मर्‌कुस् 12:7 - पश्‍चिम तामाङ

⁷ “तर हुजु पीमा स्‍य्‍हेङ्‌बे म्‍हीमाचे र्‌हङ्‍न्‍हङ् चोले पङ्‍ज्‍यी, ‘क्‍युजुम् न्‍याबोइ ज य्‍हीन्‍ब। लो थेत सेत्‍लागे, ओसेम् थेइ हक् ङ्‍य्‍हङ्‍माचे यङ्‍स्‍ये मुब।’

मर्‌कुस् 12:7 ပူးပေါင်းရင်းမြစ်များ

मत्‍ती 2:16

ज्‍योतीसीमाचे थेत लुनेम् बी स्‍येब बीसेम् हेरोदत य्‍हक्‍को बुमो रप्‍ज्‍यी। ओसेम् सार् डोङ्‌बे बेलो ज्‍योतीसीमा ग्‍यम्‍चे स्‍येब अनुसार बेथेलेहेम्‍तेङ् हुजुइ रेइ रेइमाकी नम्‍सरी मुबे ङ्‍य्‍हीत्‍तीङ्तेङ् ङ्‍य्‍हीत्‍तीङ् बीम दुङ्‍की अपकोलमा जम्‍मतनो सेत्‍लाको पङ्‍ज्‍यीम् हेरोदचे स्‍यीपइमात पीत्‍ज्‍यी।

मत्‍ती 21:34

अङ्‌गुर् मीन्‍बे बेलो तब बीसेम् न्‍यबोचे थेइ बो कीन्‍बरी योक्‍पोमात अङ्‌गुर् पीमा स्‍य्‍हेङ्‌बे म्‍हीमाज पीत्‍ज्‍यी।

मर्‌कुस् 12:12

यहुदी अगुवामाचे येसुत चुङ्‍ब म्‍हइज्‍यी, तलेपङ्‍सम् थेङ्‌चे सुङ्‍बे अर्‌थ थेङ्‌यीमाकी बीरुद्‍दरी सुङ्‌बल बी था मुबल। तर थेङ्‌यीमा य्‍हक्‍को म्‍हीमातेङ् लोङ्‍बल तज्‍यीम् थेङ्‌त ख्‍लेथेन्‍ज्‍यीम् य्‍हर्‌ज्‍यी।

मर्‌कुस् 12:6

न्‍याबोल देरेम् पीत्‍परी थेचे य्‍हक्‍कोनो म्‍होइबे ज गीःकीनो मुबल। ओसेम् ‘थेङ्‍यीमाचे ङइ जतम् स्‍हेस स्‍य्‍हेङ्‍ल’ म्‍हेन्‍ज्‍यीम् गोदोब्‍न्‍हङ् लीक्‍यम् न्‍याबोचे थेइ जत पीत्‍ज्‍यी।

मर्‌कुस् 12:8

होत्‍तज्‍यीम् थेङ्‍यीमाचे थेत चुङ्‌ज्‍यीम् सेत्‍लाज्‍यी। ओसेम् थेत अङ्‍गुर्‌की म्रङ्‌की फीर्‌च्‍योर् ख्‍लापीत्‍ज्‍यी।”

प्रेरीत् 2:23

पर्‌मेस्‍वर्‌चे र्‌हङ्‌चे थुः लजेत्‍पतेङ् ङोन्‍ग्‍यम्‍नो खेम्‍जेत्‍प अनुसार् येसुत एङ्‌यीमाकी यारी न्‍हङ्‍जेत्‍ज्‍यी। ओसेम् एङ्‍यीमाचे येसुत यहुदी अय्‍हीन्‍बे म्‍हीमाकी यारी सोप्‍तीज्‍यीम् क्रुस्‍री च्‍योज्‍यीम् सेत्‍पुङ्‌ज्‍यी।”

प्रेरीत् 5:28

“ङ्‌यीमाचे एङ्‌यीमात हुजु म्‍हीइ मीन्‍री खल्‍तेएनो थलोपो पङ्‍ज्‍यीम् कुल्‍बल मुबल। तर एङ्‍यीमाचे चु तम् यरुसलेमकी जम्‍मा ग्‍लामारी ठम्‍ज्‍यीन्‍नेम्। ओसेम् येसुत सेत्‍पे दोस्‍एनो एङ्‍यीमाचे ङ्‌यीमात ल्‍हइतीब म्‍हइनेम्।”

प्रेरीत् 7:52

एङ्‌यीमाइ म्‍हेमेमाचे अगम्‍बक्‍तमा जम्‍मतनो दुख पीन्‍बल मुबल। ओसेम् पर्‌मेस्‍वर्‌की फ्रोइकीनो ङ्‌येन्‍ज्‍यीम् ब्रबे म्‍ही ब्‍योन्‍युस्‍ये मुब पङ्‍बे तम् स्‍येत्‍पलमात थेङ्‍यीमाचे सेत्‍लाज्‍यी। ओसेम् देरे एङ्‍यीमाचेम् थेङ्‌त म्‍हीमाइ यारी सोप्‍तीपीन्‍ज्‍यीम् सेत्‍ज्‍यी।

हीब्रु 1:2

तर चु ज्‍युःकी दीन्‍मारी थेङ् र्‌हङ्‍की ज ग्‍यम्‍से ङ्‍य्‍हङ्‍मातेङ् फ्रोइ लजेत्‍पल मुब। पर्‌मेस्‍वर्‌चे र्‌हङ्‍की जत तीरेत् जम्‍म अधीकार् न्‍हङ्‍जेत्‍परी दम्‍जेत्‍ज्‍यी, ओसेम् थेङ्‍चे ज ग्‍यम्सेनो जम्‍बुलीङ् स्‍य्‍हेङ्‌जेत्‍ज्‍यी।