मर्‌कुस् 13:6 - पश्‍चिम तामाङ

⁶ य्‍हक्‍को म्‍हीमा ङइ मीन्‍री, ‘मुक्‍ती न्‍हङ्‌बे ख्रीस्‍ट् ङनो य्‍हीन्‍ब’ बी पङ्‍ज्‍यीम् खस्‍ये मुब। ओसेम् य्‍हक्‍को म्‍हीमात धोका पीन्‍स्‍ये मुब।

मर्‌कुस् 13:6 ပူးပေါင်းရင်းမြစ်များ

मत्‍ती 24:11

ओसेम् भ्‍यु पङ्‍बे अगम्‍बक्‍तमा य्‍हक्‍को खज्‍यीम् य्‍हक्‍को म्‍हीमात लुस्‍ये मुब।

मत्‍ती 24:5

तलेपङ्‍सम् य्‍हक्‍को म्‍हीमा ङइ मीन् कीन्‍ज्‍यीम् ‘ङ मुक्‍ती न्‍हङ्‌बे ख्रीस्‍ट् य्‍हीन्‍ब’ पङ्‍ज्‍यीम् खस्‍ये मुब, ओसेम् थेङ्‍यीमाचे य्‍हक्‍कोत लुस्‍ये मुब।

मर्‌कुस् 13:22

तलेपङ्‍सम् होतेबे भ्‍युकी ख्रीस्‍ट्‍मातेङ् भ्‍युकी अगम्‍बक्‍तमा डोङ्‍स्‍येनो मुब। खम्‍गदेसम्‍म थेङ्‍यीमाचे तेङेन्‍की लक्‍तेङ् चीनोमा ङोन्‍ज्‍यीम् पर्‌मेस्‍वर्‌चे दम्‍जेत्‍पलमातएनो फसइतीस्‍ये मुब।

मर्‌कुस् 13:5

येसुचे थेङ्‌यीमात सुङ्‌जेत्‍ज्‍यी, “होसीयार् तउ! खल्‍चेएनो एङ्‌यीमात धोका अपीन्‍खइ।

मर्‌कुस् 13:7

एङ्‍यीमाचे छेत्‍पतेङ् छेत्पे नर्‌सुमा थ्‍येःस्‍ये मुब। हुजु बेलोरी थलोङो, हुजुमामी तनोथोब। तर हुजु बेलोरीनो जम्‍बुलीङ् नास् अत।

युहन्‍ना 5:43

ङ ङइ अपइ छेन्‍री युबल मुब, ओसेम् एङ्‍यीमाचे ङत ग्रहन् अस्‍य्‍हेङ्। तर ल्‍हो-ल्‍हो खल पङ्‌लेनो र्‌हङ्‌की मीन्‍रीनो खज्‍यी पङ्‌सम् हुजुत एङ्‍यीमाचे ग्रहन् स्‍य्‍हेङ्‌स्‍ये मुब।

युहन्‍ना 8:24

होत्‍तज्‍यीम् ङचे एङ्‌यीमात ‘एङ्‌यीमा र्‌हङ्‌की पाप्‍रीनो स्‍यीस्‍ये मुब’ बी पङ्‍बल य्‍हीन्‍ब। तलेपङ्‍सम् एङ्‍यीमाचे ‘हुजु ङनो य्‍हीन्‍ब’ बी बीस्‍वास् अस्‍य्‍हेङ्‌ज्‍यी पङ्‌सम् एङ्‍यीमा र्‌हङ्‌की पाप्‍रीनो स्‍यीस्‍ये मुब।”

युहन्‍ना 8:28

होत्‍तज्‍यीम् येसुचे थेङ्‌यीमात सुङ्‌ज्‍यी, “एङ्‍यीमाचे म्‍हीइ जत क्रुस्‍री च्‍योलाब बीसेम्‍कीनो हुजु ङनो य्‍हीन्‍ब बी स्‍येस्‍ये मुब, ओसेम् ङ ङइ सेम्‍चे म्‍हेन्‍ब र्‌हङ्‌ले तएनो अस्‍य्‍हेङ्, तर अपचे ङत लोप्‍जेत्‍पे तम्‍कीनो पङ्‍ब बी एङ्‍यीमाचे स्‍येःस्‍ये मुब।

१ युहन्‍ना 4:1

म्‍होइबे र्‌होमा, पबीत्र आत्‍मा र्‌हङ्‍तेङ् मुब पङ्‍बे जम्‍मनो म्‍हीमात बीस्‍वास् थस्‍य्‍हेङो, तर हुजु आत्‍मा पर्‌मेस्‍वर् ग्‍यम्‍से य्‍हीन्‍ब वुइ अय्‍हीन् छोत् च्‍यागो, तलेपङ्‍सम् भ्‍यु पङ्‍बे अगम्‍बक्‍तमा चु जम्‍बुलीङ्‌री खन गोदोब्‍नो डोङ्‍बल मुब।