46 हुजु लीप्चे थेङ्यीमाचे येसुत चुङ्ज्यी।
ओसेम् यहुदा येसु मुबे ग्लारी सर्-सर् खज्यीम्, “लोप्पोन्” पङ्ज्यीम् थेङ्की ग्रम्बरी च्योक्ज्यी।
तर हुजुरी रप्टीबलमा न्हङ्री येसुइ डब गीःचे तर्वार् तेत्ज्यीम् गोदोब्न्हङ्री ङ्हच्छ्यङ् लम्बुइ योक्पोइ न्हबीङ् थालाज्यी।
हुजु लीप्चे स्यीपाइमातेङ्, थेङ्यीमाइ कप्तान ओसेम् पर्मेस्वर्की दीम् रुङ्बे म्हीमाचे येसुत चुङ्ज्यीम् खीःज्यी।
पर्मेस्वर्चे र्हङ्चे थुः लजेत्पतेङ् ङोन्ग्यम्नो खेम्जेत्प अनुसार् येसुत एङ्यीमाकी यारी न्हङ्जेत्ज्यी। ओसेम् एङ्यीमाचे येसुत यहुदी अय्हीन्बे म्हीमाकी यारी सोप्तीज्यीम् क्रुस्री च्योज्यीम् सेत्पुङ्ज्यी।”
