मर्‌कुस् 13:34 - पश्‍चिम तामाङ

³⁴ “चु तम्‍मी न्‍याबोचे र्‌हङ्‌की योक्‍पोमात र्‌हङ्-र्‌हङ्‍की लक् ज्‍यनले स्‍य्‍हेङो। ओसेम् र्‌हङ्‌की दीम् रुङ्‍बे म्‍हीत ज्‍यनले दीम् रुङो बी कुल्‍ज्‍यीम् थारीङ् कोर्‌बरी ङ्‌यीबल र्‌हङ्‍ब य्‍हीन्‍ब।

मर्‌कुस् 13:34 ပူးပေါင်းရင်းမြစ်များ

मत्‍ती 16:19

ङ एत स्‍वर्‌गइ य्‍हुल्‍की साचोमा पीन्‍स्‍ये मुब। एचे जम्‍बुलीङ्‌री ता खीज्‍यी हुजु स्‍वर्‌गरीएनो खीस्‍ये मुब, ओसेम् एचे जम्‍बुलीङ्‌री ता फ्रेन्‍ज्‍यी हुजु स्‍वर्‌गरीएनो फ्रेन्‍स्‍ये मुब।”

युहन्‍ना 10:3

म्रप् रुङ्‍बे म्‍हीचे गोर्‌तेन्‍की लागीरी म्रप् ठोङ्‍पीन्‍ब। ओसेम् गोर्‌तेन्‍चे ग्‍युमात मीन् तेत्‍ज्‍यीम् ङ्‍होत्‍प बीसेम् ग्‍युमाचे गोर्‌तेन्‍की केत् स्‍येब, हुजुलीप्‍चे गोर्‌तेन्‍चे ग्‍युमात फीर्‌च्‍योर् बोर्‌ब।

रोमी 13:6

होत्‍तज्‍यीम् एङ्‌यीमाचे तीरोमा फाथोब, तलेपङ्‌सम् सासक्‍माचे र्‌हङ्‍चे स्‍य्‍हेङ्‍नोथोबे लक् स्‍य्‍हेङ्‌ज्‍यीम् पर्‌मेस्‍वर्‌की लक् स्‍य्‍हेङ्‍टीबल तब।

१ कोरीन्‍थी 15:58

होत्‍तज्‍यीम् म्‍होइबे र्‌होमा, एङ्‍यीमा बीस्‍वास्‍री कोङ्‍ज्‍यीम् य्‍हङ् य्‍होङ् अतनले टीउ। प्रभुइ लक् खेम पङ्‍लेएनो स्‍य्‍हेङ्‍स्‍यीनो टीउ। तलेपङ्‍सम् एङ्‍यीमाचे स्‍येःब, प्रभुरी एङ्‍यीमाचे दुख लज्‍यीम् स्‍य्‍हेङ्‌बे लक् खेर य्‍हर्‌स्‍ये अरे।

कलस्‍सी 3:24

तलेपङ्‍सम् एङ्‌यीमात प्रभुचे न्‍हङ्‍ब पङ्‍ज्‍यीम् बाचा लजेत्‍पे बक्सीस् न्‍हङ्‌जेत्स्‍ये मुब पङ्‍बे तम् एङ्‍यीमाचे स्‍येःब। एङ्‌यीमाचे प्रभु ख्रीस्‍ट्‍की सेवा स्‍य्‍हेङ्‍टीब मुब।

कलस्‍सी 4:1

मालीक्‍मा, एङ्‌यीमाकी योक्‍पोमात बेख्‍ले अलनले ज्‍यब स्‍य्‍हेङो, तलेपङ्‍सम् एङ्‌यीमालएनो स्‍वर्‌गरी र्‌हङ्‍की मालीक् मुब पङ्‍बे तम् थम्‍लेतो।

प्रकास 3:7

“ओसेम् फीलाडेल्‍फीयाकी मन्‍डलीत स्‍य्‍हप्‍तो स्‍य्‍हेङ्‌बे चवत चु तम् ब्रीउ: “चु तम्‍मा पबीत्रतेङ् देमेन् ओसेम् दाऊद ग्‍यल्‍बोइ साचो मुबलचे सुङ्‍जेत्‍प, ओसेम् थेङ्‌चे ठोङ्‍जेत्‍पल खल्‍चेएनो दुङ्‍ब अखम्, ओसेम् थेङ्‌चे दुङ्‍जेत्‍पल खल्‍चेएनो ठोङ्‍ब अखम्।