मर्‌कुस् 14:28 - पश्‍चिम तामाङ

²⁸ “तर ङ स्‍यीब ग्‍यम्‍से सोब बीसेम् गालीलरी एङ्‍यीमा बीम ङोन्‍ग्‍यम् ङ्‍यीस्‍ये मुब।”

मर्‌कुस् 14:28 ပူးပေါင်းရင်းမြစ်များ

मत्‍ती 16:21

हुजु बेलो य्‍हङ्‌सेनो येसुचे थेङ्‌की डबमात सुङ्‌ज्‍यी, “ङ यरुसलेम्‍री ङ्‍यीथोब, ओसेम् अगुवामातेङ् ङ्‍हच्‍छ्‍यङ् लम्‍बुमा ओसेम् धर्‌म लोप्‍पोन्‍मा ग्‍यम्‍से दुख नाथोब, ओसेम् ङ स्‍यीस्‍ये मुब, तर सोम्‍रेत्कुनो स्‍यीब ग्‍यम्‍से सोस्‍ये मुब।”

मत्‍ती 26:32

“तर ङ स्‍यीब ग्‍यम्‍से सोब बीसेम् एङ्‍यीमा बीमम् ङोन्‍ग्‍यम् गालील्‍री ङ ङ्‍यीस्‍ये मुब।”

मत्‍ती 28:10

हुजु लीप्‍चे येसुचे थेङ्‌यीमात सुङ्‌ज्‍यी, “थलोङो, एङ्‍यीमा ङ्‌यीज्‍यीम् ङइ डबमात गालील्‍री ङ्‍यीउ पङ्‍पीनो। थेङ्‍यीमाचे ङत हुजुरी म्रङ्‌स्‍ये मुब।”

मत्‍ती 28:16

हुजु लीप्‍चे चुख्रीत् डबमा येसुचे ङ्‍यीउ बी सुङ्‍बे गालील गङ्‍री ङ्‌यीबरी डोङ्‍ज्‍यी।

मत्‍ती 28:7

ओसेम् ग्‍योन्-ग्‍योन् य्‍हर्‌ज्‍यीम् थेङ्‌की डबमात ‘थेङ् सोजेत्‍पल मुब, ओसेम् एङ्‌यीमा बीमम् ङोन्‍ग्‍यम् गालील्‍री स्‍येटीबल मुब, एङ्‍यीमाचे थेङ्‌त हुजुरी म्रङ्‌स्‍ये मुब’ बी स्‍येतो। ज्‍यनले ङ्‌येनो, देरेम् चु तम् ङचे एङ्‌यीमात पङ्‍बल मुब।”

मर्‌कुस् 14:29

पत्रुसचे येसुत, “जम्‍मनो थेङ्‌त ख्‍लेथेन्‍ज्‍यीम् य्‍हर्‌लेएनो ङ थेङ्‌त खेमेएनो ख्‍लेथेन्‍स्‍ये अरे” पङ्‍ज्‍यी।

मर्‌कुस् 16:7

एङ्‍यीमा य्‍हर्‌ज्‍यीम् डबमातेङ् पत्रुसत, ‘येसु एङ्‍यीमा बीम ङोन्‍नो गालील्‍री स्‍येजेत्‍पल मुब। थेङ्‌चे सुङ्‌ब र्‌हङ्‌ले एङ्‍यीमाचे थेङ्‌त हुजुरी म्रङ्‌स्‍ये मुब’ बी स्‍येत्‍पीनो।”

युहन्‍ना 21:1

हुजु लीप्‍चे येसु देबेएनो तीबेरीयस ग्‍येइ रेइरी डबमाज म्रङ्‍खजेत्‍ज्‍यी। ओसेम् थेङ्‌चे र्‌हङ्‍त चोले ङोन्‍जेत्‍ज्‍यी।