मर्‌कुस् 14:24 - पश्‍चिम तामाङ

²⁴ ओसेम् येसुचे सुङ्‌ज्‍यी, “चु ङइ का पर्‌मेस्‍वर्‌तेङ् म्‍हीमाइ गुङ्‍री स्‍य्‍हेङ्‌बे करार् य्‍हीन्‍ब। चु का य्‍हक्‍को म्‍हीमाइ लागीरी य्‍हर्‌पुङ्स्‍ये मुब।

मर्‌कुस् 14:24 ပူးပေါင်းရင်းမြစ်များ

मर्‌कुस् 10:45

तलेपङ्‍सम् म्‍हीइ जएनो स्‍य्‍हप्‍तो यङ्‌बे लागीरी युबल अय्‍हीन्, तर ल्‍हो-ल्‍होत स्‍य्‍हप्‍तो स्‍य्‍हेङ्‌बरी युबल य्‍हीन्‍ब। ओसेम् र्‌हङ्‌की जीवन पीन्‍ज्‍यीम् य्‍हक्‍को म्‍हीमात थर्‌नलबरी युबल य्‍हीन्‍ब।”

मर्‌कुस् 14:23

हुजु लीप्‍चे थेङ्‌चे अङ्‍गुर्‌की नीङ्‍गु मुबे खोरे थोज्‍यीम् पर्‌मेस्‍वर्‌त व्‍होर्‌छ्‌ये न्‍हङ्‌ज्‍यीम् डबमात न्‍हङ्‌ज्‍यी। थेङ्‍यीमा जम्‍मचे थुङ्‍ज्‍यी।

मर्‌कुस् 14:25

देमेन्‍नो, ङ एङ्‌यीमात पङ्‍ब, पर्‌मेस्‍वर्‌की य्‍हुल्‍री अङ्‍गुर्‌की छार् नीङ्‍गु अथुङ्‌गदे सम्‍म ङ देरे खेमेएनो अङ्‍गुर्‌की नीङ्‍गु थुङ्‌स्‍ये अरे।”

लुका 22:20

होलेनो ग्‍येङ् सोल्‍ब बीसेम् अङ्‌गुर्‌की खुकु मुबे खोरे थोज्‍यीम् सुङ्‌ज्‍यी, “चु अङ्‌गुर्‌की नीङ्‍गु ङइ कातेङ् स्‍य्‍हेङ्‌बे छार् बाचा य्‍हीन्‍ब। चु ङइ का एङ्‌यीमाइ लागीरी य्‍हर्‌पुङ्‌बल मुब।

युहन्‍ना 6:53

येसुचे थेङ्‌यीमात सुङ्‌ज्‍यी, “देमेन्‍नो ङ एङ्‌यीमात पङ्‍ब, एङ्‍यीमाचे म्‍हीइ जइ ल्‍हीः अचज्‍यी, ओसेम् थेइ का अथुङ्‍ज्‍यी पङ्‌सम् एङ्‌यीमातेङ् जीवन् अत।

१ कोरीन्‍थी 10:16

प्रभु डोन्‍की खोरे थोःज्‍यीम् ङ्‍य्‍हङ्‍माचे पर्‌मेस्‍वर्‌त व्‍होर्‌छ्‍ये पीन्‍ब, ओसेम् ङ्‍य्‍हङ्‍चे हुजु खोरे ग्‍यम्‍चे थुङ्‌बतेङ् ङ्‍य्‍हङ्‍मा ख्रीस्‍ट्‍की काःरी सहभागी तबल ङोन्‍ब अय्‍हीनो स्‍यीम्? गेङ् स्‍योइज्‍यीम् चबतेङ् ङ्‍य्‍हङ्‍मा ख्रीस्‍ट्‍की ल्‍हीःरी ख्रीस्‍ट्‍तेङ् गीः तबल ङोन्‍ब अय्‍हीनो स्‍यीम्?

१ कोरीन्‍थी 11:25

होलेनो डोन् चब बीसेम् येसुचे खोरे थोःजेत्‍ज्‍यीम् सुङ्‌ज्‍यी, “चु खोरे ङइ काःरी तबे छार् करार् य्‍हीन्‍ब। खेम-खेम एङ्‍यीमाचे चु थुङ्‍ब, ङइ व्‍हल्‍री चोले स्‍य्‍हेङ्‍स्‍यीनो टीउ।”