मर्‌कुस् 15:21 - पश्‍चिम तामाङ

²¹ ग्‍यम्‍री य्‍हर्‌टीमम् थेङ्‍यीमाचे कुरेनी पङ्‍बे ग्‍लाकी सीमोन पङ्‍बे म्‍हीत सहर्‌री खटीबल खदु तज्‍यी। थे अलेक्‍जेन्‍डरतेङ् रुफसकी अप मुबल। स्‍यीपाइमाचे थेत कर्‌लेनो येसुइ क्रुस् नापुङ्‍ज्‍यी।

मर्‌कुस् 15:21 ပူးပေါင်းရင်းမြစ်များ

मत्‍ती 27:32

ग्‍यम्‍री य्‍हर्‌टीबे बेलोरी थेङ्‍यीमाचे कुरेनी पङ्‍बे ग्‍लाकी सीमोन् पङ्‍बे म्‍ही गीःत खतु तज्‍यी। स्‍यीपइमाचे थेत कर्‌लेनो येसुइ क्रुस् नापुङ्‍ज्‍यी।

मत्‍ती 5:41

एत स्‍यीपाइ गीचे नासेन्‍लेनो कीलोमीटर गी ङ्‍यीइ पङ्‌सम् थेतेङ् कीलोमीटर ङ्‍य्‍ही ङ्‍यीपीनो।

मर्‌कुस् 15:20

चोले थेङ्‍यीमाचे येसुत ङोब बुत्‍ज्‍यीम् खवल पीङ् येन् प्‍लोक्‍ज्‍यीम् थेङ्‌की न्‍हम्‍जनो येन्‍पीन्‍ज्‍यी। हुजु लीप्‍चे थेङ्‍यीमाचे थेङ्‌त क्रुस्‍री च्‍योबरी फीर्‌च्‍योर् बोर्‌ज्‍यी।

लुका 14:27

ओसेम् खजु म्‍हीचे र्‌हङ्‌की क्रुस् नाज्‍यीम् ङइ लीप्‍चे अब्रज्‍यी हुजु ङइ डब ताअखम्।

लुका 23:26

ओसेम् सीपाहीमाचे येसुत बोर्‌टीमम् कुरेनी नम्‍सइ सीमोन् पङ्‌बे म्‍हीत दोज्‍यी। सीपाहीमाचे थेत चुङ्‌ज्‍यीम् क्रुस् कल्‍पीन्‍ज्‍यी, ओसेम् नाज्‍यीम् येसुइ लीप्-लीप् ब्रपुङ्ज्‍यी।

युहन्‍ना 19:17

ओसेम् येसुचे र्‌हङ्‌की क्रुस् र्‌हङ्‍चेनो नाजेत्‍ज्‍यीम् खप्‍पर् पङ्‍बे ग्‍लारी स्‍येजेत्‍ज्‍यी। (हुजुत हीब्रु ग्‍योत्‍री गलगथा पङ्‍ब।)

प्रेरीत् 11:20

तर डेत्-डेत् बीस्‍वासीमा साइप्रस पङ्‍बे ग्‍लातेङ् कुरेनी पङ्‍बे ग्‍लाचे एन्‍टीओखीया पङ्‍बे ग्‍लारी ङ्‌यीज्‍यीम् यहुदी अय्‍हीन्‍बे म्‍हीमातएनो प्रभु येसुइ ज्‍यबे सम्‍तर् स्‍येत्‍ज्‍यी।

प्रेरीत् 13:1

एन्‍टीओखीया सहर्‌की मन्‍डलीरी अगमबक्‍तामातेङ् लोप्‍पोन्‍मा मुबल। थेङ्‍यीमा बारनाबासतेङ् म्‍लङ्‍तुङ् पङ्‍बे सीमीयोन ओसेम् कुरेनी सहरकी लुकीयसतेङ् साउल ओसेम् सासक हेरोदतेङ् बक्‍च्‍य छर्‌बे मनेन मुबल।

प्रेरीत् 2:10

फ्रीगीया प्रदेस्‍की म्‍हीमा, पामफीलीया प्रदेस्‍की म्‍हीमा, ओसेम् मीस्र य्‍हुल्‍की म्‍हीमातेङ् लीबीया य्‍हुल्‍की कुरेनी सहर्‌की रेइ-रेइकी प्रदेस्‍माकी म्‍हीमा ओसेम् रोम् सहर्‌चे खबे

प्रेरीत् 6:9

तर डेत्-डेत् म्‍हीमाचेम् स्‍तीफनसज खज्‍यीम् अतब-अतबे तम् पङ्‍ज्‍यीम् थेत बीरोद् लज्‍यी। हुजु म्‍हीमाम् योक्‍पोइ लक् ग्‍यम्‍से डोङ्‍ज्‍यीम् देरेम् यहुदीमा र्‌हुब तबे दीम्‍की म्‍हीमा तबल मुबल। ओसेम् थेङ्‍यीमा अलेक्‍जेन्‍ड्रीयातेङ् कुरेनी सहर् ओसेम् कीलीकीयातेङ् एसीया प्रदेस्‍की म्‍हीमा मुबल।

रोमी 16:13

प्रभुचे दम्‍जेत्‍पे रुफस्‍त लस्‍सो मुब, ओसेम् ङत र्‌हङ्‍की ज र्‌हङ्‍बनो म्‍हेन्‍बे थेइ अमत लस्‍सो मुब।