‍हीन्‍ब” बी ब्रीबल मुबल।

मर्‌कुस् 15:27

थेङ्‍यीमाचे येसुत क्रुस्‍री च्‍योलाबे बेलोरी य्‍हो ङ्‍य्‍हीतेएनो गीःत थेङ्‌की केत्‍पट्‍टीचे गीःत ल्‍होम् पट्‍टीचे च्‍योलाज्‍यी।

युहन्‍ना 1:49

हुजुलीप्‍चे नथानेल्‍चे थेङ्‌त पङ्‍ज्‍यी, “लोप्‍पोन्, थेङ्‍मी पर्‌मेस्‍वर्‌की ज य्‍हीन्‍ब टीम्, थेङ् एस्रएलीमाकी ग्‍यल्‍बो य्‍हीन्‍ब टीम्!”

युहन्‍ना 12:13

ओसेम् थेङ्‍यीमाचे खजुर् पङ्‍बे दोङ्‌बोइ य्‍हर्‌ङमा थोज्‍यीम् थेङ्‌त स्‍वागत् स्‍य्‍हेङ्‌बरी लीङ्‍स ग्‍यम्‍से डोङ्‍ज्‍यी। ओसेम् क्रीङ्‌ज्‍यीम्, “पर्‌मेस्‍वर्‌त तोप्‍प तखइ! परमप्रभुइ छेन्‍री ब्‍योन्‍खबे इस्राएलकी ग्‍यल्‍बो मोलम् यङ्‌बे म्‍ही य्‍हीन्‍ब” बी पङ्‍टीबल मुबल।

रोमी 3:3

तर कोइ कोइ यहुदीमाचे पर्‌मेस्‍वर्‌तेङ् स्‍य्‍हेङ्‌बे बाचारी बीस्‍वासीलो अतमम् ता थेङ्‍यीमाकी अबीस्‍वास्‍चे पर्‌मेस्‍वर्‌की बीस्‍वासीलोत न्‍होङ्‌न लब स्‍यीम?

२ तीमोथी 2:18

थेङ्‍यीमाचे देमेन्‍की ग्‍यम्‍त पीत्‍पल मुब, ओसेम् पुनरुत्‍थान ङोन्‍नो तज्‍यीन्‍बल मुब बी लोप्‍ज्‍यीम् डेत् डेत् म्‍हीमाकी बीस्‍वासत न्‍होङ्‍न लबल मुब।